Փաստ ինֆո

Վիգեն Խաչատրյանի հայտարարությունը անլուրջ է ծժ և վտանգավոր: Առավել վտանգավոր է այն, որ նա արտահայտում է ոչ միայն իր անձնական կարծիքը, այլ նաև փորձում է ձևակերպել Փաշինյանի վերաբերմունքը:Այս մասին լրագրողների հետ զրույցում ասել է «Հայաստան» խմբակցության պատգամավոր Գեղամ Նազարյանը՝ անդրադառնալով ՔՊ-ական պատգամավոր Վիգեն Խաչատրյանի երեկ արած հայտարարությանը, թե «բացի Արցախից ոչ ոք Արցախի տարածք չի ընդունում».

«Ադրբեջանը մի քանի անգամ հայտարարել է, որ ինքը չի ճանաչում ՀՀ սահմանները, այս իրավիճակում հայտարարել, որ Արցախի սահմանները որևէ մեկը չի ճանաչել, այդ տարածքները չկան, վտանգավոր է, այսինք՝ եթե Ադրբեջանը, Ղազախստանը կամ Տաջիկստանը չեն ճանաչել Արցախի սահմանները, ուրեմն Հադրութը Արցախ չի՞: ՔՊ-ականները պետք է ներողություն խնդրեն իրենց ասածների համար, վաղ թե ուշ՝ իրավապահները քննելու են նման բովանդակությամբ հայտարարությունները և փորձելու են դրդապատճառները գտնել՝ ինչո՞ւ է ՔՊ խմբակցության ներկայացուցիչն այդքան ջանադրաբար պաշտպանում ադրբեջանական տեսակետները»,-ասաց Գեղամ Նազարյանը և հավելեց՝ ցավ է ապրում, որ Վիգեն Խաչատրյանը, Նիկոլ Փաշինյանի մոտ միավորներ հավաքելու համար, հակահայկական հայտարարություններ է անում:

Դիտարկմանը, թե մինչ ընդդիմությունը խոսում է Փաշինյանի հրաժարականի անհրաժեշտության մասին, իշխանությունն իր օրակարգն է առաջ տանում, օրինակ, ՔՊ–ական Վահագն Հովակիմյանին ԿԸՀ–ի նախագահ են ուզում ընտրել, Տիգրան Ավինյանն էլ սկսել է Երեւանի ավագանու ընտրությունների քարոզարշավը, Նազարյանն արձագանքեց

«Թե՛ Հովակիմյանը, թե՛ Ավինյանը իրենց մուրազին չեն հասնելու»։

Աղբյուր` Փաստինֆո