Պետական ռեկետի հետքերով. ԶՄՊԿ 75 % բաժնետոմսերի վրա դրված արգելանքը վերացնելու որոշումը բեկանվել է. ՎԴ-ն արձանագրել է՝ թույլ է տրվել դատական սխալ

ԲՈԼՈՐ ՆՅՈՒԹԵՐԸ

Բոլորը

03/31/2023 16:30 Թող հիշեն, ինչպես էին հետևի ոտքերով հարվածներ հասցնում Վահե Հակոբյանին. փաստաբան 03/31/2023 13:50 Կոտրվածքներ չունի. ինչ վնասվածքներ է ստացել Վարդանյանը ԱԺ-ում տեղի ունեցած միջադեպի հետևանքով 03/31/2023 14:05 Ադրբեջանցիների շարժից հասկացվում է, որ առաջիկա օրերին ինչ-որ բան է լինելու. Վարդենիսի ուղղությամբ կուտակումները շեղելու համար են. հիմնական ուղղությունները երկուսն են լինելու. Ավետյան 03/29/2023 20:18 Ես հրաժարվում եմ հայկական դրոշը բարձրացնելուց և ուզում եմ հանդիպել ՀՀ վարչապետ Նիկոլ Փաշինյանին. բռնցքամարտիկ 03/29/2023 21:19 Ինչ է իրականում տեղի ունեցել վաշտի կացարանում. բաց, թեժացած կրակի պայմաններում որտեղից է առաջացել շմոլ գազը. քննությունը բացարձակ ցանկություն չունի պարզելու 15 զինվորի մահվան իրական հանգամանքները 03/31/2023 18:09 Երկու կար են դրել, հարվածը բավական ծանր էր. Վլադիմիր Վարդանյանը ինքն է պատմում այսօրվա միջադեպի մանրամասները 03/31/2023 08:06 Ջուլֆալակյանի պատճառով Հանրայինի լրագրողին զրկել են իր հեղինակային հաղորդումը վարելուց․«Հրապարակ» 03/30/2023 15:55 Ադրբեջանը պաշտոնապես տարածքային պահանջներ է ներկայացնում ՀՀ-ին՝ Երեւանն ու Արարատյան դաշտավայրը ներկայացնելով գոյություն չունեցած «արեւմտյան ադրբեջան» 03/30/2023 13:21 «Մեկ ամսում Հայաստանն ու Արցախը կարող ենք ազատագրել թուրքերից, մեր երբեմնի համբավը պիտի վերականգնենք». Եղիազարյան 03/30/2023 23:41 «Կլուբնիկա» ուտելով բանակ չեն սարքում, բանակը սարքում են մարտի դաշտում, հրաձգարաններում և այլ վայրերում. Հակոբյան 03/29/2023 19:01 Իշխանությունները չգիտեն ինչ անել Իշխան Զաքարյանի քրգործի հետ. Շուրջ երկու տարի է, ինչ նա մեղադրյալ է, դատվելու մահակն էլ՝ գլխին կախված 03/31/2023 12:57 ԱԺ-ում քաշքշուկ է տեղի ունեցել՝ Վլադիմիր Վարդանյանի և Մհեր Սահակյանի միջև 03/31/2023 14:13 Հրահրումը եղել է Վլադիմիր Վարդանյանի կողմից, օգտվելով Ալեն Սիմոնյանի ներկայությունից, ոստիկանության պետի տեղակալն սկսեց Մհեր Սահակյանին բրդբրդել, ինչի իրավունքը չունի.Օհանյան 03/30/2023 07:40 Ինչո՞ւ է Միրզոյանի հայտարարությունն անակնկալ եղել. «Փաստ» 03/29/2023 21:11 Շուշիի շրջանում հրադադարի ռեժիմի ևս մեկ խախտում է արձանագրվել․ ՌԴ ՊՆ 03/30/2023 23:11 ՀԱՊԿ հավաքական ուժերը զորավարժություններ կանցկացնեն 03/30/2023 13:57 Ցիկլոնի ամենամեծ թափը դիտվելու է վաղը երեկոյան ժամերին՝ 4-ից հետո. Գագիկ Սուրենյան 03/31/2023 15:52 Հողատուները ատում են հողը պահողներին. Սեւակ Նազարյան 03/30/2023 23:22 Փաշինյանն անձամբ է պայմանավորվում Ալիևի հետ՝ խուսանավելով և՛ ԵՄ դիտորդներից, և՛ ռուս խաղաղապահներից. Գալստյան 03/30/2023 16:22 Ադրբեջանը, փաստացի, դեկտեմբերի 12-ից չեղարկել է 2020թ. նոյեմբերի 9-ի եռակողմ հայտարարությունը. կեղծ օրակարգերից դուրս գալ է պետք. Արցախի ԱԺ պատգամավոր

