Փաստ ինֆո

Հանրապետության հրապարակում քաղաքացիները պահանջ-համահավաք են իրականացնում։ Ակցայի նպատակն է Նիկոլ Փաշինյանից պահանջել հրապարակել և ժողովրդին հասանելի դարձնել ՀՀ և Ադրբեջանի միջև սահմանագծման և սահմանազատմանը վերաբերող այն փաստաթուղթը, որն իր ասելով ինքը պատրաստ է ստորագրել։ Ակցիան ունի խաղաղ բնույթ։

«Նախաձեռնությունը վերկուսակցական է, ազգային բնույթ է կրում։ Նիկոլ Փաշինյանը հայտարարել է, որ իրեն մինչև այս եղել է երեք առաջարկ՝ ՀՀ-ի և Ադրբեջանի միջև սահմանազատման վերաբերյալ և վերջերս իրեն փոխանցվել է չորրորդ տարբերակը, որն իր համար ընդունել է։ Փաշինյանը բազմիցս հայտարարել է, որ Արցախի հիմնախնդրի, խաղաղության հետ կապված ցանկացած որոշման մասին բացեիբաց իրազեկելու է։ Այսօր այստեղ ենք՝ պահանջելու բացահայտել փաստաթղթի բովանդակությունը»,- ասաց ակցիայի մասնակիցներից մեկը։

Քաղաքացիներն ընթերցեցին նաև դիմումը՝ ուղղված ՀՀ կառավարությանը։ Նշում են, որ փաստաթղթի վերաբերյալ ունեն հիմնավոր կասկածնր, որ ՀՀ-ից թշնամուն են զիջվելու կենսական տարածքներ, ռազմավարական կապուղիներ ու բարձունքներ, իսկ Արցախը ճանաչվելու ՝ Ադրբեջանի մաս։

«Մեր մտահոգությունները խնդրի կապակցությամբ ավելանում են, քանի որ փաստաթղթի բովանդակության բացահայտմանն ուղղված խորհրդարանական և արտախորհրդարանական նախաձեռնությունները տապալվում են։ ՀՀ տարածքի փոփոխության վերաբերող հարցերը լուծվում են բացառապես հանրաքվեի միջոցով։ Համաձայն ՀՀ գերագույն գլխավոր խորհրդի՝ ՀՀ համար անընդունելի է ցանկացած փաստաթուղթ, որտեղ Արցախը նշված կլինի Ադրբեջանի ակզմում։ Պահանջում ենք ներկայացնել նշված փաստաթղթի բովանդակությունը»։

Դիմումը սահմանված կարգով կփոխանցվի կառավարությանը։ Նույն պահանջով քաղաքացիները գնալու են նախագահական և Աժ, վերադառնում են Հանրապետության հրապարակ՝ համահավաքի։

Աղբյուր` Փաստինֆո