Տրոցենկոն դեռ չի վճարել ԶՄՊԿ-ի 60 տոկոս բաժնետոմսերը ձեռք բերելու համար. Բանկերը վարկեր չեն տրամադրում

ԲՈԼՈՐ ՆՅՈՒԹԵՐԸ

Բոլորը

05/14/2022 21:47 Ուժեղ երկրաշարժ՝ Գյումրիում․Թումասյան 05/14/2022 21:28 Քիչ առաջ երկրաշարժ գրանցվեց Հայաստանում 05/15/2022 10:42 Նիկոլ Փաշինյանը փախուստի դիմելու դեպքում արտերկրից կշարունակի «սպանել», և պառակտել մեր հասարակությունը, նա պետք է կալանավորվի. Արթուր Համբարձումյան (տեսանյութ) 05/15/2022 20:30 Գեղամ Մանուկյանը և Արծվիկ Մինասյանն այցելել են «Արթիկ» ՔԿՀ, հանդիպել կալանավորված դաշնակցական երիտասարդներին 05/16/2022 17:18 Ես Ձեր համբերությունը չունեմ, Դուք շատ հանգիստ դեմքի արտահայտությամբ, ժպիտով անօրինականություն եք իրականացնում. Երեմ Սարգսյանը՝ դատավոր Մնացական Մարտիրոսյանին (տեսանյութ) 05/16/2022 14:38 Կառավարական ամառանոցում անցած գիշեր աննախադեպ «ուրախ է» եղել.Արթուր Ղազինյան 05/14/2022 21:41 «Եկեք շնորհավորենք Մարուքյանին, փաստորեն, ինչպես Ռուբինյանն է Թուրքիայի հետ բանագնացն, այնպես էլ Մարուքյանն՝ Ադրբեջանի բանագնացն է». միջազգայնագետ 05/15/2022 14:14 Մարիա Զախարովան՝ «Եվրատեսիլ» -ում Ուկրաինայի հաղթանակի մասին 05/16/2022 14:04 Մյուս անգամ չփորձեք նման բան անել, եթե չգիտեք՝ ավելի լավ է լռեք, դա ձեզ ավելի խորհրդավոր կդարձնի. Ա. Հովսեփյանը՝ դատախազին (տեսանյութ) 05/15/2022 21:12 Ձեւավորվելու են 80-100 խումբ, որոնք դուրս են գալու փողոց ու կասեցնեն ամբողջ քաղաքը. Սաղաթելյանը ներկայացրեց ծրագիրը 05/15/2022 14:45 Իշխա՛ն, 2020-ին ՀՓՇ 1-ի ժամանակ Մարուքյանի կուսակցական կաբինետի դռան առաջ հերթ էիր կանգնում. Խաժակյանը՝ Իշխան Սաղաթելյանին 05/16/2022 13:01 Վարչապետի կնոջ արկածները՝ Գավառում․ Աննա Հակոբյանը «փայլել է» պահվածքով. Yerevan Today 05/14/2022 22:19 Երկրաշարժը բավականին մեծ ուժգնությամբ զգացվել է Շիրակի մարզի բոլոր բնակավայրերում․ Ճշտվում են հնարավոր վնասները․Նազելի Բաղդասարյան 05/15/2022 21:55 «Թույլ մի տվեք ձեզ խաբել» Կադիրովը դիմել է Էրդողանին 05/15/2022 19:27 Այս իշխանությունն առնետի պես կրծել է մեր անցյալը, ներկան և փորձում է կրծել մեր ապագան. Վանեցյան 05/15/2022 19:13 Արթուր Վանեցյան. Լսեք, ծոծորակներդ կտեսնեք, բայց պառակտված շարժում չեք տեսնի 05/15/2022 19:42 Հանրահավաքին մասնակցում է ՀՀ երկրորդ նախագահ Ռոբերտ Քոչարյանը 05/15/2022 10:54 44-օրյա պատերազմում զոհված Յուրա Սարգսյանի 5 հոգանոց ընտանիքն ապրում է 28 քառակուսի մակերեսով մի համեստ բնակարանում. Իշխանություններն անգամ մեկ անգամ դուռը չեն բացել (տեսանյութ) 05/14/2022 19:42 Կենդանաբանական այգու 21 տարեկան բենգալյան վագրը կքնեցվի 05/15/2022 18:10 Ֆրանսիայի հրապարակում մեկնարկել է համապետական հանրահավաքը. ուղիղ

