Փաստ ինֆո

«Նիկոլ Փաշինյանի կողմից՝ ընդդիմության առաջնորդներին կամ պայքարին մասնակցող ժողովրդին ծաղրելն ու հեգնելը, ևս մեկ անգամ խոսում է այն մասին, որ նա այս երկրի ղեկավարը չէ և չի առաջնորդվում հայ ժողովրդի շահով։ Եթե ղեկավարը, անկախ քաղաքական հայացքներից, ծաղրում է իր ժողովրդին, նշանակում է՝ նա ղեկավար չէ, այլ դրածո՝ նշանակված հատուկ նպատակի համար,- «Փաստինֆո» լրատվականի եթերում Ֆրանսիայի հրապարակից ասում է ազատամարտիկ Գևորգ Գևորգյանը։

Փաշինյանը բաց չի թողնում առիթը՝ անընդհատ պառակտելու և մանիպուլացնելու ժողովրդին, ասում է ազատամարտիկը և հավելում. «Այս մասին են վկայում նաև Մադրիդյան սկզբունքների մասին՝ երեկ նրա կողմից արված դատապարտելի հայտարարությունները, մինչդեռ, ես ուզում եմ հիշեցնել, որ մինչ իր դավադիր, դավաճանական քայլերը, մենք մի ազգ, երկու պետություն էինք, ունեինք բավականին կայուն կարգավիճակ՝ այս տարածաշրջանում և ցանկացած բանակցային սեղանի շուրջ թուրքի ղաֆին էինք տալիս՝ հաստատելով, որ Արցախը, յոթը գրավյալ շրջաններով, մերն է։ Ուզում եմ հիշեցնել նաև, որ, իրականում, Խաղաղության դարաշրջան բացողը մենք էին՝ լինելով հաղթող, ոչ թե Նիկոլն՝ իր բերած ապագայով»,- ասում է ազատամարտիկը։

Խոսելով «Դիմադրության» շարժման՝ այս փուլում որդեգրած մարտավարության մասին, Գևորգ Գևորգյանը նկատում է՝ իհարկե, քննադատություններ այս թեմայի վերաբերյալ կան և կլինեն, սակայն, ընդդիմությունն ունի իր պլաններն ու շարժվում է ըստ այդ տրամաբանության, թեև վերջինս չի բացառում նաև, որ փողոցային պայքարի ընթացքը յուրաքանչյուր պահի կարող է փոփոխության ենթարկվել՝ կապված իրավիճակային զարգացումների հետ։

Մանրամասները՝ տեսանյութում

Աղբյուր` Փաստինֆո