Փաստ ինֆո

Դելիմիտացիայի և դեմարկացիայի համաձայնեցումը ժամանակին խափանվեց փաստաթղթի վաղաժամ գաղտնազերծմամբ և այժմ հանրության ուշադրության աճի պայմաններում նոր համաձայնության կնքումը բարդացած է: Սակայն փաստաթղթի ստորագրումը բացառված չէ, այդ թվում` մոտ ապագայում: Այս մասին ֆեյսբուքյան իր էջում գրել է «Հայացք» վերլուծական կենտրոնի փորձագետ Աննա Կարապետյանը։

«Վերջին օրերի հայտարարություններից ու Փաշինյանի հարցազրույցից կարելի է եզրակացնել որ.
Անմիջապես նոյեմբերի 9-ին եռակողմ հանդիպում չի սպասվում, բայց մոտ օրերս լինելու է Հայաստանի, Ադրբեջանի և Ռուսաստանի տեսակոնֆերանս:

Շատ մոտ ապագայում (գուցե նույն տեսակոնֆերանսի ընթացքում) հնարավոր է հրապարակվի հաղորդակցությունների բացման մասին փաստաթուղթ, կամ գործընթացի մեկնարկն ազդարարող ինչ-որ համաձայնություն:

Կարծես, Հայաստանը կարողանալու է պահպանել սուվերենությունն Ադրբեջանը Նախիջևանին կապող ճանապարհի նկատմամբ, բայց մաքսային և այլ վերահսկման մեխանիզմներում իրավիճակն այնքան էլ հստակ չէ: Շան գլուխը թաղված է «պարիտետային սկզբունք» բառակապակցության մեջ:

Դելիմիտացիայի և դեմարկացիայի համաձայնեցումը ժամանակին խափանվեց փաստաթղթի վաղաժամ գաղտնազերծմամբ և այժմ հանրության ուշադրության աճի պայմաններում նոր համաձայնության կնքումը բարդացած է: Սակայն փաստաթղթի ստորագրումը բացառված չէ, այդ թվում` մոտ ապագայում:

Հայաստանի գործող իշխանությունը «3+3»-ին դեմ չէ, խոսում է օրակարգը սահմանափակելու ցանկության մասին:
Գերիների վերադարձի մասով հստակություն այս պահին չկա, Ադրբեջանը շարունակում է քաղաքական առևտուրը և կարծես շատ բարձր գին է պահանջում` չբավարարվելով քարտեզներով:

Ադրբեջանը խոչընդոտում է ԵԱՀԿ ՄԽ համանախագահների մուտքն Արցախ, իսկ Հայաստանը սահմանափակվում է միջնորդներին հարցեր հղելով»,- գրել է Կարապտյանը։

Աղբյուր` Փաստինֆո