Տրոցենկոն դեռ չի վճարել ԶՄՊԿ-ի 60 տոկոս բաժնետոմսերը ձեռք բերելու համար. Բանկերը վարկեր չեն տրամադրում 11/30/2021 20:35 | Տնտեսություն

Հայաստանի հանքարդյունաբերության ոլորտում մոնոպոլ դիրքեր ձեռք բերելու հավակնություն ունեցող Ռոման Տրոցենկոն, պարզվում է, վճարունակ չէ եւ «Զանգեզուրի պղնձամոլիբդենային կոմբինատ»-ի բաժնետոմսերը ձեռք բերելու համար անհրաժեշտ գումարը, ըստ տեղեկությունների դեռ չի վճարել։

Հիշեցնենք՝ սեպտեմբերի 30-ին հայտնի դարձավ, որ «Արդյունաբերական ընկերություն» բաժնետիրական ընկերությունը ձեռք է բերել Զանգեզուրի պղնձամոլիբդենային կոմբինատի (ԶՊՄԿ) բաժնետոմսերի 60%-ը ու շտապել ԶՊՄԿ ընդհանուր կապիտալի 15%֊-ը նվիրել ՀՀ կառավարությանը։ «Արդյունաբերական ընկերությունը» «Գեոպրոմայնինգ Արմենիային» պատկանող ընկերություն է, որը հավակնում է ձեռք բերել նաեւ Թեղուտը։ Այս ընկերությանն է պատկանում նաև Սոթքի ոսկու հանքավայրը, Ագարակի պղնձամոլիբդենային կոմբինատը և Մեղրաձորի հանքավայրը։

Կառավարությունը գաղտնի է պահում «Զանգեզուրի պղնձամոլիբդենային կոմբինատ»-ի բաժնետոմսերի վաճառքի վերաբերյալ կասկածելի գործարքի մանրամասները, հրաժարվում հրապարակել պայմանագիրը, գործարքի գինը։ Կառավարությունը չէր պատասխանել նաեւ մեր այն հարցին, թե արդյոք գումարը վճարվել է։ Սակայն «Փաստինֆո»-ին հաջողվեց պարզել, որ բաժնետոմսերի վաճառքի գինը սահմանվել է բավական ցածր, այդուհանդերձ, անգամ այդ գումարը Տրոցենկոն դեռեւս չի կարողացել վճարել ու պայմանագրում նախատեսվել է հետաձգվող վճարման պայման։ Բացի այդ, խնդիրներ են առաջացել գործարքի վարկավորման համար եւս, քանի որ որոշ բանկեր ռիսկեր են տեսել բաժնետոմսերի ձեռք բերման օրինականության առումով ու խուսափում են վարկ տրամադրել։

Ինչպես արդեն տեղեկացրել ենք՝ ԶՊՄԿ բաժնետոմսերի 12.5 տոկոսի սեփականատեր Ռուսաստանի առողջապահության ու սոցիալական զարգացման հարցերի նախկին նախարար Միխայիլ Զուրաբովը դիմել էր դատարան՝ կոմբինատի բաժնետոմսերը օտարվելու դեպքում դրանք ձեռքբերելու նախապատվությունն իրեն տալու պահանջով ու միաժամանակ ներկայացրել ընդհանուր բաժնետոմսերի 75%-ի վրա արգելանք դնելու միջնորդություն։

Դեռեւս օգոստոսի 2-ին ներկայացված հայցադիմումը դատարանը ոչ միայն վարույթ է ընդունել, այլ նաեւ կիրառել հայցի ապահովման միջոց՝ արգելանքի տակ դնելով Զանգեզուրի պղնձամոլիբդենային կոմբինատի ընդհանուր բաժնետոմսերի 75%-ի վրա։

