ԲՈԼՈՐ ՆՅՈՒԹԵՐԸ
Անկեղծ չեն եղել սեփական ժողովրդի հետ. բոլոր շեղումների սկզբնավորողն ու հայրը՝ ՀՀ առաջին նախագահն էր 03/10/2022 22:23 | Վերլուծություններ
Ռուս-ուկրաինական պատերազմին հաջորդող ողջ ընթացքում ինձ չի դադարում ուղեկցել այն միտքը, որ բաբելոնյան նոր աշտարակաշինության մի նոր ընթացք է թևակոխել մարդկությունն ու աշխարհը։ Եվ մի քանի հզոր կայսրությունների շահերի բախման ու բեկման կետերում հայտնված բազմաթիվ պետություններից մերը ու մենք՝ ապագայի առումով ամենաանկանխատեսելի վիճակում, ուղղակի՝ ինքնահոսի մատնվածն ենք։ Ընդ որում, հստակության բացակայությունը բոլոր առումներով է, բոլոր բնագծերում։
Իրավիճակը մեծապես է բարդանում, երբ 2020-ի սեպտեմբերին թուրքադրբեջանական տանդեմի սանձազերծած պատերազմը դեռ չհաղթահարած, մեզ շրջապատող թշնամական 2 պետություններիների անթաքույց նպատակներին ենք անդրադառնում՝ ներկա անպատասխանատու իշխանության համատեքստում, որն այսօր դերակատար չէ հայոց պետության և հայ ժողովրդի ո՛չ արտաքին, ոչ ներքին քաղաքականության մեջ։ Ազգային-պետական ոչ մի խնդիր լուծելու ոչ ցանկություն ունի ոչ էլ՝ կարողություն։ Թշնամու կրակոցների տակ՝ իշխանությունը խոսում է ինչ-որ ուտոպիական խաղաղության դարաշրջանից, բայց՝ Արցախն ու արցախցին այսօր էլ թշնամու թիրախում են, այդ թվում նաև՝ քաղաքացիական բնակչությունը։ Պետություն, պետական ինստիտուտներ, ըստ էության, կանգ առած, շունչը պահած վիճակում են։ Հայաստանում մեն-մի բնագիծ կամ ավելի ճիշտ՝ ծառայություն է գործում՝ ուժայինների ծառայությունը, որոնք զբաղված են վարչապետի աթոռը զբաղեցնողին /և նրա մերձավորներին/ սպասարկելով, նրա անվտանգությունն ապահովելով, թիկունքը պահելով։
Իսկ ՀՀ քաղաքացիներն այս դժվարին ժամանակներում ասես հավերժական բրոունյան շարժման շարունակական ընթացքի մեջ լինեն։ Ընթացք, որ անկախ իշխանություններից են վարում։ Իշխանությունն իր թիմով ի՛ր համար է ապրում, ժողովուրդն՝ իր։ Եվ այս երկուսի ապրելակերպի տարբերությունը գնալով ավելի է ահագնանում։ Իրեն «ժողովրդավար» համարող իշխանությունը շատ արագ «ժողովուրդ» արմատից ձերբազատվեց՝ «վար» արմատի առջևի «ա» հոդակապով լծվելով ավարառության գործին։ Եվ այդպիսով շատ որոշակի ու հստակ ցուցանելով 2018-ի ողջ կեղծիքն ու սուտը։ Միայն թե՝ իրականությունը տեսնելու, հասկանալու և համապատասխան քայլեր անելու պակասն արդեն հիվանդագին դրսևորումներ է ստանում մեր ժողովրդի շրջանում։
Ընդ որում, բոլոր նախորդների համեմատ հենց «ժողովրդավարության, սիրո և հանդուրժողականության քողի տակ» եկածներն ամենակեղծավորները դուրս եկան։ Ինչ խոսք, նախորդ իշխանությունների համար էլ կարող ենք ասել, որ անկեղծ չեն եղել սեփական ժողովրդի հետ։ Մեկն ավելի շատ, մյուսն՝ ավելի քիչ։ Բայց որ իշխանություն-ժողովուրդ անկեղծության պակասը դեռ անկախության ամենավաղ շրջանից է ժառանգորդաբար փոխանցվել, աներկբա է։
Անկախ և ազգային պետություն կառուցելու իրական ընթացքից բոլոր շեղումների սկզբնավորողն ու հայրը՝ ՀՀ առաջին նախագահն էր, շեղումներն այլևս անուղղելի ձախողումների վերածողը՝ նրա հոգեզավակ՝ ներկա իշխանության առաջնորդը։
Երկու տասնամյակ Հայաստանը ղեկավարած՝ արցախյան պատերազմի բովով անցած մեր երկրորդ և երրորդ նախագահները նույնպես անկեղծության, սեփական ժողովրդի հետ անկեղծ լինելու պակաս ունեին։ Եվ բոլորն էլ հեռացան առանց հաշվետվության, թե՝ ինչ արեցին, ինչը՝ չհասցեցին՝ թողնելով եկողին։
