Դավիթ Տոնոյանը կշարունակի մնալ կալանավորված, գրավ կկիրառվի Արտյոմ Համբարյանի նկատմամբ

ԲՈԼՈՐ ՆՅՈՒԹԵՐԸ

Բոլորը

09/22/2023 17:41 Մի բան արեք' հանենք մեր երեխեքին այստեղից, գոնե փրկենք երեխեքին. արցախցի մայր 09/22/2023 17:47 Մի շարք ընկերություններ հայտարարել են գործադուլին միանալու մասին 09/21/2023 21:17 Զինադադարից 32 ժամ անց Ադրբեջանը թույլ չի տալիս վերցնել մեր զինվորների և խաղաղ բնակիչների դիերը․ Բեգլարյան 09/23/2023 10:07 Քարվաճառում ադրբեջանցի դիվերսանտների ձեռքով դաժանորեն սպանված 17-ամյա Սմբատ Ցականյանի եղբորը՝ Սարգիսին, ևս զոհված գտան 09/23/2023 13:46 Ադրբեջանում հայատյատության վերաբերյալ հերթական ապացույցը՝ արցախցի երիտասարդ կնոջ արժանապատվությունը վիրավորող մեկնաբանություններով և բռնության կոչերով 09/23/2023 15:48 Հիմա գոնե լուրջ վերաբերվեք ասածիս՝ Ադրբեջանը ահռելի զինտեխնիկա ու զորք է կուտակում. Վան Համբարձումյան 09/22/2023 16:48 Քյոխը ողջ է 09/23/2023 12:18 Երևանի շինհրապարակներից մեկում պայթյուն է տեղի ունեցել, 39-ամյա տղամարդը բեկորային վնասվածքներով՝ հոսպիտալացվել. shamshyan.com 09/22/2023 12:20 Լևոնն Քոչարյանին բերման են ենթարկել. կարմիրբերետավորները նրան ծեծի ենթարկել մեքենայում (տեսանյութ) 09/23/2023 13:40 Թուրքիայում երկրաշարժ է տեղի ունեցել 09/21/2023 22:12 Կարեն Դուրգարյանն ստիպում է օպերային թատրոնի արտիստներին Արցախում իրականացվող ցեղասպանության ֆոնին մասնակցել օպերային ներկայացումներին 09/23/2023 16:10 Աղջկա լուսանկարի տակ ինչ-որ մեկը 500 դոլար է առաջարկել նրան, ով այն կհասցնի իրեն. նա պատրաստվում է հայ աղջկան նվիրել ոմն Մուրադին ծննդյան օրվա առթիվ. Արման Աբովյան 09/21/2023 23:21 Նիկոլ Փաշինյանը տեղյակ է եղել Ադրբեջանի գործողությունների մասին. Էրդողան 09/23/2023 15:15 Արցախի մասին երգեր չգրե՛ք, չհյուսե՛ք ձոներ...կլռե՜ք. Մետաքսե Հակոբյան 09/23/2023 13:08 Հրապարակում կիրառված լուսաձայնային նռնակից լուրջ վնասվածք է ստացել թեքվանդոյի բազմակի չեմպիոն Իգոր Կարապետյանը. նա օգնության կարիք ունի 09/22/2023 12:24 Կարեն Ֆարխոյանը կալանավորեց 18-ամյա արցախցուն 09/23/2023 14:56 Սասուն, ի՞նչ կա,լ ա՞վ ես, հեղափոխությունդ Արցախից կարեւոր էր չէ՞. Շարմազանով 09/22/2023 18:01 Բերման է ենթարկվել 350 քաղաքացի. Ազգային կոմիտե 09/22/2023 12:49 Լևոն Քոչարյանին Շտապ օգնության բրիգադը հոսպիտալացնում է 09/23/2023 18:32 Երեւանում սկսված ակցիաները տարածվում են մարզերում. Ժողովուրդը ոտքի է կանգնում (տեսանյութ)

Դավիթ Տոնոյանը կշարունակի մնալ կալանավորված, գրավ կկիրառվի Արտյոմ Համբարյանի նկատմամբ 01/24/2022 11:27 | ԼՐԱՀՈՍ

ՀՀ պաշտպանության նախկին նախարար Դավիթ Տոնոյանը, զենքի մատակարարմամբ զբաղվող Դավիթ Գալստյանը՝ «Պատրոն Դավոն», ՀՀ ԶՈՒ ռազմական ավիացիայի նախկին պետ Ավետիք Մուրադյանը, ԶՈՒ ԳՇ պետի նախկին տեղակալ Ստեփան Գալստյանը կշարունակեն մնալ կալանավորված, իսկ գործով անցնող Արտյոմ Համբարյանը 5 մլն գրավի դիմաց ազատ կարձակվի։ Այս մասին «Փաստինֆո»-ն տեղեկացավ փաստաբան Սերգեյ Հովհաննիսյանից։

Երևանի ընդհանուր իրավասության դատարանը՝ դատավոր Մանվել Շահվերդյանի նախագահությամբ, Դավիթ Տոնոյանի, Ավետիք Մուրադյանի, Ստեփան Գալստյանի և Դավիթ Գալստյանի նկատմամբ ընտրված խափանման միջոց կալանավորումը թողել է անփոփոխ՝ մերժելով պաշտպանների միջնորդությունը։ Ամբաստանյալ Արտյոմ Համբարյանի նկատմամբ ընտրված խափանման միջոց կալանավորումը փոխարինվեց գրավով, որը դատարանի դեպոզիտ հաշվին փոխանցելուց հետո Համբարյանն ազատ կարձակվի։

