Փաստ ինֆո

Իշխանությունն Արցախն Ադրբեջանի կազմում թողնելու քաղաքականություն է որդեգրել, սա արդեն տեսանելի է, եթե իրենք կողմ քվերակեին այն բանաձևին, որն ընդդիմությունն է առաջարկում, դա կնշանակեր, որ շեղվում են իրենց քաղաքական կուրսից, այն է՝ ԼՂ-ն մշակութային ինքնավարության կարգավիճակով Ադրբեջանի կազմում թողելը, ինչի մասին հայտարարեց Շառլ Միշելը՝ բրյուսելյան հանդիպումից հետո: «Փաստինֆո»-ի հետ զրույցում ասաց քաղտեխնոլոգ Արմեն Բադալյանը:

Հիշեցնենք, որ երեկ իշխող «Քաղաքացիական պայամանգիր»-ը հայտարարեց, թե «չի տրվելու ընդդիմության քաղաքական շանտաժին» և չի մասնակցելու ընդդիմության՝ հունիսի 3-ին հրավիրված ԱԺ արտահերթ նիստին: Նիստը օրակարգում ընդդիմության ներկայացրած «Հայ-ադրբեջանական և հայ-թուրքական հարաբերությունների կապակցությամբ» ԱԺ հայտարարության նախագիծ ընդունելու մասին հարցն է:

Ըստ քաղտեխնոլոգի ընդդիմության նախաձեռնած նիստին չմասնակցելու երկրորդ պատճառն այն է, որ իշխանությունը որևէ կերպ չի ուզում նման կարևոր հարցերում ընդառաջ գնալ ընդդիմությանը.

«Հայաստանում արդեն 30 տարի է՝ իշխանությունը երբեք ընդդիմությանն ընդառաջ չի գնացել որևէ հարցում, միգուցե ոչ էական նշանակություն ունեցող հարցերում ընդհանուր հայտարարություն են ունեցել, բայց, ընդհանրապես, պրակտիկան այնպես է, որ իշխող քաղաքական ուժն իր համար կարևոր հարցերում երբեք ընդդիմության հետ ընդհանուր հայտարարի չի գալիս, ընդհանուր հայտարարության չի գալիս բոլոր այն հարցերում, երբ այդ հարցը կարևորություն է ներկայացնում ընդդիության համար, հիմա այդ գործելոճն ուժի մեջ է, բնական է, որ նրանք մերժելու են ընդդիմությանը, հատկապես, որ իշխանության կողմից ընդգծված ծաղրանք և արհամարհանք կա ընդդիմության նկատմամբ, այս պայմաններում, բնական է, որ չէին ընդունելու ընդդիմության առաջարկը»,-ասաց Բադալյանը:

Անդրադառնալով հայաստանյան ներքաղաքական կյանքին և Նիկոլ Փաշինյանի հրաժարականի պահանջով ակցիաներին՝ քաղտեխնոլոգը նկատում ՝մայիսի 4-ից ընդդիմությունը դոփում է տեղում.

«Երբ ապրիի 17-ից պայքարը սկսվեց, ԱԱԾ նախկին տնօրենը գնաց Ազատության հրապարակ և նստացույց արեց այնտեղ, քաղաքական դաշտն ակտիվացավ, ջահերով երթ արեցին, տարբեր կողմերից երթերով եկան, մտան քաղաք, հանրահավաք տեղի ունեցավ, սա շարժման առաջին փուլն էր, որն օրեցօր զարգանում էր, բայց մայիսի 5-ից, երբ սկսվեց շարժման փաստացի երկրորդ փուլը, ինչ-որ բան տեղի ունեցավ, շարժման ղեկավարները սկսեցին կիրառել ինչ-որ տեխնոլոգիաներ, որոնք շարժման առաջին փուլին են բնորոշ և տեղի ունեցավ շարժման պահանջներին չբարարող տեխնոլոգիաների գործընթաց, որը հանգեցրեց շարժման չաճմանը, իսկ եթե շարժումը չի աճում, ապա այն սկսում է իներցիոն գործընթացով առաջ գնալ, հիմա մենք այդ իներցիոն գործընթացում ենք, որքան կշարունակվի՝ չեմ կարող ասել,

Պայքարին մասնակցող զանգվածին արդեն պետք է գումարվեին սոցիալական դժգոհ խմբեր, բայց սա չիրականացվեց»,-ասաց փորձագետը:

Երեկ հայտնել էինք, որ ԱԺ պատգամավորներ Արծվիկ Մինասյանի ու Տարոն Մարգարյանի դեմ քրեական գործ է հարուցվել՝ հավաքի մասնակիցներին, իբր, գումար բաժանելու համար։ Ընդ որում՝ պատգամավորների դեմ գործ է հարուցվել՝ առանց ԱԺ համաձայնության և պատգամավորական անձեռնմխելությունից զրկելու:

Արմեն Բադալյանի խոսքով՝ վերջին 30 տարվա ընթացքում իշխանությունն աչքի չի ընկել օրինապաշտությամբ, արհամարհական է վերաբերվում իրավունք հասկացողությանը.

«Հաշվի առնելով, որ վերջին 4 տարվա մեջ այնպիսի իշխանություն է եկել, որն ընդհանրապես «բեսպրեդելով» է առաջնորդվում, այս պայմաններում նորմալ է, որ իշխանությունն այս գործելոճով է առաջնորդվվում: Խեղված քաղաքական դաշտում նման դեպքերի ենք ականատես լինում: Սրանք մշտապես նպատակ են ունեցել վախեցնել ընդդիմադիր գործիչներին, նրանց թվում է, որ եթե ձերբակաեն ընդդիմադիրներին, ապա մնացածը կվախենան և մեր դեմ դուրս չեն գա, հիմա եթե ընդդիմությունը հարյուր հազարանոց երթեր անի և իշխանափոխություն անի, այդ գործերը կվերացվեն միանգամից, եթե չէ, կարող են մեկին ձերբակալել, մյուսին մանդատից զրկել, սա իշխանության գործելոճն է»,-ասաց Բադալյանը:

Աղբյուր` Փաստինֆո