Յուրաքանչյուր հաջորդն էլ յուրաքանչյուր նախորդի գործունեությանը պարզ և հստակ քաղաքական գնահատական չտվեց, ուղղակի չցանկացան տալ։ Մինչդեռ ամեն մեկն իր հերթին կարող էր անել դա՝ առանց վիրավորանքի՝ գնահատելով նախորդի արածն ու չարածը, լավին լավ ասելով, վատին՝ վատ, լուծված և չլուծված ազգային հիմնահարցերի թվարկմամբ։
Իսկ լրջմիտ ոչինչ չասելը՝ ոչ միայն դրական մոտիվացիա չէր առաջացնում, այլև՝ 2018-ին իշխանությունը զավթած ներկաների օրոք իրենց նախորդների արժանահիշատակ գործերը մոռացնելու և զրոյացնելու և ապա՝ «նախկիններ» ընդհանրական որակման ներքո՝ առնվազն պետության և ժողովրդի անվտանգությունն ապահոված նախորդներին չեղած ու չարած հանցանքներ վերագրելու աղտոտ շրջան սկսեց, որի մասնակիցը դարձան, օգտագործվեցին և օգտագործվում են ուժային կառույցները։ Բնականաբար, վերջիններիս առումով կարելի է ասել՝ թո՛ղ չօգտագործվեին։ Բայց հենց նրանք, այդ ուժայիններն էին, որ առիթ տվեցին և երաշխավորեցին ներկաներին, թե՝ պետություն կառավարելու փոխարեն ժողովրդին կարելի է զբաղեցնել պետության զարգացման ընթացքը խաթարող շոուներով, անիմաստ և կեղծ դատապրոցեսներով, իսկ այսօր արդեն հասանք նրան, որ ներկա իշխանության օրոք՝ ուղղակի կանգ առավ պետությունը:
Բնականաբար, ժողովուրդը, նրա ընկալող և գիտակցող հատվածն էլ իր մեղքի բաժինն ունի, քանի որ պետության և պետականության հարցում պահանջատեր չենք։
Փոխարենը՝ ներկաներն էին պահանջատեր, ընդ որում, նրանցը բացառապես սեփական թայֆայի բարեկեցությունն ապահովելու մերկանտիլ պահանջն էր, որ տասնամյակներ շարունակ՝ վայելքի և իշխանության՝ ոմանք՝ նոստալգիայով, ոմանք՝ համառ ձգտմամբ վերջապես հասան իրենց նպատակին՝ ի սկզբանե խաբեությամբ, ստով ու կեղծիքով կերակրելով իրենց հավատացող ժողովրդին։ Ներկա նախագահի և վարչապետի կերպարները՝ ձեզ օրինակ․․․
․․․Ի դեպ, 115 տարվա հեռվից Հովհաններս Թումանյանն իր հայտնի՝ «Անկեղծ չենք» հոդվածում այսօրվա իրականությունն է մեզ պարզում և պարզաբանում։ Այդ իրականությունը տեսնողների, գիտակցողների, խոսքից գործի անցնողների ու առաջնորդողների կարիք կա։
Հ․Գ․
Մեծը գրում է.
«Երբեք այսքան մեծ չի եղել անկեղծության կարիքն ու կարոտը, ինչպես այսօր, և երբեք այսքան ահռելի չափերով չի հայտնվել կեղծիքը, ինչպես այսօր:
Դարավոր կարգերի ու հասկացողությունների հեղաշրջումի օրը, պատմության ահավոր դատաստանի օրը:
Մեծ ալեկոծություններն ու ակնկալությունները ամենքին տեղահան են արել, դուրս են բերել իրենց անկյուններից, և ահա –ժողովուրդներն իրենց ունեցած ուժերով հրապարակի վրա են:
Ամեն մարդ շարժվում է, ամեն մարդ խոսում է:
Անշուշտ նա պիտի շարժվեր այնպես, ինչպես ինքն է կամենում, և խոսեր այն, ինչ որ ինքն է մտածում:
Այդպես պիտի լիներ մարդը, առավել ևս այս տեսակ մի ժամանակի առաջ, երբ շարժումը կամ խոսքը կարող է ունենալ այնպիսի հետևանք, որ ուրիշ ժամանակ աներևակայելի է:
Նրա այս խոսքից կամ այն շարժումից կախված է շատ բան:
Եվ հանկարծ․․․ դուք տեսնում եք․․․ Նա խաղ է անում, դերասանություն է անում:
Դերասանությունը գեղեցիկ է բեմի վրա, ուր խաղում են, բայց նա գարշելի է կյանքի մեջ, ուր ապրում են:
Դրա համար էլ բեմի վրա խաղացողները շնորհքով մարդիկ են, իսկ կյանքում խաղացողները՝ ցածերն ու կեղծավորները:
Նրանք խաղ են անում ամեն տեղ, ամեն բանի հետ, և ահա, մեր կյանքը ավելի նման է թատրոնական բեմի, ու այդ բեմը թեև փոքր, բայց, տեսեք, ո՜րքան դերասաններ ունի․․․
