Փաստ ինֆո

Վանո Սիրադեղյանն էր ասում՝ եթե ժողովուրդը հաղթած է, ուրեմն ոչ թե աշխատատեղ պետք է ապահովես, այլ ջրցան մեքենաներ, որ երբ ժողովուրդը դուրս գա փողոց՝ ցրես, ավելի մոտ գա՝ կրակես, ասենք, մի 50,60, 800 հոգու նաև սպանես, եթե պետք է։ Փաշինյանն այս մասին շատ լավ գիտի, ու ինքը կրակելու հրաման տվող տղա է։ Վանոյի հոգեզավակն իրականում Փաշինյան Նիկոլն է։ Այս մասին «Փաստինֆո»-ի եթերում ասել է ռազմական փորձագետ Հայկ Նահապետյանը։

Նրա դիտարկմամբ՝ եթե կան գործիչներ, որոնք կարծում են, որ 10-20 հազար մարդ հավաքելու դեպքում փողոցով՝ առանց մեխանիզմների, առանց իշխանության մեջ 6-րդ շարասյան, առանց մի ուժային կենտրոնի «դաբռոն» ունենալու կարող են ՀՀ-ում իշխանափոխություն անել, ապա սխալվում են , նման բան չի լինի։ «Կարծում եմ Ռոբերտ Քոչարյանն այս մասին հրաշալի գիտի», -արձանագրել է Նահապետյանը։

Նրա խոսքով՝ այսօր Ադրբեջանը հետևողականորեն իրականացնում է ամեն կերպ ռուսների ներկայությունը վարկաբեկելու գործընթաց, որը նաև աջակցություն է ստանում ՀՀ իշխանությունների որոշ շրջանակների կողմից։

«Եթե Ռուսաստանը ռուսական բազան հանի, կտեսնեք, թե Թուրքիան կես ժամ հետո ոնց է մտնում ՀՀ։ Գիտե՞ք ոնց, Մասիսի փեշի մի երկու գյուղ է կոտորելու, հետո ասի, թե հայ ահաբեկիչները մտան իմ քաղաքացիներին սպանեցին, ես մտնում եմ ՀՀ՝ կանխարգելիչ գործողությունների, ու 2 ժամ անց Նախիջևանով Երևանում կլինի ու թեման կփակվի»,- ասել է ռազմական փորձագետը։

Մանրամասները՝ տեսանյութում

Աղբյուր` Փաստինֆո