Մնացական Մարտիրոսյանի ընտրությունն առաջացրել է նաեւ արեւմտամետ համարում ունեցող ՀԿ-ների դժգոհությունը

ԲՈԼՈՐ ՆՅՈՒԹԵՐԸ

Բոլորը

03/20/2023 18:48 Ալեն Սիմոնյանը սայթաքել և վնասել է արմունկը. այժմ նա «Նաիրի» ԲԿ-ում է 03/21/2023 15:37 Մեքենան էլ չկա, ինքն էլ չկա. Խնձորեսկում ադրբեջանցիները պայմանագրային զինծառայողին գերի են վերցրել 03/21/2023 19:46 Դատարանը տուգանել է Ստյոպա Սաֆարյանին 03/20/2023 22:22 Կարկուտ է, ու դեմը պետք ա հրատապ առնենք, որ առաջ չգան․ Ջերմուկում կրակում են․ Oragir.News 03/20/2023 14:04 Փաշինյանը պատրաստվում է Ադրբեջանի կազմում Արցախի «ռեինտեգրացիայի» դրույթներ պարունակող փաստաթղթի ստորագրմանը. Զուրաբյան 03/21/2023 07:56 ՔՊ-ականները, բերանները ջուր առած, 5 ժամ լսել են Օնիկ Գասպարյանի ելույթը․ բացառիկ մանրամասներ դռնփակ նիստից․ «Ժողովուրդ» 03/21/2023 18:56 Ադրբեջանը պատրաստվում է սադրանքի. կանխավ հայտարարություն են տարածել 03/20/2023 20:44 «Բասեյն ունենք, գնացել էինք ջուրը բացելու, այդ ժամանակ կրակեցին». Երանոսյան 03/20/2023 21:53 Հակառակորդը հարձակվել է սահմանի ողջ երկայնքով, որևէ հրամանատար զորքը մարտական պատրաստվածության բարձր աստիճանի չի բերել, բայց մեղադրվում է միայն Սևակ Աբրահամյանը. Պաշտպան (տեսանյութ) 03/21/2023 14:56 Ադրբեջանցիները ՀՀ սուվերեն տարածքից առևանգել են Խնձորեսկի բնակչին՝ զինվորին հաց տանելիս 03/20/2023 22:37 «Իրականում ի՞նչ ասաց այսօր Լավրովը». Արմեն Աշոտյան 03/21/2023 13:23 Չգիտես ինչու Ալեն Սիմոնյանը բուժվում է «նախկինների» բժշկական կենտրոնում. Կարեն Քոչարյան 03/21/2023 19:02 Իրանական աղբյուրները հայտնում են, որ Ալի Բաղերի Քանիի այցը Հայաստան միտված է կանխելու հնարավոր պատերազմը 03/20/2023 15:04 Տիգրան Մեծի պողոտայում վրաերթի են ենթարկել 33-ամյա կնոջ և 31-ամյա տղամարդու 03/20/2023 14:07 Չգործող հյուրանոցում 29-ամյա կնոջ կախված դի է հայտնաբերվել. shamshyan.com 03/20/2023 15:59 ՔԿ-ն Իշխան Սաղաթելյանին որպես վկա կանչել է հարցաքննության, բայց փաստացի հարցաքննել կասկածանքի շուրջ 03/21/2023 17:39 Տիգրանաշենի ոլորաններում բեռնատար ավտոմեքենան ընկել է ձորը 03/20/2023 15:52 Բաքու-Ստեփանակերտ VS Բելգրադ-Պրիշտինա. Աշոտյան 03/20/2023 19:54 «Ռուսաստանը պիտի վերադարձնի Կ. Պոլիսը». Ճգնաժամը պետք է ավարտվի Թուրքիայի փլուզմամբ․ Բաղդասարով 03/20/2023 18:20 ՀՀ ոչ մի իշխանություն վերջնագրային պայմաններով փաստաթուղթ ստորագրելու իրավունք չունի, դա դատավճիռ կլինի ամբողջ ժողովրդի համար. Դավիթ Կարապետյան

Մնացական Մարտիրոսյանի ընտրությունն առաջացրել է նաեւ արեւմտամետ համարում ունեցող ՀԿ-ների դժգոհությունը 11/24/2022 13:50 | ԼՐԱՀՈՍ

Քաղաքացիական հասարակության կազմակերպությունները խիստ անընդունելի և դատապարտելի են համարում Բարձրագույն դատական խորհրդի կողմից կոռուպցիոն հանցագործությունների քննության իրականացնող դատավորների կազմում դատավոր Մնացական Մարտիրոսյանի ընտրությունը: Այս մասին նշված է ՀԿ-ների տարածած հաղորդագրությունում։

«Բարձրագույն դատական խորհրդի կողմից կոռուպցիոն հանցագործությունների քննություն իրականացնող դատավորի ընտրության վերաբերյալ2022 թվականի նոյեմբերի 21-ին Բարձրագույն դատական խորհրդի կողմից կոռուպցիոն հանցագործությունների քննություն իրականացնող դատավորների կազմում ընդգրկվելու համար հարցազրույցի փուլին մասնակցող 2 թեկնածուից դատավոր է ընտրվել է Մնացական Մարտիրոսյանը՝ 6 կողմ, 3 դեմ ձայնով:

Մենք՝ ներքոստորագրյալ քաղաքացիական հասարակության կազմակերպություններս, խիստ անընդունելի և դատապարտելի ենք համարում Բարձրագույն դատական խորհրդի կողմից կոռուպցիոն հանցագործությունների քննության իրականացնող դատավորների կազմում դատավոր Մնացական Մարտիրոսյանի ընտրությունը:

