Փաստ ինֆո

Ադրբեջանական ԶՈՒ-ի կողմից սադրանքները շարունակվում են, որևէ զարմանալու բան չկա, այդ սադրանքները անընդհատ էլ եղել են և, կարծում եմ, առաջիկայում էլի կլինեն, մենք պետք է պատրաստ լինենք այդ ամենին: «Փաստինֆո»-ի հաղորդմամբ՝ հայտնում են այս մասին լրագրողների հետ զրույցում ասել է ԱԺ պաշտպանության և անվտանգության հարցերի մշտական հանձնաժողովի փոխնախագահ Արմեն Խաչատրյանը:

ՔՊ-ական պատգամավորը հայտնեց, որ հայկական կողմից բավական ակտիվ շարունակվում են ինժեներական աշխատանքները, իսկ որոշ հատվածներում արդեն տրվել են այդ աշխատանքները.
«Անհրաժեշտ առաջին ինժիներատեխնիկական լուծումները, ոորնք պետք է արվեին, արդեն ավարտվել են: Ինժեներական աշխատանքները երբևէ չեն ավարտվում՝ ամեն անգամ նոր պահանջներ, նոր լուծումներ: Առաջնային աշխատանքների ավարտից հետո կսկսվի աշխատանքների հաջորդ փուլը` երկաթբետոնյա պատնեշների կառուցման, ինժեներատեխնիկական լուծումների շրջանը»,-հավելեց Խաչատրյանը:

Պատգամավորն ընդգծեց՝ առաջնագծում կահավորում իրականացնելը, ինժեներատեխնիկական լուծումներ տալը որևէ կերպ պայմանավորված չէ հետագա սահմանների գծման հեռանկարի հետ, այլ պայմանավորված է կոնկրետ այս պահին մեր պաշտպանունակությունը կազմակերպելու ու բարձրացնելու հետ.

«Այսինքն՝ եթե նորից ագրեսիա եղավ, մենք պետք է ամեն կերպ պատրաստ լինենք, սա արվում է այդ նպատակով և որևէ կապ չունի սահմանների գծնանշման աշխատանքների հետ։ Մեր հարևանն Ադրբեջանն է ու հուսալ, որ այս անգամ չեն հարձակվի, մարտական գործողություններ չեն լինի, տեղին չէ, ցանկացած սցենար կարող է իրականություն դառնալ», - ասաց Խաչատրյանը։

Աղբյուր` Փաստինֆո