Փաստ ինֆո

ՀՀ քրեական օրենսգրքով պետական դավաճանություն է համարվում «թշնամու կողմ անցնելը»։ Ընդ որում՝ նշված չէ թշնամու սահմանն անցնելը, պետական սահմանը հատելը, հետեւապես, կարծում եմ, որ ՔՊ-ական բոլոր այն մանդատակիրները, որոնք ասում են, թե Արցախն Ադրբեջանի կազմում է, որ դա Հայաստանինը չի, որ մենք պետք է այս տարածքը զիջենք, թշնամու կողմն անցնելու դասական դրսեւորումներ են։ Այսօր տեղի ունեցած մամուլի ասուլիսում հայտարարել է ՀՀ ԱԺ նախկին պատգամավոր Գեւորգ Պետրոսյանը։

Նրա արձանագրմամբ՝ այդ ՔՊ-ականները՝ լինի մանդատակիր, նախարար, Անվտանգության խորհրդի քարտուղար, պետական դավաճաններ են։

«Սա իմ անձնական կարծիքն է»,- ասել է նա՝ ավելացնելով. «եթե պատերազմող երկրի պաշտոնյան, այն օբյեկտի, ինչի համար որ կռվում են, ասում է մեր չէ, ուրեմն սա նշանակում է թշնամու կողմն անցնել։ Պետք է այս մասին, ի վերջո, դատախազությունը մտածի»։

Նա համոզված է, որ Իշխանության փոփոխության դեպքում, բոլորը դատվելու են, ԱԱԾ-ն թակելու է նրանց դռները։

Մանրամասները՝ տեսանյութում։

Աղբյուր` Փաստինֆո