Ռուբեն Վարդանյանն առաջարկում է ստեղծել Արցախի անվտանգության աջակցության Համահայկական ճակատ

ԲՈԼՈՐ ՆՅՈՒԹԵՐԸ

Բոլորը

02/06/2023 13:57 Թուրքիայում հետցնցումները կարող է տևեն մեկ ամիս 02/06/2023 15:57 Այնթափը փլատակների է վերածվել. սարսափելի կադրեր 02/06/2023 13:25 Մինչև հիմա ազգությամբ 4 հայի մարմին է դուրս բերվել ավերակներից. Աբրահամ Գասպարյան 02/06/2023 17:49 Վաղը բոլորը աշխատանքի են գալու. «Մալաթիա» տոնավաճառի տնօրեն 02/06/2023 20:37 Փաշինյանը Մակրոնի հետ հեռախոսազրույցում քննարկել է Ադրբեջանի կողմից Լաչինի միջանցքի արգելափակման 02/05/2023 19:09 Ընտրությունը մերն է. եթե ուզում ես էշ լինել, ուրեմն հասնում է, իսկ եթե ուզում ես արծիվ լինել, նշանակում է՝ կարող ես ազատ ապրել ․ Անդրանիկ Չավուշյան 02/06/2023 20:42 Փլատակների տակից փրկարարները երեխաների կյանք են փրկել. տարածվել են կադրերը (տեսանյութ) 02/05/2023 10:02 Սուրեն Անտոնյանին պաշտոնից ազատելու խնդիր ունեին, վերցրեցին ՄԻԵԴ վճիռը, այսինքն, դա չլիներ՝ այլ բան կմոգոնեին. դա կոչվում է «բեսպրեդել». Արթուր Գրիգորյան 02/06/2023 14:37 Թուրքիայում նոր երկրաշարժ է գրանցվել՝ 7,8 մագնտիուդ ուժգնությամբ 02/06/2023 11:48 Զգացողություն ունեի, որ իմ «Երկիր Նաիրին» անտեր եմ թողել օտարների մեջ. Աննա Հակոբյան 02/05/2023 15:53 Դիմացիր Արցախս, գիտեմ, շատ դժվար է, բայց այլ ելք չկա․ միայն դիմանալ ժամանակի և նյարդերի վրա կատարաված խաղադրույքով այս մեծ խաղին․ Կարեն Հովհաննիսյան 02/06/2023 10:10 Ուժեղ երկրաշարժ Թուրքիայի ու Սիրիայի սահմանին. հաղորդվում է մոտ 200 զոհի մաին (տեսանյութ) 02/06/2023 15:09 Թուրքիայի տարածքում երկրաշարժը զգացվել է Երևանում և Գյումրիում 02/06/2023 16:49 Բանակը քանդողները չեն կարող ինձ մեղադրել. Սեյրան Օհանյանի ուղերձը 02/06/2023 19:12 Սիփան գյուղում առատ ձյան պատճառով 8 ամսական բարձր ջերմությունով երեխային օգնության են հասել փրկարարները 02/06/2023 12:09 Ճանաչում էի և՛ մորը, և՛ որդուն. Սիրիայի խորհրդարանի պատգամավոր Ժիրայր Ռեիսյանը մանրամասներ է հայտնել (տեսանյութ) 02/05/2023 13:58 ԱՆ-ն ԲԴԽ է ներկայացրել դատավոր Զարուհի Նախշքարյանին պատասխանատվության ենթարկելու հերթական միջնորդությունը 02/06/2023 14:19 Ռուբեն Վարդանյանը առցանց հանդիպում է ունեցել հայաստանյան բուհերում սովորող արցախցի ուսանողների հետ 02/06/2023 10:26 Երկրաշարժի պատճառով Թուրքիայի Հաթայ նահանգում գազատար է պայթել (տեսանյութ) 02/05/2023 18:01 «Զանգի» հայկական հավելվածը Հարավային Ամերիկայում մեսենջերների շարքում 4-րդ տեղում է․ Մարտիրոսյան

Ռուբեն Վարդանյանն առաջարկում է ստեղծել Արցախի անվտանգության աջակցության Համահայկական ճակատ 08/05/2022 22:22 | ԼՐԱՀՈՍ

Արցախում նորից արյուն է թափվում, նորից երիտասարդ կյանքեր ենք կորցնում: 2020 թվականի նոյեմբերի 9-ի եռակողմ հայտարարության՝ իբր թե խախտումների պատրվակի ներքո բռնության նոր ալիք է սանձազերծվում: Արցախյան երկրորդ պատերազմի ավարտից ի վեր՝ նոր ապակայունացման սպառնալիքն այսօր ավելի մեծ է, քան երբևէ: Ու եթե անգամ ռազմական դիմակայության այս հերթական բռնկումը հաջողվի արագ մարել, նոր էսկալացիաների սպառնալիքն ամենևին չի վերանալու: Այն, որպես «դամոկլյան սուր», մշտապես կախված է Հայաստանի ու Արցախի վրա: Մենք պետք է խոստովանենք, որ հայ ղեկավարներին առայժմ կատեգորիկ կերպով չի բավականացնում կամքն ու պրոֆեսիոնալիզմը՝ Արցախի անվտանգության հարցը համակարգային ձևով լուծելու։ Այս մասին ֆեյսբուքյան իր էջում գրում է «Ապագա Հայկականը» շարժման նախաձեռնող, «Ավրորա» մարդասիրական նախաձեռնության համահիմնադիր Ռուբեն Վարդանյանը։

