Փաստ ինֆո

Չի կարելի ոստիկանին պարգևավճարով կախյալ դարձնել : Անչափահասին ապագա զինվորին ծեծող և զինվորներ ծնող հայ մայրերին ծեծող ոստիկաններին չի կարելի դուրս չշփռտել ոստիկանությունից, իսկ իրական ոստիկաններին արժանապատիվ կյանք չապահովել: Այս մասին Ֆրանսիայի հրապարակում հանրահավաքի ընթացքում հայտարարեց Արամ Վարդևանյանը՝ ընդգծելով, որ եթե դատական համակարգը, իրավապահ համակարգը չլինի անկախ, անվախ ու արդար, որևէ բարեփոխում հնարավոր չէ:

Նրա խոսքով՝ չի կարելի դատավորին պատժիչ բութ գործիքի վերածել, միայն կալանավորող, կալանքը ֆետիշացնող դատավորներ չի կարելի կարգել, իսկ եղած նմաններին դուրս չշպրտել համակարգից: Շարունակելով ներկայացնել դիտարկումները՝ Վարդևանյանն արձանագրեց, որ չի կարելի դատավորի միջոցով վարկերի բեռի տակ հայտնված բազմազավակ ընտանիքի միակ բնակարանը բռնագանձել, իսկ դղյակներից միայն խոսել ու վախենալ:

Նրա խոսք ով՝ չի կարելի քննիչներին ստիպել իրենց խղճի դեմ գնալով ապօրինի գործեր կարել, իսկ դատախազներից պահանջել դա հաստատել, չի կարելի գլխավոր դատախազին վերածել վարչապետի օգնականի կամ հակառակը:

Պատգամավորը նաև անդրադարձավ դատավորների սոցիալական երաշխիքներին՝ նշելով, որ չի կարելի որ արդարություն ապահովող դատավորի աշխատավարձը լինի ավելի ցածր, քան ոչինչ չանող ՔՊ-ական նախարարինը իրենց պարգևավճարներով։
Բացի այդ՝ Վարդևանյանն ընդգծեց, որ չի կարելի որ պետական բարձրագույն պաշտոններ զբաղեցնեն առանց բարձրագույն կրթության առանց կենսագրության, առանց պրոֆեսիոնալիզմի պարզապես իշխանության ու կոնկրետ շահերի ծառայող մարդիկ։

Աղբյուր` Փաստինֆո