ԲՈԼՈՐ ՆՅՈՒԹԵՐԸ
«Ուզես, չուզես՝ կկալանավորես» գաղտնալսմամբ հայտնի դարձած դատավորը հայտարարում է՝ թե իր նկատմամբ որևէ ճնշում չի կիրառվել 02/24/2022 13:39 | Դատական ռեպորտաժներ
Երևանի ընդհանուր իրավասության դատարանի դատավոր Վաչե Մարգարյանը, որն առավել հայտնի է դարձել գաղտնալսմամբ՝ օգոստոսի 24-ին ԱԺ-ում տեղի ունեցած միջադեպի առթիվ քրեական գործի հարուցումը մերժելու որոշման դեմ բողոքի քննության ընթացքում հայտարարեց, թե իր նկատմամբ որևէ ճնշում ինչպես այս, այնպես էլ՝ այլ գործով չի կիրառվել։
Ինչպես արդեն տեղեկացրել ենք՝ օգոստոսի 24-ին ԱԺ-ում միջադեպ-ծեծկռտուք է տեղի ունեցել։
Իշխանական պատգամավորները հարձակվել էին ընդդիմադիրների վրա, առաջացել էր քաշքշուկ։ Տեղահանվել էին անգամ ԱԺ պատգամավորական աթոռները։
Ներս հրավիրված անվտանգության աշխատակիցները հրմշտելով ու բռնի ուժ կիրառելով Ալեն Սիմոնյանի հրահանգով նիստերի դահլիճից դուրս են հանել «Պատիվ ունեմ» դաշինքի պատգամավոր Աննա Մկրտչյանին՝ պատճառելով նրան մարմնական վնասվածքներ, ինչն էլ ավելի է զայրացրել ընդդիմադիրներին ու քաշքշուկ էր սկսվել անգամ պատգամավորների և անվտանգության աշխատակիցների միջև։
Պատգամավոր Արծվիկ Մինասյանի վերնաշապիկն ամբողջությամբ պատռվել էր։
Միջադեպի առթիվ նյութեր են նախապատրաստվել, որոնց հիման վրա քրեական գործի հարուցումը մերժելու մասին որոշում է կայացվել, ինչի դեմ բողոք է ներկայացվել դատախազություն, որը մերժվել է։ Քննիչի կողմից քրեական գործի հարուցումը մերժելու որոշման և այդ որոշումն անփոփոխ թողնելու մասին դատախազի որոշման դեմ Աննա Մկրտչյանի և Արծվիկ Մինասյանի կողմից բողոք է ներկայացվել դատարան։
«Փաստինֆո»-ի թղթակցի հաղորդմամբ՝ այսօրվա դատական նիստին բողոքի քննությունն ավարտվել է. դատարանը հեռացել է խորհրդակցական սենյակ՝ որոշում կայացնելու, որը կհրապարակվի այսօր ։ Նիստին չեն ներկայացել քննիչը և դատախազը, որոնք նախորդ դատական նիստին ներկայացրել են բողոքի վերաբերյալ իրենց դիրքորոշումը՝ չառարկելով, որ դատական նիստն այսօր շարունակվի իրենց բացակայությամբ։ Դատարան չի եկել նաև բողոքաբեր Արծվիկ Մինասյանը, ինչպես նաև՝ որպես վկա հրավիրված Ալեն Սիմոնյանը և ՊՊԾ պետ Սարգիս Հովհաննիսյանը, որոնք ծանուցվել էին։
Դատարանը հետազոտեց գործում առկա տեսանյութերը՝ ԱԺ միջադեպի վերաբերյալ, որտեղ արտացոլված են ծեծկռտուքի կադրերը։ Հետազոտման ընթացքում Արծվիկ Մինասյանի ներկայացուցիչ Արթուր Մանուկյանն ուշադրություն հրավիրեց այն հանգամանքին, որ տեսագրությունում երևում են անձինք, որոնք նյութերի նախապատրաստման ընթացքում չեն հրավիրվել նախաքննական մարմին՝ բացատրություն տալու։ Փաստաբանը գտնում է, որ քրեական գործի հարուցումը մերժելու որոշումը եղել է քաղաքական։ Նա նաև ընդգծեց, որ չի հիշում նախկինում դեպք, որ ՊՊԾ աշխատակիցները ծեծեն ընդդիմադիրներին, ինչին արձագանքելով նախագահող դատավոր Վաչե Մարգարյանը հետաքրքրվեց՝ »Դուք գտնու՞մ եք՝ ծեծել են», ապա՝ ավելացրեց, թե «ՊՊԾ աշխատակիցները ձեռքերով փակել են, որ բաժանեն»։ Փաստաբանն էլ, նկատելով, որ տեսանյութով ծեծելը չի հերքվում, միևնույն ժամանակ՝ իրենք չեն պնդում, որ անդադար ծեծի են ենթարկել, եղել են հարվածներ, մեջբերեց նաև դատաբժշկական փորձաքննության եզրակացության հատված՝ Աննա Մկրտչյանի ստացած մարմնական վնասվածքների վերաբերյալ։
