Փաստ ինֆո

Բերձոր քաղաքը հանձնելու մասին նոյեմբերի 9-ի եռակողմ հայտարարության մեջ խոսք չկա, կա՛մ տողատակերում է գրված, որը գործընթացից լավատեղյակ մարդիկ միայն կարող են կարդալ, կա՛մ էլ եղել է առանձին պայմանավորվածություն։ Չեմ բացառում նաև, որ կա բանավոր պայմանավորվածություն՝ Բերձոր քաղաքի հանձման հետ կապված, ինչպես եղավ Գորիս-Կապան ավտոճանապարհի հետ կապված: Այս մասին «Փաստինֆո»-ի հետ զրույցում հայտարարել է «Փաստինֆո»-ի եթերում հայտարարել է միջազգայնագետ Գրիգոր Բալասանյանը:

Նշենք, որ երեկ իր առցանց ասուլիսի ժամանակ Նիկոլ Փաշինյանը հերթական աղմկահարույց հայտարարությունն արեց՝ հաստատելով, որ Ադրբեջանի կողմից Բերձորը շրջանցող ճանապարհի շահագործումից հետո Արցախի Բերձոր և Աղավնո համայնքներն անցնելու են Ադրբեջանի վերահսկողության տակ:
Մեզ հետ զրույցում փորձագետ Գրիգոր Բալասանյանը նշեց, որ նոյեմբերի 9-ի եռակողմ հայտարարության 6-րդ կետում խոսք է գնում Լաչինի միջանցքի, որ աջ և ձախ կողմերից ընդլայնվելու է, որպեսզի ապահովի անխափան ցամաքային կապն Արցախի միջև, այդ կետում նաև գրված է, որ այլընտրանքային ճանապարհ պետք է կառուցվի 3 տարվա ընթացքում, հետո արդեն ռուս խաղաղապահները պետք է տեղակայվեն նոր ճանապարհի երկայնքով .
«Ըստ իս, այստեղ է գնում ամբողջ խաղը , որևէ տարածքի անուն հստակ չի նշվել ժամանակին, Լաչինի միջանցքը և Բերձոր քաղաքը տարբեր հասկացություններ են այնտեղ մեկնաբանվում: Բանակցությունների պատասխանատուներին հարց պետք է ուղղել՝ հնարավո՞ր էր արդյոք միջանցքի հարցը կարգավորել՝ առանց Բերձոր քաղաքը հանձնելու, եթե հնարավոր էր, ապա ինչի՞ հիման վրա է որոշվել, որ այդ քաղաքը պետք է հանձնվի, իսկ Աղավնո բնակավայրի հետ կապված հարց է առաջանում, ինչու ՞ է այս գյուղը մտել ցուցակի մեջ, այդ գյուղից Բերձոր քաղաքից բավականին հեռու է»,-ասաց Գրիգոր Բալասանյանը:

Փաշինյանն իր խոսքում հիմնավորել էր, թե այն համայնքները, որոնք չեն գտնվել ԼՂԻՄ նախկին սահմանի մեջ՝ անցնելու են Ադրբեջանի վերահսկողության տակ:

Գրիգոր Բալասանյանը հակադարձում է, եթե հստակ ֆիքսում ենք, որ ԼՂԻՄ-ից դուրս գտնվող տարածքները պետք է հանձնվեն Ադրբեջանին, ապա ԼՂԻՄ-ի կազմում գտնվող տարածքները ե՞րբ են մեզ հանձնվելու, խոսքը Շուշիի և Հադրութի մասին է: Ըստ փորձագետի՝ հայկական կողմն էլ պետք է բարձրացնի նախկին ԼՂԻՄ սահմանների վերականգնման հարցը.

«Եթե ադրբեջանցիները հստակ ֆիքսում են, որ եթե ԼՂԻՄ-ի մեջ չի եղել, պետք է հանձնվեն իրենց, իսկ ԼՂԻՄ-ի տարածքները ո՞ւմ պետք է հանձնվի, սա կարևոր հարց է, որը , կարծես, Արցախի և Հայաստանի իշխանություններին չեն հետաքրքրում, մենք անընդհատ ասում ենք՝ԼՂԻՄ, բայց պետք է հասկանանք, ո՞ր տարածքներն են մտնում ԼՂԻՄ-ի կազմում՝ Հադրութը իր գյուղերով և Շուշին իր գյուղերով, եթե մենք սրբորեն պահպանում ենք ԼՂԻՄ սահմանները, ասում ենք, որ ԼՂԻՄ-ի սահմանից դուրս գտնվող որևէ տարածք չի մնալու մեզ, անպայման հանձնելու ենք Ադրբեջանին, իսկ ԼՂԻՄ-ի վերականգնման հարցը ինչպե՞ս է լուծվի, ինչո՞ւ այս հարցերը չեն բարձրացվում, գուցե այս հարցերը բարձրացնենք և ադրբեջանցիների մոտ անմիջապես կորի Բերձորը վերցնելու պատրաստակամությունը, նրանք կարող է հաշվարկ անեն ու հասկանան, որ Բերձորը վերցնելն իրենց ոչինչ չի տալու։ Սրանք հարցեր են, որոնք պետք է բարձրացվեն հենց Ադրբեջանին անհարմար դրության մեջ դնելու համար, Ադրբեջանը մեր հորեղբոր տղան չէ, որ մենք մտածենք ՝ այդպիսի հարցեր չբարձրացնենք, որ չնեղվեն: Եթե գնում ենք հստակ բանակցային ճանապարհով,հստակ որոշված է, որ ԼՂԻՄ-ի հարակից տարածքները պետք է վերադարձվեն Ադրբեջանին, խնդիր չկա այդ դեպքում ԼՂԻՄ-ն ամբողջությամբ պետք է վերականգնվի, իսկ կիսատ-պռատ բանակցություններով նոր սերունդների համար նոր պատերազմի վտանգ է ստեղծվում, որը կարող է անկանխատեսելի հետևանքներ ունենալ»,-ասաց Բալասանյանը:

Նշենք նաև, որ Նիկոլ Փաշինյանը երեկ իր ասուլիսում նաև «դժգոհել» էր, որ Ադրբեջանը չի կատարում իր պարտականությունները, նախնական պայմանավորվածություն է եղել մեկնարկել Սահմանազատման և սահմանային անվտանգության հարցերով համատեղ հանձնաժողովի նիստը, սակայն երկու անգամ Ադրբեջանի կողմից չեղարկվել կամ հետաձգվել է այդ հանդիպումը, Ադրբեջանը հրաժարվել է նաև երկաթուղու կառուցումը սկսելու պայմանավորվածությունից:

Գրիգոր Բալասանյանը նշում է՝ եթե Ադրբեջանը հրաժարվում են իրենց պարտականություններից, ինչու՞ ենք մենք իրենց հետ քննարկում տարածքների փոխանակման հարցը: Փորձագետը կարծում է, որ այս պահից սկսած պետք է դադարեցվեն բանակցությունները, մինչև ադրբեջանցիները չգնան զիջումների և կատարեն իրենց ստանձնած պարտականությունները.

«Դեռևս ստրատեգիական որոշ հատվածներ իրենց ձեռքում չեն, բայց Ադրբեջանը արդեն սկսում է ձգձգել և չկատարել իրենց ստանձնած պարտավորությունները, մենք ունե՞նք երաշխիք, որ Բերձորի նման ստրատեգիական նշանակություն ունեցող տարածքը եթե հանձնենք Ադրբեջանին, ինքը կկատարի իր պարտականությունները»,-ասաց նա:

Աղբյուր` Փաստինֆո