Փաստ ինֆո

Անհետ կորած համարվող պայմանագրային զինծառայող Վահե Մանուկյանի հարազատները այսօր ակցիա են իրականա Պաշտպանության նախարարության դիմաց:

Նրանք տեղեկություն են պահանջում իրենց հարազատի մասին:

Վահե Մանուկյանի եղբայրը՝ Հայկը պատմում է, որ եղբայրը նոյեմբերի 12-ին բարձրացել է դիրքեր, ընկերը խնդրել է, որ գնա իրերը բերի, բայց գնացել ու չի վերադարձել, որոնողական աշխատանքների արդյունքում էլ չեն գտել նրան.

«Մեկ տարվա մեջ ոչ մի տեղեկություն չեն տվել մեզ, անգամ ՊՆ-ի կայքում չկա, որ զինվոր է կորել: Որոնողական աշխատանքները 4 օր է տևել, հետո ասեցին՝ սպասեք ձյունը կհալվի, դրանից հետո նորից որոնողական աշխատանքները կշարունակենք, ձյունը հալվում է, էլի որոնողական աշխատանքներ են անում, բայց չեն գտնում: Մտածում ենք՝ սպանված է, բա ո՞ւր է դիակը, ոչինչ չեն ասում: 3 անչափահաս երեխա ունի, բայց մեկ տարվա մեջ ոչ մեկը չի էլ հետաքրքրվել են՝ո՞նց է նրա ընտանիքը ապրում, մարզպետարանն է միայն օգնել կնոջը»,-ասաց Վահեի եղբայրը:

Նա նաև նշեց, որ Կարմիր խաչի միջոցով դիմել են ադրբեջանական կողմին, բայց պատասխանել են, թե իրենց մոտ չի Վահե Մանուկյանը:

Հայկի խոսքով՝ դատարանը որոշել է սպանված ճանաչել եղբորը, բայց իրենք համաձայն չեն այս որոշման հետ.

«Թող պարզաբանում տան, հիմնավորեն իրենց ասածը»,-ասաց նա:

Աղբյուր` Փաստինֆո