Ինչպես արդեն տեղեկացրել ենք՝ Դավիթ Տոնոյանի և մյուսների գործով դատաքննության նախապատրաստման փուլում քննարկվել է կալանավորված մեղադրյալների խափանման միջոցի հարցը։ Դատախազը պահանջել է վերջիններիս նկատմամբ ընտրված խափանման միջոց կալանավորումը թողնել անփոփոխ։ Դավիթ Տոնոյանի պաշտպանները միջնորդել են Տոնոյանին անձնական երաշխավորությամբ ազատ արձակել, Տոնոյանի համար երաշխավորել են ԱԺ «Քաղաքացիական պայմանագիր» կուսակցության պատգամավորներ Քրիստինե Պողոսյանը ,«Նավակ Ճոճող»-ը՝ Վիլեն Գաբրիելյանը և «Հանրապետություն» կուսակցության նախագահ Արամ Զավենի Սարգսյանը։

Հիշեցնենք, որ ԱԱԾ քննչական դեպարտամենտում հարուցվել էր քրեական գործ՝ ռազմամթերքի ձեռքբերման գործընթացում ենթադրյալ չարաշահումների, մասնավորապես, անորակ, անպիտան հրթիռներ ձեռք բերելու վերաբերյալ։ Քրեական գործի շրջանակներում մեղադրանք է առաջադրվել յոթ անձի, այդ թվում՝ ՊՆ նախկին նախարար Դավիթ Տոնոյանին, ՀՀ ԶՈՒ ԳՇ պետ Արտակ Դավթյանին, ԶՈՒ ԳՇ պետի նախկին տեղակալ Ստեփան Գալստյանին, «Պատրոն Դավո» մականունով հայտնի՝ զենքի մատակարարմամբ զբաղվող գործարար Դավիթ Գալստյանին։ Մասնավորապես, նախնական քննության տվյալներով՝ ՀՀ ԶՈւ և ՀՀ ՊՆ բարձրաստիճան պաշտոնատար անձինք, չարաշահելով իրենց պաշտոնեական դիրքը, «Մոսթոն Ինժիներինգ» ընկերության սեփականատիրոջ հետ նախնական համաձայնությամբ, «Նեյտրոն ԳԱՄ» և «Բագավան» ՓԲ ընկերությունների մասնավորեցումից ընկերության կողմից ՀՀ պաշտպանության նախարարության հանդեպ ունեցած պարտավորությունը մարելու նպատակով, 2018թ. ընկերությունից ընդունել՝ ձեռք են բերել թվով 4232 հատ ժամկետանց, տեխնիկական պահանջներին չհամապատասխանելու պատճառաբանությամբ նախկինում չընդունված և ՀՀ ՊՆ-ում պահեստավորված ռազմամթերքը։ Ըստ նախաքննական մարմնի՝ վերը նշված անձինք ռազմամթերքի ձեռքբերման պայմանագրի կնքման համար առկա խոչընդոտները վերացնելու և իրենց գործողություններին օրինական տեսք տալու համար պայմանագրի մաս կազմող տեխնիկական բնութագիրը համապատասխանեցրել են փաստացի ՊՆ-ում ի պահ հանձնված ապրանքի տվյալ տեսակին՝ դրանում նշելով ռազմամթերքը գործարանային արկղերով ՀՀ ՊՆ N զորամասի կենտրոնական պահեստ մատակարարելու վերաբերյալ իրականությանը չհամապատասխանող տվյալներ։

Ընդ որում՝ նշված ռազմամթերքը ձեռք է բերվել նույն խմբաքանակից ռազմամթերքի նախկինում ձեռքբերման արժեքից գրեթե կրկնակի թանկ գնով՝ կատարելով առանձնապես խոշոր չափերով՝ 2,277,323,840 ՀՀ դրամին համարժեք, 4.655.200 ԱՄՆ դոլար գումարի հափշտակություն։ Դավիթ Տոնոյանին մեղադրանք է առաջադրվել ՀՀ քրեական օրենսգրքի 179-րդ հոդվածի 3-րդ մասի 1-ին կետով, Արտակ Դավթյանին՝ ՀՀ քրեական օրենսգրքի 375-րդ հոդվածի 3-րդ մասով, Ստեփան Գալստյանին՝ ՀՀ քրեական օրենսգրքի 375-րդ հոդվածի 3-րդ մասով և 314-րդ հոդվածի 1-ին մասով, Ավետիկ Մուրադյանին՝ ՀՀ քրեական օրենսգրքի 375-րդ հոդվածի 3-րդ մասով և 314-րդ հոդվածի 1-ին մասով, Վլադիմիր Բաբայանին՝ ՀՀ քրեական օրենսգրքի 375-րդ հոդվածի 3-րդ մասով և 314-րդ հոդվածի 1-ին մասով, Արտյոմ Համբարյանին՝ ՀՀ քրեական օրենսգրքի 375-րդ հոդվածի 3-րդ մասով և 314-րդ հոդվածի 1-ին մասով, Դավիթ Գալստյանին՝ ՀՀ քրեական օրենսգրքի 178-րդ հոդվածի 3-րդ մասի 1-ին կետով և 325-րդ հոդվածի 1-ին մասով։
Հեղինակ՝ Իզաբել Սահակյան

Աղբյուր` Փաստինֆո