Մնացական Մարտիրոսյանը հայտնի է որպես քաղաքական հնչեղ գործերով ներգրավված դատավոր, ում դատավճիռներով դատապարտվել են քաղաքական բանտարկյալներ, որոնց թվում են՝ 2008թ. մարտի 1-ից հետո «7»-ի գործով դատապարտված Ալեքսանդր Արզումանյանը, Նիկոլ Փաշինյանը և այլ անձինք: 2006թ.-ին Մնացական Մարտիրոսյանի վճռով է ազատազրկման դատապարտվել ընդդիմադիր գործունեություն իրականացնող, այդ ժամանակ «Ժամանակ» թերթի գլխավոր խմբագիր Արման Բաբաջանյանը, 2007թ.-ին Ժիրայր Սեֆիլյանը, 2017թ.-ին Գևորգ Սաֆարյանը և այլ անձինք: Մնացական Մարտիրոսյանը քննել է նաև 2001թ. Պողոս Պողոսյանի սպանության դեպքի վերաբերյալ քրեական գործը:

Մարդու իրավունքների եվրոպական դատարանի վճիռներով հաստատվել են հիմնարար իրավունքների խախտումները և քաղաքական հետապնդման փաստը, որոնց արդյունքում նրանցից ոմանք տարիներ անց արդարացվել են Հայաստանի Հանրապետության դատարանների կողմից:

Այս համատեքստում Մնացական Մարտիրոսյանի՝ բացառապես քաղաքական կլանային շահերին սպասարկող գործունեությունը խաթարել է ոչ միայն արդարադատության ընկալումը ու վնասել Հայաստանի դատական իշխանության հեղինակությունն ու հանրային վստահությունը, այլև նյութական վնաս է պատճառել Հայաստանի Հանրապետությանը: Բարձրագույն դատական խորհրդի անդամների կողմից նման վարկանիշ ունեցող դատավորին հակակոռուպցիոն դատարանի դատավորի պաշտոնում ընտրելը խեղաթյուրում է պետության հակակոռուպցիոն քաղաքականությունը և խորացնում է դատական համակարգի նկատմամբ տիրող անվստահությունը։

Նման ընտրությունը ուղղակիորեն հակասում է 2018 թվականի Թավշյա հեղափոխության արժեքներին ու արժեքային ընտրությանը՝ հաշվի առնելով, որ Հայաստանում համաժողովրդական շարժումը արդարադատության արատավոր բարքերի, կոռուպցիայի և հալածանքների դեմ էր։

Նմանատիպ ընտրությունը դեմ է Հայաստանի ժողովրդավարացման օրակարգին և հետեւանք է Հայաստանի Հանրապետության իշխանության կողմից վեթինգի ու անցումային արդարադատության տապալման, որոնց իրականացման անհրաժեշտությունը բազմիցս բարձրաձայնվել և հիմնավորվել է քաղաքացիական հասարակության և իրավաբանական համայնքի ներկայացուցիչների կողմից:

Ժողովրդավարության զարգացումը Հայաստանում մեր քաղաքական կապիտալն է, որի շնորհիվ է նաև, որ մի շարք արևմտյան երկրներ և կառույցներ ներգրավվում են Հայաստանի անվտանգության հարցերում: Դրա բացակայության պայմաններում խնդիրներ ենք ստեղծում նաև մեր երկրի անվտանգության շուրջ:

Սույնով նաև ստիպված ենք արձանագրել, որ Բարձրագույն Դատական Խորհուրդը ամբողջությամբ անտեսում է Կոռուպցիայի կանխարգելման հանձնաժողովի ու իր իսկ կողմից որպես ազգային փորձագետ ներգրավված «Իրազեկ քաղաքացիների միավորման» ներկայացուցչի` թեկնածուների բարեվարքության եզրակացությունները։ Բարեվարքության բացասական եզրակացություն ստացած թեկնածուի նշանակումը վկայում է ԲԴԽ անդամների մեծամասնության կողմից հակակոռուպցիոն այդ կարևոր գործիքի անտեսման մասին:

Մնացական Մարտիրոսյանի վերջնական նշանակման պարագայում ստիպված կլինենք վերագնահատել բարեվարքության ստուգման գործընթացում քաղաքացիական հասարակության, ի դեմս «Իրազեկ քաղաքացիների միավորման», ներկայացուցչի մասնակցությունը։Հիմք ընդունելով վերոգրյալը՝ խստորեն դատապարտում ենք Բարձրագույն դատական խորհրդի կողմից Մնացական Մարտիրոսյանի հակակոռուպցիոն դատարանի դատավորի պաշտոնում ընտրությունը:

Այդ նպատակով պահանջում ենք Հանրապետության նախագահ Վահագն Խաչատուրյանից՝ չնշանակել Մնացական Մարտիրոսյանին կոռուպցիոն հանցագործություններ քննող դատավորի պաշտոնում և նրա թեկնածությունը առարկություններով վերադարձնել Բարձրագույն դատական խորհրդին:

«Իրավունքների պաշտպանություն առանց սահմանների» ՀԿ

Թրանսփարենսի Ինթերնեշնլ հակակոռուպցիոն կենտրոն

Հելսինկյան քաղաքացիական ասամբելայի Վանաձորի գրասենյակ

Բաց Հասարակության Հիմնադրամներ – Հայաստան

Ժուռնալիստների «Ասպարեզ» ակումբ

Իրավունքի զարգացման և պաշտպանության հիմնադրամ

«Իրազեկ քաղաքացիների միավորում» ՀԿ

«Հանուն հավասար իրավունքների» ՀԿ»

Աղբյուր` Փաստինֆո