Պետական ռեկետի հետքերով. ԶՄՊԿ 75 % բաժնետոմսերի վրա դրված արգելանքը վերացնելու որոշումը բեկանվել է. ՎԴ-ն արձանագրել է՝ թույլ է տրվել դատական սխալ 12/01/2021 15:47 | Տնտեսություն

Վերաքննիչ քաղաքացիական դատարանն արձանագրել է՝ Զանգեզուրի պղնձամոլիբդենային կոմբինատի բաժնետոմսերի 75 %-ի վրա դրված արգելանքը վերացնելու մասին որոշմամբ Սյունիքի մարզի ընդհանուր իրավասության դատարանը թույլ է տվել դատական սխալ և բեկանել դատական ակտը։

Հիշեցնենք, որ ԶՊՄԿ բաժնետոմսերի 12.5 տոկոսի սեփականատեր Ռուսաստանի առողջապահության ու սոցիալական զարգացման հարցերի նախկին նախարար Միխայիլ Զուրաբովը հայցադիմում էր ներկայացրել դատարան՝ ԶՊՄԿ բաժնետոմսերը ձեռքբերելու նախապատվությունն իրեն տալու մասին։

Օգոստոսի 2-ին ներկայացված հայցադիմումը դատարանը ոչ միայն վարույթ էր ընդունել, այլ նաեւ կիրառել հայցի ապահովման միջոց՝ արգելանքի տակ դնելով Զանգեզուրի պղնձամոլիբդենային կոմբինատի ընդհանուր բաժնետոմսերի 75%-ի վրա։ Սյունիքի մարզի ընդհանուր իրավասության դատարանը սեպտեմբերի 30-ին որոշում էր կայացրել՝ հայցի ապահովման միջոցը վերացնելու մասին, ինչից ժամեր անց բաժնետոմսերը գնել է ռուս միլիարդատեր Ռոման Տրոցենկոյին պատկանող «Գեոպրոմայնինգ» ՍՊԸ դուստր ընկերությունը՝ «Արդյունաբերական ընկերություն» ԲԸ-ն։ Գործարքից անմիջապես հետո գնված բաժնետոմսերի 15 %-ը Տրոցենկոն նվիրաբերել է ՀՀ կառավարությանը։

Նկատենք, որ բաժնետոմսերի վաճառքի գինը սահմանվել է բավական ցածր, այդուհանդերձ, անգամ այդ գումարը Տրոցենկոն դեռեւս չի կարողացել վճարել ու պայմանագրում նախատեսվել է հետաձգվող վճարման պայման։ Բացի այդ, խնդիրներ են առաջացել գործարքի վարկավորման համար եւս, քանի որ որոշ բանկեր ռիսկեր են տեսել բաժնետոմսերի ձեռք բերման օրինականության առումով ու խուսափում են վարկ տրամադրել։ Ժամանակը ցույց տվեց, որ բանկերի մտահոգություններն արդարացված էին ու գործարքն անվավեր ճանաչելու ռիսկերն առավել քան առարկայական են։