Իրենց վրա առած զանազան դերեր՝ նրանք մտել են ու խաղում են այս կամ այն ասպարեզում:
Ահա սա՝ ներկայանում է ամեն տեղ որպես չհասկացված ու հալածված գաղափարական գործիչ, մյուսը նշանավոր հերոս է խաղում, երրորդը հրապարակախոսություն է սարքել, չորրորդը բարեգործ է ձևանում, հինգերորդը գրող է կեղծում, վեցերորդը հանդիսանում է արդեն որպես նահատակ, յոթերորդը գալիս է որպես դատավոր, ամենքին մեղադրելու և ամենքից հաշիվ ուզելու․․․
Ու բնականաբար, չնայելով այսքան շատ գործիչների ներկայությանը, դուք զզվում եք, որ ցուրտ է, որովհետև չկա անկեղծության ջերմությունը, զգացմունքի հուրը, որովհետև նրանք խոսում են լեզվով, իսկ սիրտները շատ է հեռու, և զզվում եք վերջապես:
Սրանք ոչինչ չեն սիրում, այլ ցույց են տալիս, թե սիրում են:
Եվ ինչպես դերասանն ունի իր դերը, որ տանում է, իսկական գործիչն ունի իր խաչը, որ կրում է, սրանք էլ, այս կամ այն գործին կպչելով, փոխանակ գործի ծանրության տակ մտնելու և տանելու, իրենք են բարձրանում, հեծում նրա վրա ու շինում են իրենց էշը:
Եվ այս դերասաններից ամեն մեկն ունի իր էշը, ու միշտ էլ իր էշն է քշում, թեկուզ աշխարքը քանդվի:
Հաճախ սրանց շահատակությունը տևում է շատ երկար, նայած թե ինչ տեղ են մեյդան բաց արել և ով են թամաշավորները կամ երբ են գլխի ընկնելու:
Ու որպեսզի այդ թամաշավոր-ժողովրդի սիրտը շահած լինեն ու բարեկամ պահած, միշտ գոռում են «ժողովրդի» անունը:
Խոսքն ընչի մասին ուզում է լինի, միշտ վերջացնում են «ժողովուրդով»: Ժողվուրդն այդպես է կամենում․․․
«Ժողովուրդը մեզ հետ է․․․ Ժողովուրդը ձեզ կդատի․․․ Ո՞ւր ես, ժողովուրդ, անարգում են քեզ․․․»
Այդ հերիք չէ դեռ: Ժողովուրդն էլ են կործանում․․․
Իրենց մարդկանցից ոմանց հանդես են բերում կեղծ ստորագրություններով,
անգրագետներին իրենց շինած հոդվածներով ու ներկայացնում որպես ժողովուրդ:
― Տեսե՜ք, ժողովուրդը մեզ հետ է։
Դե եկեք ու ջոկեցեք իսկականը կեղծիքից»։
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/25/2024 08:19 Տարածվել ա, կարդացվել ա՝ բավարար ա, էլի․ «Հրապարակ»
- 04/25/2024 08:16 Ընդդիմադիրները հիասթափված են․ «Հրապարակ»
- 04/25/2024 08:13 Ինչ ցանել ես, այն էլ կհնձես. Ծիծեռնակաբերդում տեղի ունեցած միջադեպից հետո թերեւս, արժե թարմացնել ՔՊ-ականների հիշողությունը. «Ժողովուրդ»
- 04/25/2024 08:10 «Քարֆուրի» տերերը հեռանում են Հայաստանից․ «Հրապարակ»
- 04/25/2024 08:03 Գերիների հարցով կակտիվանան․ «Հրապարակ»
- 04/25/2024 07:53 Դեսպան չնշանակվեց, կուսակցությունն էլ, փաստացի, գոյություն չունի. «Ժողովուրդ»
- 04/25/2024 07:50 Բնակարան, մեքենա․ ի՞նչ հայտարարագիր է ներկայացրել Տավուշի նոր դատախազը. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/25/2024 10:19 Ուղևորը վարորդի աչքերին քիմիական նյութ է փչել. վերջինս այրվածքներով տեղափոխվել է հիվանդանոց. shamshyan.com
- 04/24/2024 18:54 Հրդեհ Կամո գյուղում
- 04/24/2024 17:33 Նոր Գեղիում բախվել են «Mercedes»-ը, «06»-ն ու տրակտորը. պապը, տատը, նրանց դուստրն ու 2 անչափահաս թոռները տեղափոխվել են հիվանդանոց
- 04/24/2024 13:15 Եղանակը առաջիկա 5 օրերին
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
- 04/21/2024 22:49 Կինը հոր օգնությամբ վրեժ է լուծել դավաճան զուգընկերոջից
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