Փաստ ինֆո

Կիեւը հիմքեր չի տեսնում Ուկրաինայի վրա լայնամասշտաբ հարձակում նախապատրաստելու մասին պնդումների համար։ Այս մասին հայտարարել Է Ուկրաինայի ազգային անվտանգության եւ պաշտպանության խորհրդի քարտուղար Ալեքսեյ Դանիլովը։

«Մեկ անգամ ևս ասեմ, որ մենք որևէ հիմք չենք տեսնում Ուկրաինայի վրա լայնամասշտաբ հարձակում նախապատրաստելու մասին պնդումների համար։ Դա անհնար է նույնիսկ ֆիզիկապես։ Կան արդյո՞ք ռուսական զորքերի տեղաշարժեր նրանց տարածքում։ Այո, կան, և մեզ համար դա նորություն չէ։ Գուցե դա նորություն է մեր օտարերկրյա գործընկերների համար», - ասել է նա ԱԱՊԽ նիստի արդյունքներով ճեպազրույցի ժամանակ։

Դանիլովը նշել է, որ ՌԴ-ի կողմից հնարավոր «ագրեսիայի» շուրջ ստեղծված իրավիճակը վերահսկելի է, ինչի կապակցությամբ կարեւոր է հանգստություն պահպանել: «Իրավիճակը բացարձակ վերահսկելի է։ Մեզ համար ոչ մի նոր բան չկա նրանում, ինչ հիմա տեղի է ունենում։ Ես ուզում եմ, որ մենք բոլորս ձեզ հետ հասկանանք՝ յուրաքանչյուր երկիր ունի իր խնդիրները։ .. Երբ այս կամ այն բաները տեղի են ունենում, մենք ձեզ հետ պետք է նախևառաջ հանգիստ վերլուծենք և հետևություններ անենք մեր երկրի համար», - հավելել է Դանիլովը։

Մեկնաբանելով Ռուսաստանի կողմից իբր գոյություն ունեցող «ներխուժման» սպառնալիքը, որը քննարկում են ուկրաինական քաղաքական գործիչներն ու զանգվածային լրատվամիջոցները, Դանիլովը հայտարարել է, որ Ուկրաինայում խուճապի առիթներ ներկա պահին չկան, եւ ԶԼՄ-ները պետք է նվազեցնեն անվտանգության հետ կապված իրադրության շուրջ լարվածությունը, փոխանցում է ՏԱՍՍ-ը:

Աղբյուր` Փաստինֆո