Փաստ ինֆո

Հերթական ծննդյան օրը նշելու պատրաստվող 103-ամյա Զոյա Մոտորինան Եկատերինբուրգից բացահայտել է երկար կյանքի իր գաղտնիքը։ Այս մասին հայտնում է NGS.ru-ն։

Ռուսաստանցի կինը ծնվել է 1918 թվականի նոյեմբերի 4-ին Ղազախստանում։ Ավելի ուշ Մոտորինայի ընտանիքը տեղափոխվել է Չելյաբինսկի մարզ, որտեղ նա հանդիպել է ապագա ամուսնուն: Համալսարանն ավարտելուց անմիջապես հետո կինն ամուսնացել է, իսկ մեկ տարի անց որդի է ունեցել։ Մոտորինան վերապրել է Հայրենական Մեծ պատերազմը, հասցրել է աշխատել որպես անասնաբույժ մսի կոմբինատում, ապրանքագետ և պանրի որակի տեսուչ։

Մոտորինայի ամուսինն ու որդին արդեն մահացել են, սակայն կինն ունի մեծ և ընկերասեր ընտանիք՝ երեք թոռ, չորս ծոռ և վեց թոռան թոռ։ Պատասխանելով իր երկարակեցության գաղտնիքի մասին հարցին՝ ռուս կինը նշել է երկու պարզ պատճառ՝ աշխատանք և առողջ սնունդ։ Կինը պնդում է, որ երբեք չի չարաշահել ալկոհոլը և չի կերել վնասակար սնունդ: «Միգուցե գաղտնիքը երեխաների մեջ է, ես օգնել եմ բոլորին դաստիարակել։ Ես ապրել եմ, աշխատել եմ, չեմ ծուլացել«», - ավելացնում է նա։

Մոտորինան նշել է, որ իր երիտասարդության տարիներին չէր կարող պատկերացնել, որ այդքան երկար կյանք է ապրելու, քանի որ երբեք աչքի չի ընկել առողջությամբ։ Այժմ երկարակյաց կինը պարբերաբար այցելում է թոռներին, իսկ սոցիալական աշխատողները օգնում են նրանց ապրանքների գնման և մաքրության հարցում:

Աղբյուր` Փաստինֆո