ԲՈԼՈՐ ՆՅՈՒԹԵՐԸ
«Փաշինյանի նկատմամբ վստահության մակարդակն այնքան ցածր է, որ նրա մասնակցությամբ ցանկացած բանակցություն կարող է ինֆորմացիայի արտահոսքի պատճառ դառնալ, ինչից Պուտինն անկասկած կխուսափեր». Հայկ Նահապետյան 05/16/2022 21:21 | Քաղաքական
«Փաշինյանի նկատմամբ վստահության մակարդակն այնքան ցածր է, որ նրա մասնակցությամբ ցանկացած բանակցություն կարող է ինֆորմացիայի արտահոսքի պատճառ դառնալ, ինչից Պուտինը, իր երկրի շուրջ ստեղծված այսպիսի իրավիճակում, անկասկած կխուսափեր»,-«Փաստինֆո»-ի հետ զրույցում նման կարծիք է հայտնել ռազմական փորձագետ Հայկ Նահապետյանը։ Ինչպես արդեն տեղեկացրել ենք՝ ՌԴ նախագահ Վլադիմիր Պուտինի խոսնակ Պեսկովն այսօր հայտարարել էր, որ նախատեսված են Վլադիմիր Պուտինի առանձին հանդիպումները՝ ՀԱՊԿ գագաթաժողովին մասնակցելու ժամանած՝ Ղազախստանի, Բելառուսի, Ղրղըզստանի նախագահների հետ։ Ցանկից բացակայում էր Փաշինյանի անունը։
Բացի այդ՝ ՀԱՊԿ գագաթաժողովում Ն. Փաշինյանը դժգոհել է ՀԱՊԿ-ի արդյունավետությունից՝ նշելով, որ մեկ տարի առաջ այլ արձագանք էին սպասում, երբ Ադրբեջանը ներխուժեց ՀՀ սուվերեն տարածք։ Հայկ Նահապետյանը նկատեց՝ մինչ ՀԱՊԿ-ին քննադատելը, Հայաստանի Հանրապետությունը պետք է, նախ այդ կառույցին դիմեր համապատասխան հոդվածով, հետո նոր՝ սպասեր դրա պատասխանին.«Ես բազմիցս ասել եմ, հիմա էլ կրկնում եմ՝ Հայաստանը ՀԱՊԿ-ին դիմել է 2-րդ հոդվածով, որը նախատեսում է խորհրդատվության անցկացումներ, այնինչ, ՀՀ սուվերեն տարածք ադրբեջանական զորքի մուտք գործելուց հետո, ՀԱՊԿ-ին պետք էր դիմել 4-րդ հոդվածով, որը նախատեսում է իրավիճակը ստուգելուց և հիմնավորումներն արձանագրելուց հետո, զինական կարգով միջամտել խնդրին։ Այդպես եղել է Տաջիկստանում, երբ Աֆղանստանից վտանգ կար ու այդ երկրի ղեկավարը դիմեց ՀԱՊԿ-ին հենց 4-րդ հոդվածով, ինչպես նաև Ղազախստանում՝ արագ արձագանքման ուժերի ներգրավումը ղազախական դեպքերին, որտեղ ինքնիշխանության կորստի վտանգ կար։ Հիշեցնեմ, որ ՀԱՊԿ-ի 4-րդ հոդվածը սահմանում է ինքնիշխանության և տարածքային ամբողջականության վերաբերյալ խնդիրները։ Երբ անցյալ տարի այս օրերին ադրբեջանական զինուժը ներխուժեց ՀՀ սուվերեն տարածք և տեղակայվեց Սև լճի հատվածում, մենք գործ ունեինք տարածքային ամբողջականությանը սպառնացող վտանգի հետ, հետևաբար ՀԱՊԿ-ին պետք էր դիմել 4-րդ հոդվածի շրջանակներում»,- ասում է Հայկ Նահապետյանը։
Հարցին՝ ինչո՞ւ ՀՀ Կառավարությունն այդ ժամանակ որոշեց ՀԱՊԿ-ին դիմել ոչ թե համապատասխանաբար 4-րդ, այլ 2-րդ հոդվածով, ռազմական փորձագետը վերագրում է Փաշինյանի հավանական տգիտությանը.