Սյունիքի մարզի ընդհանուր իրավասության դատարանը սեպտեմբերի 30-ին որոշում է կայացրել՝ հայցի ապահովման միջոցը վերացնելու մասին, ինչից հետո ժամեր անց բաժնետոմսերը գնել է ռուս միլիարդատեր Ռոման Տրոցենկոյին պատկանող «Գեոպրոմայնինգ» ՍՊԸ դուստր ընկերությունը՝ «Արդյունաբերական ընկերություն» ԲԸ-ն։ Գործարքից անմիջապես հետո գնված բաժնետոմսերի 15 %-ը Տրոցենկոն նվիրաբերել է ՀՀ կառավարությանը։

«Զանգեզուր Մայնինգ» ՍՊԸ-ն վիճարկել է բաժնետոմսերը արգելանքից հանելու որոշման օրինականությունն ու վերաքննիչ բողոք ներկայացրել։ Եվ մեծ է հավանականությունը, որ գործարքը անօրինական կարող է ճանաչվել, ավելին՝ այն կարող է քննարկման առարկա դառնալ նաեւ միջազգային արբիտրաժային դատարանում՝ բաժնետիրոջ իրավունքների խախտման համատեքստում, հետեւապես բանկերը ձեռնպահ են մնում ֆինանսավորել այդ գործարքը։

Ինչպես արդեն նշվեց, «Փաստինֆո»-ի աղբյուրների փոխանցմամբ, Տրոցենկոն բաժնետոմսերը ձեռք էր բերել հետաձգվող վճարման պայմանով, ընդ որում՝ բավականին ցածր գնով, ինչը մոտ երկու տարում ստացված դիվիդենտներից ավելի քիչ է։ Շրջանառվող տեղեկությունների հաստատման պարագայում կարելի է արձանագրել, որ Զանգեզուրի պղնձամոլիբդենային կոմբինատի 60 տոկոս բաժնետոմսերը Տրոցենկոյին պատկանող ընկերությունը ձեռք է բերել գրեթե «անվճար»։

Ու անգամ այս գումարը Տրոցենկոն չի վճարել։ Թե անհրաժեշտ ռեսուրսների բացակայության պայմաններում ինչպես է պատրաստվում նա իրականացնել խոստացված բազմամիլիարդանոց մյուս ներդրումներն ու պղնձաձուլարանի կառուցումը, արդեն այլ հարց է, որին կանդրադառնանք առանձին։ Միայն փաստենք, որ ԶՄՊԿ 12.5 տոկոսի սեփականատերը դատական կարգով պահանջում է ոչ միայն անվավեր ճանաչել նշված գործարքը, այլ նաեւ նույն պայմաններով, ինչով բաժնետոմսերը օտարվել են երրորդ անձի, օտարվի իրեն՝ որպես նախապատվություն ունեցող սուբյեկտի։

Բացի այդ՝ մտահոգություններ են առաջացնում նաև այն հանգամանքը, որ «Գեոպրոմայնինգ» ընկերությունն այսօր խնդիր ունի Ադրբեջանի հետ՝ Սոթքի հանքի շահագործման տեսանկյունից, քանի որ չի բացառվում, որ ադրբեջանական կողմը կարող է դատական վեճ առաջացնելով՝ պահանջել փոխհատուցել հանքի շահագործման համար և չի բացառվում, որ դատական վեճի պայմաններում հանքի բաժնետոմսերը կամ դրանց մի մասը կարող են անցնել Ադրբեջանին։ Այդպիսով լուրջ խնդիրներ ի հայտ կգնա նաեւ Հայաստանի տնտեսական անվտանգության համատեքստում, այդ թվում՝ ընդերքի նկատմամբ սեփականության մասով շահագործումներն ապահովելու վերաբերյալ։

Աղբյուր` Փաստինֆո