Փաստ ինֆո

Հայաստանը ՀԱՊԿ հիմնադիր անդամ է, անկախ նրանից՝ թե ՀԱՊԿ-ի մեջ անդամ այլ ինչ պետություններ են ընգրկված: Այս մասին ԱԺ-ում հայտարարեց Անվտանգության և պաշտպանության հարցերի նախագահ Անդրանիկ Քոչարյանը.

«Այնտեղ մեր հիմնական ռազմավարական գործընկերը Ռուսաստանն է, որը, լինելով նաև ՀԱՊԿ անդամ, ունի լիարժեք փաթեթ՝ այսպիսի լարվածությունները կանխելու:

Այս պահին ո՛չ հայտարարարություն ենք լսել, ո՛չ էլ որևէ գործիքակազմի հստակ կիրառում»,-ասաց Անդրանիկ Քոչարյանը:

Պատգամավորն ընդգծեց, որ սահմանին ստեղծված իրավիճակը կարող ենք կանխել միայն միասնական ուժերով.

«Այս լարվածությունն էլ մենք կհաղթահարենք, կհաղթահարենք միասնաբար ու այստեղ մեր միասնականությունից է կախված զինված ուժերը միայնակ կմնա՞ այսօրվա վիճակում, թե՞ մենք բոլորս կլինենք Զինված ուժերին ենթակա մարմին», - ասաց Քոչարյանը:

Պատգամավորը ՀԱՊԿ-ին կոչ արեց ստեղծված իրավիճակի վերաբերյալ հայտարարությամբ հանդես գալ և կանխել սահմանային լարվածությունը.

«Եթե այսօր չկանխենք լարվածությունը, ավելի մեծ ծավալներ կընդգրկի, մեծ ծավալները լրացուցիչ զոհերն են, իսկ զոհեր թե՛ մեր կողմից, թե՛ հակառակորդի կողմից, ցանկալի չէ, պետք է պահպանենք հրադադարի ռեժիմը,որպեսզի կարողանանք տարածաշրջանը հեռու պահենք ցնցումներից», - ասաց պատգամավորը:

Աղբյուր` Փաստինֆո