Փաստ ինֆո

Ռուսաստանի նախագահ Վլադիմիր Պուտինը ՀՀ վարչապետ Նիկոլ Փաշինյանին առաջարկել է քննարկել տարածաշրջանային հարցեր, այդ թվում՝ ղարաբաղյան հիմնախնդիրը եւ տնտեսական հարցերը: Այս մասին հայտնում է ՌԻԱ Նովոստին։

Հիշեցնենք, որ Փաշինյանը այցով գտնվում է Ռուսաստանում։ Այսօր Մոսկվայում կայացել Է ՀԱՊԿ երկրների գագաթնաժողովը։

«Մենք ձեզ հետ պարբերաբար կապի մեջ ենք գտնվում երկկողմ օրակարգի բոլոր հարցերի, տարածաշրջանային խնդիրների շուրջ։ Այնուամենայնիվ, հարցերը միշտ շատ են», - ասել Է Պուտինը։

Նա նշել է, որ նկատվում է երկրների միջեւ ապրանքաշրջանառության աճ, ներդրումային ծրագրերը շարունակվում են։

«Մենք շարունակում ենք ակտիվորեն աշխատել ղարաբաղյան հիմնախնդրի կարգավորման գործում։ Եռակողմ ձևաչափով՝ Ադրբեջանի մեր գործընկերների հետ միասին։ Շատ հարցեր կան։ Ես ուրախ եմ ձեզ հետ հանդիպելու հնարավորության համար և զրուցելու բոլոր հարցերի շուրջ», - հավելել է Պուտինը։

Փաշինյանն էլ իր հերթին նշել է, որ հայ-ռուսական հարաբերությունների երկկողմ օրակարգը չափազանց հագեցած է, և երկրների ղեկավարները քննարկելու շատ բան ունեն:

Նրա խոսքով` մարտին գրանցված որոշակի անկումից հետո այժմ նախատեսվում է ակտիվացնել երկկողմ տնտեսական կապերը։ Ռուսական բիզնեսը շահագրգռված է ներդրումներ կատարել Հայաստանում։

«Ուզում եմ իմ երախտագիտությունը հատնել, որ դուք էլ ուղղորդել եք ռուս գործարարներին ներդրումներ անել ՀՀ–ում»,–ասել է Փաշինյանը։

ՀՀ վարչապետն է, որ կցանկանար քննարկել նաև տարածաշրջանում տիրող իրավիճակը և Լեռնային Ղարաբաղի հակամարտության կարգավորման հարցը:

Աղբյուր` Փաստինֆո