«Իր բողոքն, իրականում, որևէ հիմքերից զուրկ է։ Ասեմ ավելին՝ ՀԱՊԿ անդամ երկրների ղեկավարների մասնակցությամբ այսօր տեղի ունեցած մոսկովյան հավաքը խիստ կարևոր էր։ Այդ մասին իր խոսքում հատուկ կերպով նշեց Լուկաշենկոն, ընդգծելով՝ եթե ՀԱՊԿ անդամ երկրներն այսօր չմիավորվեն՝ ընդհանուր ուժերով դիմագրավելու առկա սպառնալիքների և մարտահրավերների դեմ, որոնք այս պահին առկա են, ապա ՀԱՊԿ անդամ երկրները կթիրախավորվեն այն ուժերի կողմից, որոնք Ուկրաինայում ռազմական գործողություններ են սադրել։ Հետևաբար, սրանից կարելի էր ենթադրել, որ ՀԱՊԿ անդամ երկրների միջև որևէ տեսակի տարաձայնություն այս պահին և ստեղծված իրավիճակում չպետք է լինի։ Իսկ այն, ինչ արեց այսօր Փաշինյանն այդ նիստի ընթացքում՝ իր հրապարակային ելույթներով, ակնհայտ կերպով խոսում էր այն մասին, որ նա հերթական անգամ փորձեց կասկածի տակ դնել այդ կառույցի ամրությունն ու էֆեկտիվությունը՝ տորպեդահարելով ՀԱՊԿ անդամ երկրների միասնությունը, դրա աշխատանքները, միաժամանակ վտանգի տակ դնելով, առհասարակ, այդ կառույցի անդամ երկրների գոյությունը։ Դա, ի դեպ, խիստ բնորոշ է իրեն և իր գործելաոճին, ինչպես ժամանակին, խախտելով ՀԱՊԿ կառույցի կանոնադրությունը, նա քրեական գործ հարուցելու և ձերբակալման սանկցիա կիրառեց այդ կառույցի գլխավոր քարտուղար հանդիսացող՝ գեներալ – գնդապետ Յուրի Խաչատուրովի նկատմամբ՝ փորձելով այդ կերպ վարկաբեկել ՀԱՊԿ-ը»,- նշել է ռազմական փորձագետը։
Մոսկվայում այսօր կայացած ՀԱՊԿ գագաթաժողովի ընթացքում Փաշինյանը նաեւ հայտարարել է, թե ՀԱՊԿ անդամ երկրները զենք են վաճառել Հայաստանին ոչ բարեկամ հանդիսացող երկրներին՝ համարելով այն անընդունելի երևույթ։ « Այստեղ պետք է հիշել, որ նմանօրինակ արգելք՝ կառույցի կանոնադրությամբ նախատեսված չէ։ Նույն տրամաբանությամբ, Հայաստանը ժամանակին, ի դեպ՝ իր օրոք նույնպես, ռազմատեխնիկական հարցերով համագործակցել է ՆԱՏՕ-ի անդամ երկրների հետ։ Հետևաբար, եթե պայմանագրերը թույլ են տալիս նման գործառույթներ իրականացնել, ապա երկրները դրանք անում են, նկատում է Հայկ Նահապետյանը։
Վերադառնալով հարցին, ո՞ր դեպքում Ռուսաստանի Դաշնության նախագահ Վլադիմիր Պուտինը առանձին հանդիպումներ կունենար ՀԱՊԿ գագաթաժողովին մասնակցելու ժամանած բոլոր երկրների ղեկավարների հետ, բացառությամբ միայն ՀՀ վարչապետ Փաշինյանի, ինչի մասին այսօր տեղեկացրեց ՌԴ նախագահի մամուլի քարտուղար Դմիտրի Պեսկովը, Հայկ Նահապետյանը պատասխանում է՝ Պուտինի համար, իհարկե, գլխավորը դաշնակից երկրների հետ պարտավորությունների պատշաճ կատարումն է՝ համաձայն համապատասխան պայմանագրերի։ Ըստ վերջնիս, այդ ճանապարհին ՌԴ ղեկավարը վեր է կանգնում նեղ անձնային հարաբերություններ պարզաբանելու գործելաոճից, սակայն այն, որ Փաշինյանի նկատմամբ նկատելի անվստահության մթնոլորտ կա, սա անհերքելի իրողություն է. «Պուտինը երբեք անձերով չի գնահատում պետության և ազգային պետական շահերի համատեքստում միջպետական հարաբերությունների որակը։ Հետևաբար, անձը ՌԴ ղեկավարի համար խիստ երկրորդական է։ Ես դժվարանում եմ հստակ պատասխանել, թե ինչո՞ւ է նման որոշում կայացվել՝ չհանդիպելու հենց Փաշինյանի հետ, սակայն մի