«Փաստինֆո»-ն տեղեկացրել է,որ Միխայիլ Զուրաբովի ներկայացուցիչները բողոք են ներկայացրել Վերաքննիչ քաղաքացիական դատարան՝ պահանջելով վերացնել հայցի ապահովման միջոցը վերացնելու մասին դատարանի որոշումը։ Հայցվոր կողմի ներկայացուցիչները հայտարարել են, հայցի ապահովման միջնորդության քննության վերաբերյալ դատական նիստ նշանակելու պահից մինչև գործով որոշման հրապարակումը հայցվոր կողմը զրկված է եղել անկախ, անկողմնակալ և անաչառ դատարանի կողմից իր գործի և միջնորդություն քննության հնարավորությունից՝ բարձրաձայնելով միջնորդության քննության և որոշումը հրապարակելու հարցումը դատարանի դրսեւորած շտապողականության մասին։ Ընդ որում, հենց դատական նիստին միջնորդություն ներկայացրած կողմի նոր ապացույցներն ուսումնասիրելու համար հայցվորի ներկայացուցիչը խնդրել է ընդմիջում և չի բացառել նիստը հետաձգելը, ապացույցների վերաբերյալ դիրքորոշում հայտնելու և լրացուցիչ ժամկետ տրամադրելու անհրաժեշտության համար, որին դատարանն արձագանքել է միայն ընդմիջում տրամադրելով՝ բացառելով դատական նիստը հետաձգելու հնարավորությունը, ինչը ևս մեկ անգամ փաստում է, որ դատարանը գործել է կողմնակալ: Ըստ հայցվորի՝ առաջին ատյանի դատարանի կողմից դրսևորած հրատապության ու շտապողականության պատճառները բացահայտվել են նույն օրը արգելանքը վերացնելու որոշմանը հաջորդած արգելադրված գույքի վաճառքը, ինչն ուղղակի ապացույց են, որ դատավորի հետ առկա էին պայմանավորվածություններ, որոնք ակնհայտ դարձան միայն դատարանի կողմից որոշումը հրապարակելուց հետո. որոշման հրապարակման օրն արդեն իսկ լրատվական կայքերից, ՀՀ կառավարության հայտարարությունից պարզ է դարձել, որ պատասխանող ընկերության կողմից օտարվել են գործով վիճելի, հայցի ապահովման միջոց կիրառելու հիմքով արգելադրված բաժնետոմսերի պատասխանող ընկերության 1,649,003 (մեկ միլիոն վեց հարյուր քառասունինը հազար երեք) հատ հասարակ անվանական բաժնետոմսերը կամ 60.0000946%-ը:

Բացի այդ՝ առաջին ատյանի դատարանը, հայցի ապահովման միջոցը վերացնելու մասին միջնորդությունը քննարկելիս ու որոշումը կայացնելիս չի ունեցել սեպտեմբերի 15-ին բաժնետերերի արտահերթ ընդհանուր ժողովի որոշումն ու արձանագրությունը։ Մինչդեռ արձանագրության և որոշման ուսումնասիրությունը թույլ կտար փաստել, որ գործով երրորդ անձ «ԱՄՓ Հոլդինգ» ՍՊԸ-ի կողմից բաժնետոմսերի մարմանը դեմ քվեարկելու պատճառը որևէ պարագայում չի հանդիսացել դատարանի կողմից կիրառված արգելանքը, ավելին, երրորդ անձը զրկված չէր պայմանով որոշում ընդունելու հնարավորությունից, այսինքն՝ երրորդ անձը կարող էր կողմ քվեարկել մարմանը, արգելանքները վերացնելու պայմանով:

Հայցվորը պնդել է, որ բաժնետոմսերի մարման հարցի քննարկման համար հայցվոր ընկերության կողմից ժողովի հրավիրումն ու դրան կողմ քվեարկելն ինքնին հաշտության և հաշտարարության արտադատարանական քայլ է մյուս բաժնետիրոջ հետ ընկերությանն առնչվող կարևոր հարցի վերաբերյալ համաձայնության գալու նպատակով, մինչդեռ երրորդ անձն ամեն կերպ փորձել և ներկայումս էլ փորձում է խոչընդոտել հայցվորի իրավունքների պատշաճ իրացմանը, որպիսի փաստը պետք է հաստատվեր դատարանի կողմից, եթե ապացույցները հետազոտվեին օրենքով սահմանված կարգով և գնահատվեին հայցվոր կողմի մտադրության տրամաբանության մեջ:

Վերաքննիչ քաղաքացիական դատարանը բավարարել է հայցվոր կողմի բողոքը՝ բեկանելով հայցի ապահովման միջոցը վերացնելու մասին առաջին ատյանի դատարանի որոշումը։ Վերաքննիչ դատարանը հանգել է հետևության, որ առաջին ատյանի դատարանը թույլ է տվել դատական սխալ։

Ներպետական դատական ատյանների կողմից արդեն իսկ արձանագրվում է ներդրողի, տվյալ դեպքում ԶՊՄԿ բաժնետոմսերի 12.5 տոկոսի բաժնետերի իրավունքների խախտում։ Վերջինս կարող է դիմել նաեւ միջազգային ներդրումային արբիտրաժ, որտեղ իրավունքի խախտումը փաստվելու դեպքում արդեն պետք է մեծ չափերի հասնող փոխհատուցում վճարի պետությունը։

Հեղինակ՝ Իզաբել Սահակյան

Աղբյուր` Փաստինֆո