Տեսանյութերի հետազոտումից հետո բողոքաբեր կողմի ներկայացուցիչը պնդեց բողոքը՝ ևս մեկ անգամ ընդգծելով, որ կայացվել է ոչ թե օբյեկտիվ, հիմնավորված, իրավական որոշում, այլ՝ բացառապես քաղաքական, որն ապօրինի է ոչ միայն այն առումով, որ դատավարական խախտումներ են տեղի ունեցել, ապացույցները սխալ են գնահատվել, այլև՝ գործադիրն է միջամտել որոշման կայացմանը և գործադիր իշխանության միջամտությամբ կայացված որոշմամբ խախտվել են Աննա Մկրտչյանի և Արծվիկ Մինասյանի իրավունքները։ Համադրելով Նիկոլ Փաշինյանի հայտարարությունները, դրանից բխող գործընթացները՝ փաստաբանն արձանագրեց, որ ընդդիմադիր պատգամավորին ծեծելով, քաշքշելով դահլիճից հանելը խրախուսվել է ամենաբարձր մակարդակով։ Արթուր Մանուկյանը չբացառեց նաև, որ գործադիր իշխանության նկատմամբ դատական համակարգի նկատմամբ այս գործով էլ կարող են ճնշումներ լինել, հատկապես՝ հաշվի առնելով վերջին շրջանում դատական համակարգի նկատմամբ ճնշումների մեծացումը, դատավոր Բորիս Բախշիյանի նկատմամբ իրականացվող աննախադեպ հետապնդումը, մեղմ ասած՝ անհասկանալի քրեական գործով, ընդ որում, այն դեպքում, որ կայացված որոշումը չի բողոքարկվել։ Նախագահող դատավորն ընդհատեց՝ փաստաբանին՝ արձանագրելով, որ դատարանի նկատմամբ որևէ մեկի կողմից որևէ ճնշում ինչպես մնացյալ, այնպես էլ՝ այս գործերով չի կիրառվել, դատարանը որոշումը կայացնելու է բացառապես փաստական տվյալների համադրմամբ, օրինական քննության արդյունքում։
Հատկանշական է, որ Երևանի ընդհանուր իրավասության դատարանի դատավոր Վաչե Մարգարյանի անունը հանրության համար հայտնի դարձավ, երբ առաջին անգամ՝ դեռևս 2018թ հուլիսի 27-ին կալանավորվեց ՀՀ երկրորդ նախագահ Ռոբերտ Քոչարյանը։ Մեծ աղմուկ բարձրացվեց հատկապես այն ժամանակ, երբ նույն թվականի սեպտեմբեր ամսին մամուլում հրապարակվեց ԱԱԾ նախկին տնօրենի և ՀՔԾ պետի գաղտնալսված հեռախոսազրույցը, որի ընթացքում նշվում էր մի դատավորի մասին, որը, ըստ ամենայնի, պետք է Ռոբերտ Քոչարյանի նկատմամբ կալանավորումը որպես խափանման միջոց ընտրելու մասին որոշում կայացներ՝ անկախ հիմքերից։
Ավելին՝ դատավորին ասել են՝ ուզես, թե չուզես՝ պետք է տաս կալանավորում։
Գաղտնալսված հեռախոսազրույցի հրապարակման հաջորդ օրը դատավոր Վաչե Մարգարյանը հայտարարությամբ հանդես եկավ՝ նշելով, որ անձամբ չի ճանաչում, նրան չի զանգահարել և նրա հետ երբևիցե որևէ հեռախոսային զրույց չի ունեցել։ Գաղտնալսման առնչությամբ ԱԺ-ում ձևավորվել էր քննիչ հանձնաժողով, որի շրջանակներում դատավորը հայտարարել էր, որ իր նկատմամբ ճնշումներ չեն եղել։
Հեղինակ՝ Իզաբել Սահակյան
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/24/2024 08:18 Փաշինյանը տավուշցիներին երաշխիքներ չի տվել, որ Ադրբեջանին այլ տարածքներ չեն հանձնվելու․«Հրապարակ»
- 04/24/2024 08:12 Սա դեռ թատրոնի առաջին արարն է․ «Հրապարակ»
- 04/24/2024 08:08 Ամաչում են մարդամեջ դուրս գան․ «Հրապարակ»
- 04/24/2024 08:04 Հաջորդ քայլը լինելու է ապրիլի 24-ի հիշատակի օրվանից հրաժարվելը․«Հրապարակ»
- 04/23/2024 08:20 Տավուշը պայքարում է, համայնքապետն ԱՄՆ-ում է․ «Հրապարակ»
- 04/23/2024 08:17 Ծիծեռնակաբերդ այցը պաշտոնական այցերի պրոտոկոլային մաս չէ․ ԱԳՆ-ն՝ Ղազախստանի նախագահի այցի մասին․ «Ժողովուրդ»
- 04/23/2024 08:14 Համերգն առանց տեղական «իշխանիկների»․ «Հրապարակ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/24/2024 18:54 Հրդեհ Կամո գյուղում
- 04/24/2024 17:33 Նոր Գեղիում բախվել են «Mercedes»-ը, «06»-ն ու տրակտորը. պապը, տատը, նրանց դուստրն ու 2 անչափահաս թոռները տեղափոխվել են հիվանդանոց
- 04/24/2024 13:15 Եղանակը առաջիկա 5 օրերին
- 04/24/2024 10:18 Քաղաքացին նախկին ճոպանուղու շենքի 2-րդ հարկից ընկել է զրոյական հարկ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
- 04/21/2024 22:49 Կինը հոր օգնությամբ վրեժ է լուծել դավաճան զուգընկերոջից
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