Փաստ ինֆո

Դեմ եմ կարճատև պարապմունքների հետ մեծ հույսեր կապելուն ու դրանցով մարդկանց խաբելուն. պատերազմները համակարգերի բախումներ են, եթե մի կողմից համակարգ է, իսկ մյուս կողմից՝ խմբակներ, ապա խմբակները միշտ պարտվում են։ Այս մասին ֆեյսբուքյան իր էջում գրել է ռազմական փորձագետ Կարեն Վրթանեսյանը։

«Քանի որ նախորդ գրառումիցս կարող է տպավորություն առաջանալ, թե ես սկզբունքորեն դեմ եմ, որ մարդիկ սովորեն զենքից օգտվել, մարտավարություն պարապեն կամ առաջին բուժօգնություն, միանգամից ասեմ, որ ոչ միայն դեմ չեմ, այլև կողմ եմ։
Ինչին եմ դեմ.

1) կարճատև պարապմունքների հետ մեծ հույսեր կապելուն ու դրանցով մարդկանց խաբելուն. պատերազմները համակարգերի բախումներ են, եթե մի կողմից համակարգ է, իսկ մյուս կողմից՝ խմբակներ, ապա խմբակները միշտ պարտվում են;

2) ֆիդայական մտածելակերպով պետական մտածելակերպը փոխարինելուն;

3) Հայաստանի բեյրութացմանը, երբ ամեն թաղ, ամեն շահերի խումբ իր զինված ջոկատն ունի (մեզ հաստատուն քայլերով տանում են դրան, մի բանի, որին մեծ դժվարություններով կարողացան 1993-ին դեմն առնել);

4) ամենակարևորը. առանձին խանդավառ անձանց մասնավոր նախաձեռնությունները՝ որպես Նիկոլին հեռացնելու վալիդ այլընտրանք ներկայացնելուն ու ազգիս №1 սպառնալիք Նիկոլի դեմ պայքարից մարդկանց հետ պահելուն։

Հ.Գ. Դեմ եմ նաև այդ բոլոր պարապմունքները լուսանկարելուն ու սոցցանցեր լցնելուն։ Կարծում եմ պատճառներն այնքան պարզ են, որ իմաստ չունի բացատրեմ»,- գրել է Վրթանեսյանը։

Աղբյուր` Փաստինֆո