Փաստ ինֆո

«Քաղաքացիական պայմանագիր» խմբակցության պատգամավոր Խաչատուր Սուքիասյանը հերքում է մամուլում հրապարակված տեղեկությունները, որ իր թիկնազորի անդամները ոստիկանական համազգեստով բռնություն են կիրառում«Դիմադրության» շարժման ցուցարարների նկատմամբ.

«Դա ուղղակի խայտառակություն է, այս ֆեյքային պայքարը պետք է վերացնել, մենք պետություն ենք, ազգ ենք, ժողովուրդ ենք, քաղաքական համակարգ կա, այդ ստերը, այդ հորինված մտքերն ուղղակի խայտառակություն են: Հիմա ես կարող եմ հարյուրավոր սուտ, ֆեյքային մեղադրանքներ հնչեցնել ձեզ, անհարմար է: Դուք ինձ տեսնում եք, գիտեք իմ գաղափարը, միտքը, պատկերացումները, մարդկային որակները, ո՞նց կարող է ինձ նման գիտակցություն ունեցող մարդը այդ կարգի գործողության գնա»,-ասաց նա:

Լրագրողի դիտարկմանը, թե շատ են առանց տարբերանշանի ոստիկանները, Խաչատուր Սուքիասյանն արձագանքեց. «Ես էլ ասում եմ՝ ձեր հայրը, ձեր հորեղբայրը և ձեր բարեկամներն են արել, դա նորմա՞լ է: Ես դա խայտառակություն եմ համարում, ոչ թե հերքում եմ, վերջ տվեք էդ ստերին: Ընդդիմությունը ստերով չի կարող ոչնչի հասնել: Դուք ինձնից լավ գիտեք, որ դա սուտ է: Նման լուրերը նույն կազմակերպությունները, նույն քաղաքական համակարգը տարածում է, հետո ասում են՝ ուզում ենք՝ հերքեք, ուզում ենք հասկանալ»,-ասաց պատգամավորը:

Աղբյուր` Փաստինֆո