ԲՈԼՈՐ ՆՅՈՒԹԵՐԸ
Հովիկ Աբրահամյանի ունեցվածքի հետ կապված նոր շոու է սպասվում. «Հրապարակ» 08/30/2022 10:18 | Մամուլ
«Հրապարակ» թերթը գրում է. «ՀՀ գլխավոր դատախազությունը պատրաստվում է ՀՀ նախկին վարչապետ, ԱԺ նախկին նախագահ Հովիկ Աբրահամյանի գույքի բռնագանձման գործընթաց սկսել: Այս մասին «Հրապարակին» հայտնում են ոչ պաշտոնական աղբյուրները: Դատախազությունը հրաժարվում է մեկնաբանել տեղեկությունը՝ հայտնելով, որ ապօրինի գույքի վերաբերյալ տվյալներ չեն հրապարակում: Թեեւ բազում դեպքերով հրապարակել են այս ընթացքում։ Նույնիսկ այն դեպքերով, որոնցով դեռեւս գործընթացն առաջ չի գնացել՝ ընդամենը նոր-նոր են սկսել։
2016 թվականի սեպտեմբերին, երբ Հովիկ Աբրահամյանը հրաժարական էր տալիս, նա դոլարային միլիոնատեր էր, ինչպես ՀՀ վարչապետներից շատերը: Նա եւ կինը հայտարարագրել էին մոտ 5 մլն դոլար, մոտավորապես այնքան, որքան հայտարարեցին, որ Աբրահամյանների ընտանիքը վերջերս է ստացել Մոնումենտի հայտնի դղյակի վաճառքից:
Շքեղ առանձնատներ, բիզնեսներ, անգամ ավտոմեքենա Հովիկ Աբրահամյանը չէր հայտարարագրել, թեեւ նրան պատկանող գույքի, հողերի, դղյակների մասին լեգենդներ էին շրջում: Հեղափոխությունից անմիջապես հետո Հովիկ Աբրահամյանին մեղադրանք առաջադրվեց պաշտոնեական լիազորություններն անցնելու (Քրեական օրենսգրքի 309-րդ հոդվածի առաջին մաս) եւ ձեռնարկատիրական գործունեությանն ապօրինի մասնակցելու (ՔՕ 310-րդ հոդված) համար։ Սա հայտնի «Ավազահատիկ» ընկերության գործն էր, որով, դատախազության տվյալներով, դեռ 2008-ին բարձրաստիճան պաշտոնատար անձինք արհեստական խոչընդոտներ էին դրել՝ բաժնեմաս պահանջելով: Սա թալանչիներին պատասխանատվության կանչելու շոուի սկիզբն էր: Այս գործը մինչ օրս քննվում է: Հովիկ Աբրահամյանն այս մեղադրանքն ակնհայտ կեղծ համարեց ու կապեց իր կողմից մամուլում հնչեցված քննադատության հետ:
Բայց չխորանալով մեղադրանքի հիմքերում, ՀՀ քաղաքացիներն իրենց վերդիկտն արդեն կայացրել էին՝ արժանի է պատժի, քանի որ նրանց համար Աբրահամյանը նախեւառաջ ահռելի հարստության տեր է, ուստիեւ՝ պատժվելու ենթակա:
Այդ դատավճիռը հանրությունը կայացրել էր դեռ մինչեւ 2020 թվականը, երբ «Ապօրինի ծագում ունեցող գույքի բռնագանձման մասին» ՀՀ օրենքը դեռ չէր ընդունվել: Աբրահամյանին պատժելու պահանջն այնքան մեծ էր, որ մի քաղաքացի Երեւանի ավագանու ընտրությունների քարոզարշավի ժամանակ Փաշինյանին ասաց․ «Մկին բռնեք», ինչին Նիկոլն արձագանքեց. «Տո մկին էլ, ձկին էլ, ոչ մի մուկ եւ ոչ մի ձուկ չի պլստալու»։ Բայց լուրեր էին հասնում, որ ԱԺ ընտրություններից առաջ Հովիկ Աբրահամյանն ու նրա մարդիկ աջակցում են ՔՊ-ին, եւ ՔՊ-ն լիուլի օգտվում է նրանց ռեսուրսներից: Թեեւ արտաքուստ Աբրահամյանը Ռոբերտ Քոչարյանին էր աջակցում, եւ այս հողի վրա Աբրահամյանի ու խնամու՝ Գագիկ Ծառուկյանի միջեւ կոնֆլիկտ էր առաջացել, Աբրահամյաններն արդյունքում խանգարեցին ԲՀԿ-ին՝ շատ ձայներ ստանալ Արարատում:
Սա էր թերեւս պատճառը, որ իրավապահները չէին շտապում նախկին օլիգարխին ունեզրկել, եւ իշխանությունը բարեհաճ էր նրա նկատմամբ: Նույնիսկ թույլ տվեցին, որ կալանքից արագորեն հանի ու շտապ՝ 15 օրում վաճառի Մոնումենտի՝ ԱԺ շենքի նմանությամբ կառուցված առանձնատունը: Թեեւ չար լեզուներն ասում էին, որ վաճառքը ձեւական է՝ բռնագրավումից փրկելու նպատակով արված։
