Փաստ ինֆո

«Այսօրվա մեր արդար պահանջն ու պարտքն այն է, որ մեր ժողովուրդը, հերթական անգամ, աչքը դզելու փոխարեն, ունքն էլ չհանի։ Ո՞րն է եղել մեր երազանքը՝ ունենալ ազգային պետություն և արժանապատիվ կյանք, ինչի համար էլ մենք, հերթական անգամ, դուրս ենք եկել պայքարի՝ այս անգամ հրապարակից»,- Ազատության հրապարակից «Փաստինֆո» լրատվականի հետ զրույցում ասում է ազատամարտիկ Պավլիկ Մանուկյանը։

Հարցին, արդյո՞ք բոլոր տեսակի կարմիր գծերը երկրի ներսում խախտված չեն, ազատամարտիկը պատասխանում է՝ եթե պետությունդ չունի ազգային իշխանություն, ինքնըստինքյան, արդեն, անառողջ մարմին է դառնում, հետևաբար, այս իմաստով կարմիր գծերը վաղուց խախտված են։

Պավլիկ Մանուկյանը նկատում է՝ ժողովրդի հավատը կորել է, բայց ազնիվները, նրանք, ովքեր ազգային արժանապատվություն ունեն, բոլորն այստեղ են՝ Ազատության հրապարակում և պարբերաբար մոտենում են այնտեղ բողոքի ակցիա իրականացնող «Սև հովազ»-ների դրոշի ներքո մեկտեղված ազատամարտիկներին. «Մարդիկ էլ կան, ինձ ասում են՝ մենք ձեզ համար քայլել ենք, երբ դուք բանտում էիք։ Ուզում եմ ասեմ՝ իսկ մինչ այդ դուք ի՞նչ էիք անում՝ սողո՞ւմ էիք։ Քայլելով եկածները հեծանիվներ նստեցին, հետո ծառայողական մեքենաներ տեսան, հետո, արդեն, շարասյուններով հղի կանանց են գցում մեքենայի տակ, սպանում և նույնիսկ, կանգ չեն առնում, որ տեսնեն՝ ի՞նչ եղավ մարդու հետ։ Հիմա ի՞նչ տարբերություն կա՝ թուրքի և իրենց վարքի միջև…»,- ամփոփելով զրույցն, ասում է ազատամարտիկ Պավլիկ Մանուկյանը։

Մանրամասները՝ տեսանյութում

Աղբյուր` Փաստինֆո