«Բայց աշխարհաքաղաքականության հետևում մշտապես պետք է տեսնել սովորական մարդկանց՝ Արցախի ժողովրդի շահերը: Ինձ համար բացարձակապես կարևոր չէ, թե այս անգամ ում քաղաքական սուտն է հաղթելու: Կարծում եմ՝ հիմա գլխավորն այն է, որ Արցախի երեխաները կարողանան մեծանալ առողջ, երջանիկ ու մրցունակ: Որպեսզի կարողանան պարզապես ապրել՝ ապրել անվտանգության լիարժեք զգացողությամբ, հանգիստ գնալ դպրոց ու հավատալ ապագային: Հիմա նրանց համար հեշտ չէ. պատերազմի «մշտական զգացողությունը» խաթարում է նրանց կյանքը, կոտրում ու խեղում է նրանց ճակատագրերը: Հարևան երկրի ագրեսիվ գործողությունները անհավանական ճնշում են գործադրում Արցախի բնակչության վրա, հետևաբար, նրանք մեր աջակցության կարիքն ունեն: Եվ ես կարծում եմ, որ նրանք իրավունք ունեն այդ աջակցության հույսն ունենալ:

Արցախի երեխաների անվտանգությունը՝ սա՛ է բացարձակ գերակայությունը ինձ ու իմ համախոհների համար: Կարծում եմ, չափազանց կարևոր է բոլոր ջանքերը գործադրել հենց հիմա կանգնեցնելու ռազմական էսկալացիան և հետագայի համար առնվազն արգելափակելու դրա հնարավորությունը:

Որպես առաջին քայլ՝ առաջարկում եմ ստեղծել Արցախի անվտանգության ու զարգացման աջակցության Համահայկական ճակատ: Դրա կազմակերպման իրավական ձևերն ու միջոցները կարելի է քննարկել, բայց նման նախաձեռնությունն ինքնին պետք է համախմբի քաղաքացիական հասարակության, Հայաստանի ու Արցախի իշխանությունների, քաղաքական կուսակցությունների, սփյուռքի և բոլոր հայրենասերների, բոլոր նրանց ներուժը, որոնք հասկանում են արցախյան հողում հայկականության պահպանման սկզբունքային կարևորությունը:

Անվտանգության առանցքային տարրը հակամարտության գոտում ռուսական խաղաղապահ ուժերի գտնվելու ժամկետի երկարաձգման և կոնտինգենտի բազմակի մեծացման հարցի լուծումն է՝ Արցախի անվտանգությունն անվերապահորեն ապահովելու հստակ մանդատով։ Այդ մանդատը պետք է ամրապնդվի այնքան ժամանակ, քանի դեռ մենք պատրաստ չենք լինի ինքներս լիարժեքորեն ապահովել անվտանգությունը:

Այս քայլը թույլ կտա տարածաշրջանում խաղաղություն պահպանել, հումանիտար համագործակցություն հաստատել և երկարաժամկետ հավասարակշռված լուծում գտնել: Դրան հիմա պետք է ուղղված լինեն մեր դիվանագիտական ջանքերը: Խաղաղապահների ներկայությունը Արցախում ապրող բնակչության համար ֆիզիկական բացարձակ անվտանգության զգացողություն պետք է ապահովի:

Ցանկանում եմ դիմել ողջ աշխարհի հայությանն ու բոլոր նրանց, ովքեր անտարբեր չեն մարդկային կյանքերի ու մարդկության պատմական ժառանգության ոչնչացման նկատմամբ. մենք պետք է բոլոր միջոցներով միջազգային հանրության ուշադրությունը հրավիրենք Արցախում ստեղծված հումանիտար իրավիճակի վրա: Աշխարհը, որը բարոյախոսում է մարդկային կյանքի արժեքի ու ժողովուրդների ազատ ինքնորոշման իրավունքի մասին, պետք է ամենակոշտ գնահատականը տա Ադրբեջանի՝ իրավիճակի ապակայունացմանն ուղղված գործողություններին:

Սակայն, ինչքան էլ որ մեզ համար այսօր կարևոր լինի Ռուսաստանի ու միջազգային հանրության աջակցությունը, մենք չենք կարող, մենք իրավունք չունենք հույս դնել բացառապես արտաքին գործոնի վրա: Մենք՝ հայերս, մեր պատմության ընթացքում չափազանց շատ ենք թույլ տվել, որպեսզի ուրիշները որոշում կայացնեն մեր ճակատագրի վերաբերյալ: Բայց մեր խնդիրները մեր փոխարեն ոչ ոք չի լուծելու:

Ժամանակն է վերջ տալ արցախյան թեմայի շահարկմանը`որպես իշխանության և ընդդիմության պայքարի խաղաքարտի, ժամանակն է մոռանալ անձնական քաղաքական հավակնությունների մասին: Այս հարցը չպետք է բաժանի հայությանը, չպետք է դառնա ինտրիգների ու հաշիվներ մաքրելու առիթ: Այն պե՛տք է և կարո՛ղ է միավորել մեր ժողովրդին:

Մենք պետք է համատեղ որոշենք ինչպիսի պետություն, ինչպիսի բանակ, ինչպիսի դիվանագիտություն և անվտանգության այլ միջոցներ են պետք Հայաստանին ու Արցախին: Որոշենք ու անհապաղ անցնենք գործի: Քանի որ Արցախի երեխաները պետք է լիարժեք կյանքի իրավունք ունենան»,- գրել է Վարդանյանը:

Աղբյուր` Փաստինֆո