Պաշտոնեական լիազորությունների չարաշահման գործով իրեղեն ապացույց համարվող այդ դղյակը կալանքից հանելու պահանջով Աբրահամյանի ընտանիքն անցյալ տարի էր դիմել դատարան, ինչը բավարարվել էր: Գործարքը հնարավոր էր դարձել, քանի որ Հակակոռուպցիոն կոմիտեի քննիչը, առանց սպասելու բողոքարկման արդյունքներին, կադաստրի կոմիտեին տեղեկանք էր տվել, թե Աբրահամյանի ունեցվածքի վրա որեւէ սահմանափակում չկա։ Սա հարուցեց դատախազության զայրույթը։
Այժմ քննիչին հեռացրել են վարույթից: Դրանով զբաղվում են ԱԱԾ քննիչները: Իսկ ի՞նչ եղավ դատախազության բողոքը:
Դատախազության՝ հանրության հետ կապերի վարչությունից պատասխանում են. «Վերաքննիչ դատարանը մերժել է դատախազության բողոքը, դատախազությունը դիմել է վճռաբեկ դատարան, որից դեռ լուր չունենք»: Այնուամենայնիվ, դատախազությունը կրկին կալանքի տակ է առել Մոնումենտի տունը, մինչեւ դատական գործընթացի ավարտը: Ի՞նչ եղավ 5 մլն դոլարի հետ, արդյո՞ք այս գումարը վերադարձվելու է պետությանը: Մեր տվյալներով, գումարը դեռ ամբողջությամբ Աբրահամյաններին չի տրվել: «Պայմանագիր կա, որ պետք է որոշակի ժամկետում վճարումը կատարվի, բայց այդ պայմանագիրը դեռ ընթացքի մեջ է: Գործարքը դեռեւս պայմանագրային վիճակի մեջ է»,- հայտնեց Աբրահամյանին մոտ աղբյուրը:
ՀՀ գլխավոր դատախազի` ապօրինի ծագում ունեցող գույքի բռնագանձման գործառույթները համակարգող տեղակալ Սրբուհի Գալյանը չցանկացավ հարցերի պատասխանել՝ հորդորելով հետեւել դատախազության պաշտոնական լրահոսին: Թերեւս պաշտոնական հաղորդագրությունը երկար սպասել չի տա՝ բարեհաճ վերաբերմունքն Աբրահամյանի հանդեպ ավարտվել է, վերեւում կրկին տրամադրություն է փոխվել:
Ճի՞շտ են արդյոք այդ տեղեկությունները, հնարավո՞ր է, որ առաջիկայում դատախազությունը մտնի դատարան՝ Հովիկ Աբրահամյանին պատկանող գույքի բռնագանձման պահանջով, եւ ի՞նչ գույքի մասին է խոսքը: Հիշեցնենք, որ 2019-ին քրեական գործ էր հարուցվել նաեւ Աբրահամյանին պատկանող 15 հողատարածքների վերաբերյալ։ Դրանք, ըստ քննչականի, Դիլիջան, Մխչյան, Նարեկ համայնքների ղեկավարները եւ աճուրդային հանձնաժողովների անդամները, առանց աճուրդ կազմակերպելու, կեղծ փաստաթղթերով վաճառել էին Հովիկ Աբրահամյանի ազգականներին եւ մերձավորներին:
Գլխավոր դատախազի խորհրդական Գոռ Աբրահամյանը չի հերքում ու չի հաստատում նախապատրաստվող բռնագանձումների մասին մեր տեղեկությունները: Նա ասում է, որ դատախազությունը չի հրապարակում ուսումնասիրվող գույքի ցանկը: «Բռնագանձման գործընթացի նախաձեռնման վերաբերյալ, մինչեւ azdarar.am-ում ծանուցագրի հրապարակումը, որեւէ տեղեկություն դրանով անցնող անձանց, գույքերի վերաբերյալ չի հայտնվում: Այս փուլում դա հրապարակման ենթակա տեղեկություն չէ: Կոնկրետ անձանց վերաբերյալ նման տեղեկատվություն չի հրապարակվում»,- ասաց նա:
Հովիկ Աբրահամյանի փաստաբան Երեմ Սարգսյանն ասում է, որ իրենց դեռ չեն տեղեկացրել նման գործընթացի մասին: «Մենք կարող ենք տեղյակ չլինել»:
Տրամաբանությունն այն է, որ ուսումնասիրության փուլում տեղեկատվության հրապարակումը կարող է անձանց դրդել գույքերի «օրինականացմանը» կամ թաքցմանն ուղղված գործողությունների: Ընթացակարգն այնպիսին է, որ անձինք պաշտոնապես ծանուցվում են ուսումնասիրության արդյունքներին ծանոթանալու հնարավորության մասին եւ դրանից հետո կարող են իրենց հակափաստարկները, ապացույցները ներկայացնել դատախազություն: Եթե անձն ապացուցում է, որ իր հակափաստարկներն իրոք հիմնավոր են, հնարավոր է վերանայվեն որոշումները: Օրենքը հնարավորություն է ընձեռում անձին՝ գույքի մեծ մասը պետությանը թողնել, մի մասը՝ առավելագույնը՝ 25 տոկոսը, պահելով իրեն: «Ազդարար» համակարգում ծանուցումը հենց այդ նպատակով է իրականացվում: Անձինք գալիս են, նյութերին ծանոթանում եւ որոշում՝ կամովին տա՞լ գույքը պետությանը՝ ¼ մասը պահպանելով, թե՞ պայքարել՝ պաշտպանելով իրենց գույքի տիրապետման իրավունքը:
Թեեւ ապօրինի գույքի հետ կապված գործընթացը դատախազությունը հնարավորինս գաղտնի է անցկացնում, Հովիկ Աբրահամյանի դեպքում կոնֆիդենցիալությունը խախտվել է: Մեր տեղեկություններով, ՀՀ նախկին վարչապետին հայտնի է դարձել, որ շուտով իր գույքի հետ կապված գործընթաց են սկսելու, եւ նա վրդովված է այս անշնորհակալ պահվածքի առիթով: Բայց Նիկոլ Փաշինյանի հետ շփվելու 20 եւ ավելի տարվա փորձը Հովիկ Աբրահամյանին պետք է հուշեր, որ նա երախտագիտության զգացում ոչ մեկի հանդեպ չունի եւ միշտ գործում է անձնական շահերից ելնելով։ Եթե այս պահին իրեն պետք է, որ «ոչ մի մուկ եւ ոչ մի ձուկ չպլստա», նա գնում է «թալանչիներին պատժելու» նոր շոու սարքելու ուղղությամբ, ուստի նախկին վարչապետը պետք է որոշի՝ երկարատեւ պայքարի՞ է գնում, թե՞ կամովին զիջում է՝ իր անաշխատ գույքն ու բիզնեսները հանձնելով իշխանություններին»:
Հոդվածն ամբողջությամբ կարող եք կարդալ «Հրապարակ» թերթի՝ 30․ 08.22թ համարում։
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/23/2024 08:20 Տավուշը պայքարում է, համայնքապետն ԱՄՆ-ում է․ «Հրապարակ»
- 04/23/2024 08:17 Ծիծեռնակաբերդ այցը պաշտոնական այցերի պրոտոկոլային մաս չէ․ ԱԳՆ-ն՝ Ղազախստանի նախագահի այցի մասին․ «Ժողովուրդ»
- 04/23/2024 08:14 Համերգն առանց տեղական «իշխանիկների»․ «Հրապարակ»
- 04/23/2024 08:11 Սահմանազատման երեք տարբերակ է քննարկվել․ «Հրապարակ»
- 04/23/2024 08:07 Իշխանությունը փորձում է պառակտել շարժումը ․ Յուրիկների պակաս չի զգացվում․«Հրապարակ»
- 04/23/2024 07:52 Ժողովրդավարությունը թիվ մեկ «բրենդ» հռչակած կառավարության ղեկավարը չի մեկնաբանել Սամվել Վարդանյանի հանդեպ կատարվածը․ «Ժողովուրդ»
- 04/23/2024 07:48 Գնել Սանոսյանը «գովերգում» է, իսկ իր տեղակալը համարում է միջազգային մեքենայությունների հեղինակ․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/24/2024 00:29 ՃՏՊ՝ Աբովյան-Նոր Հաճն ավտոճանապարհին. կա տուժած
- 04/23/2024 22:26 Հրդեհ՝ Սիլիկյան թաղամասում
- 04/23/2024 18:18 Ձերբակալվածների պահման վայրում հայտնաբերվել է տղամարդու կախված մարմին, ով ձերբակալվել էր կնոջ մորը ծանր վնասվածք պատճառելու համար
- 04/23/2024 14:49 Ավտովթար՝ Արագածոտնի մարզում. Ապարանում բախվել են Վանաձոր-Երևան «ГАЗель»-ը, «Volkswagen»-ն ու «Lada»-ն. կա 7 վիրավոր
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
- 04/21/2024 22:49 Կինը հոր օգնությամբ վրեժ է լուծել դավաճան զուգընկերոջից
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