Փաստ ինֆո

Ուղիղ 34 տարի առաջ հենց այստեղ է տեղի ունեցել առաջին ցույցը, երբ արցախցին արթնացրեց մեր ողջ ժողովրդին, ներկայացրեց ազգային երազանք, որ կարճ հնչում էր՝ ՄԻԱՑՈՒՄ: Այս մասին հիշեցնում է քաղաքական-հասարակական գործիչ Թեւան Պողոսյանը:

Նրա գրառման մեջ ասվում է.

«1988 թվականի փետրվարի 13-ին այս հրապարակում սկիզբ առավ մեր ազգային ազատագրական պայքարը։ Ուղիղ 34 տարի առաջ հենց այստեղ է տեղի ունեցել առաջին ցույցը, երբ արցախցին արթնացրեց մեր ողջ ժողովրդին, ներկայացրեց ազգային երազանք, որ կարճ հնչում էր՝ ՄԻԱՑՈՒՄ։

Մեկ բառի մեջ պարփակված էր ազգային ողջ ուժը, փրկությունը և Հայրենիքի անվտանգության գրավականը՝ ՄԻԱՍՆԱԿԱՆՈՒԹՅՈՒՆԸ։

Մեկ տարի առաջ, Քրիստոսի խաչման տարիքին` մեր ազգային շարժումը ստացավ մեծ հարված, բայց հուսամ, որ այն քրիստոնեության պես կլինի հարատև և ի վերջո կհասնի հաղթանակի:

Հայ ազգ, համայն հայություն, արթնացի՛ր, Մեր ազգային երազանքին՝ ՄԻԱՑՄԱՆԸ դեռ պիտի հասնենք։

34 տարի առաջ մեկ շաբաթվա պահանջատիրությունը՝ Ստեփանակերտի Վերծննդի հրապարակի ցույցերի արդյունքում (13.02.1988 – 20.02.1988) փետրվարի 20-ին ԼՂԻՄ Ժողովրդական պատգամավորների խորհրդի արտահերթ նիստում որոշում ընդունվեց՝ Արցախը պետք է միավորվի մայր Հայաստանին: Դեռ այդ երզանքի ճանապարհին ենք, դժվարին, քրքրոտ, արյունոտ, բայց պարտավոր ենք Միասնականության կրակը վառ պահել: Հուսամ, որ այս տարի այս գալիք շաբաթն իսկապես կառանձնանա այցելություններով, ազգային ազատագրական շարժման մասին հիշատակումներով, զանազան միջոցառումներով, որոնք ծիլ կդնեն մեր միասնականության վերականգման կարևորման գործում:

Դե հուսամ նաև, որ Արցախի Հանրապետության ԱԺ-ն էլ իրականում ցույց կտա իր արժանի հետնորդը լինելու 1988-ի փտվարի 20-ի որոշմանը և անպայման կընդունի այսօրվա իրականության ամրագրման և ապագայի իրավական պայքարի իրավունքին տեր կանգնելու մասին «ադրբեջանական բռնազավթման» օրենքը:

Հ.Գ. Թե ինչու չկարողացանք պահպանել մեր այդ՝ Աստծու կողմից օրհնված հաղթանակը, դեռ շատ կգրվի, կխոսվի, հետազոտվի, հուսամ դասեր քաղվի ... բայց վայ մեզ, եթե այսօրվա պառակտիչ քաղաքականությունը արդյունքում հաղթի»։

Աղբյուր` Փաստինֆո