բան հստակ է՝ այս անձի նկատմամբ վստահության մակարդակն այնքան ցածր է, որ նրա ներկայությամբ և մասնակցությամբ ցանկացած բանակցություն կարող է ինֆորմացիայի արտահոսքի պատճառ դառնալ, ինչից, Ուկրաինայի հետ կապված իրավիճակում, Պուտինն, անկասկած, կխուսափեր։ Հիշենք նաև 44 օրյա պատերազմից հետո տեղի ունեցած մի բանավեճ, որի ընթացքում Ռուսաստանի Դաշնության ամենաազդեցիկ լրատվամիջոցներից մեկի ղեկավարը՝ Մարգարիտս Սիմոնյանը, Ռոման Բաբայանի հեղինակային հաղորդման ժամանակ հռետորական հարցադրում կատարեց, ասելով՝ երբ Ռուսաստանի Դաշնության ղեկավարը Հայաստանի ղեկավարի հետ պատերազմի ընթացքում հեռախոսազրույցներ էր ունենում, ո՞ւմ հետ էր Փաշինյան Նիկոլը քննարկում այդ հեռախոսազրույցների բովանդակությունը…Այնպես որ, այս անձի նկատմամբ անվստահության դրսևորումը գոյություն ունենալու լիարժեք իրավունք ունի, որի արդյունքում էլ՝ ՌԴ ղեկավարը հանդիպում է նախաձեռնում ՀԱՊԿ անդամ երկրների բոլոր ղեկավարների հետ, բացառությամբ միայն Նիկոլ Փաշինյանի, սրանով իսկ, խուսափելով որոշակի ինֆորմացիայի արտահոսքի անցանկալի հեռանկարից»,- ամփոփելով զրույցն, ասում է ռազմական փորձագետ Հայկ Նահապետյանը։
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/19/2024 08:26 Ինչպես են այս տարի նշելու Քաղաքացու օրը․ «Հրապարակ»
- 04/19/2024 08:18 Ինչո՞ւ ուղղաթիռով․ «Հրապարակ»
- 04/19/2024 08:15 Հայաստանում դպրոցներ են փակվում. Փաշինյանը խաբել է մաս 202. «Ժողովուրդ»
- 04/19/2024 08:13 ՊԵԿ նախկին փոխնախագահը հրավիրվել է դատախազություն․ «Հրապարակ»
- 04/19/2024 08:10 Մասնակցե՞լ, թե՞ չմասնակցել «պառադին»․ «Հրապարակ»
- 04/19/2024 08:02 Ի՞նչ է փոխվել․ ինչո՞ւ Փաշինյանը հետողորմյա արեց․«Հրապարակ»
- 04/19/2024 07:55 Հիվանդանոցներում պետպատվերով բուժումները կասեցվել են. քաոս. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
Մեկնաբանություն
- 04/19/2024 13:36 Խոշտանգման հետևանքները՝ Շենգավիթի քննչական բաժնում․ փաստաբանն ահազանգում է
- 04/18/2024 16:43 Ֆրանկ Փելոնն ԱՄՆ-ին կոչ է արել ռազմական օգնություն ցուցաբերել Հայաստանին
- 04/18/2024 15:26 Ալիևը ասել է քայլերի հաջորդականությունը՝ սկզբում կպահանջեն ոչ անկլավային տարածքները, հետո անկլավայինը, հետո ճանապարհներ կուզեն դեպի անկլավներ. սա ՀՀ օկուպացիայի ու խեղդելու ծրագիր է.Հայրապետյան
- 04/18/2024 11:52 Վաղը Սամվել Վարդանյանին հրավիրում են հարցաքննության․խոշտանգման գործով սայլը տեղից շարժվում է․ փաստաբան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
- 04/19/2024 22:52 Ծնողները դստեր ննջասենյակում հայտնաբերել են մանկապիղծի թաքնված տեսախցիկը
- 04/18/2024 23:54 Սուրճի ևս մեկ օգտակար հատկություն է հայտնաբերվել
- 04/18/2024 23:38 Կինը բժշկի այցի շնորհիվ բացահայտել է ամուսնու դավաճանությունը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