Փաստ ինֆո

Ես իրատեսական չեմ համարում մինչև տարեվերջ «խաղաղության պայմանագիր» կնքելը: Եթե հարցը թողնված լիներ միայն Նիկոլ Փաշինյանին, Ալիևին և Արևմուտքին, վստահեցնում եմ, որ շաբաթների ընթացքում «խաղաղության պայմանագիրը» կկնքվեր, բայց գործընթացում որպես կարևոր խաղացողներ ընդգրկված են նաև Ռուսաստանը և Իրանը: «Փաստինֆո»-ի հետ զրույցում հայտարարել է «Անվտանգություն և ժողովրդավարություն» ՀԿ նախագահ, ԱԺ նախկին պատգաամվոր Նաիրա Զոհրաբյանը

Ըստ նրա՝ Սոչիում հոկտեմբերի 31-ին կայացած եռակողմ հանդիպումը հենց սրա մասին էր, որ խաղաղության պայմանագիրը շուտ չի կարող կնքվել, քանի որ ինչպես հայտարարել է Ռուսաստանի նախագահը՝ կարևորագույն հարցերը դեռևս չեն քննարկվել.

«Ես վատ կանխատեսում ունեմ, Սոչիում Ալիևը չստացավ այն, ինչ ակնկալում էր, այսինքն՝ Արցախի հարցի հրատապ լուծում, ուստի փորձելու է խնդիրը լուծել պատերազմով: Նիկոլ Փաշինյանն էլ հասարակությանն ասելու է՝ սա է իրավիճակը՝ կա՛մ պատերազմ, կա՛մ «խաղաղության պայմանագիր»: Մեր հասարակությունն էլ ուտելու է քարոզչական հերթական «կուտը» և ընտրելու է ֆեյք խաղաղության օրակարգը, որը նշանակելու ՝ նոր պատերազմ»,-ասաց ԱԺ նախկին պատգամավորը և հավելեց. «Ադրբեջանն իր համար այս ոսկի հնարավարությունը՝ նիկոլական իշխանավարության ժամանակահատվածը, բաց չի թողնելու, մնում է մեկ տարբերակ՝ նոր պատերազմ, նոր զոհեր»:

Վերլուծելով արտաքին քաղաքական իրադարձությունները՝Նաիրա Զոհրաբյանը նշում է՝ Հայաստանը դարձել է «տիրամիսու» ախարհաքաղաքական սեղանին, լավ պատառ է, բոլորը փորձում են Հայաստանից ստանալ առավելագույնը՝ իրենց աշխարհաքաղաքական շահերի համար, սակայն Հայաստանի շահը որևէ մեկը, այդ թվում նաև Նիկոլ Փաշինյանը, հաշվի չեն առնում.

«Նախկինում մենք կարող էինք ասել՝ այսինչ բանը սխալ է, վատ է, բայց հիմքում Հայաստանի շահ կար, այս դեպքում Հայաստանի շահ չկա, մենք պետք է որոշենք՝ մեզ համար տարածաշրջանում Ռուաստանի՞ շահն է ձեռնտու, Իրանի՞ , թե՞ Արևմուտքի: Այնպես է ստացվել, որ հիմա մեր պետականությա փրկության համար ձեռնտու է Ռուսաստանի և Իրանի շահը, քանի որ Հայաստանի շահ այլևս չկա՝ Փաշինյանի թեթև ձեռքով»,-ասաց նա:

Անդրադառնալով Հայաստանի ներքաղաքական կյանքին, մասնավորապես , նոյեմբերի 5-ի ի պաշտպանություն Արցախի ընդդիմության հրավիրված հանրահավաքը, որի օրակարգը, ինչպես նախապես հայտարարվել էր, ամբողջ աշխարհին հայ ժողովրդի միասնականությունը և դիրքորոշումը ցույց տալն էր, Նաիրա Զոհրաբյանը նշում է, որ հանրահավաքը տապալված էր .

«Այս դեմքերով, այս օրակարգով, քաղաքական առաջարկի բացակայությամբ ընդդիմությունը չի հաջողելու, իրենք արմատապես պետք է փոխվեն: Այն դեմքերը ովքեր ուզուրպացրել են հարթակը, պետք է հետ քաշվեն»,-ասաց Զոհրաբյանը:

Մանրամասները՝ տեսանյութում

Աղբյուր` Փաստինֆո