Զոհված զինծառայողների հարազատները խորհրդատու կաշխատեն պատերազմի մասնակիցների ընտանիքների հետ. Հայկ Մարությանը հանդիպել է զոհված հերոսների ծնողներին

ԲՈԼՈՐ ՆՅՈՒԹԵՐԸ

Բոլորը

10/16/2021 12:42 ԶՊՄԿ-ի նախկին տնօրեն Մհեր Պոլոսկովի նկատմամբ հայտարարվել է հետախուզում. Քաղաքական կոռուպցիայի համատեքստում այն «կջրվի» 10/16/2021 18:50 Արգիշտի Քյարամյանն անգնահատելի ծառայություն է մատուցում Ադրբեջանին 10/17/2021 12:21 Կյանքից հեռացել է 44-օրյա պատերազմի մասնակից Լեռնիկ Ղազարյանը 10/16/2021 14:42 Ուրեմն ՊԲ 5-րդ և 4-րդ ՀՎ ՀԴԿ-ն է հիմա փաստացի պաշարված. Այդ պոստերը պատերազմում ոչ մի կերպ չկարողացան վերցնել. Արթուր Դանիելյան 10/16/2021 09:09 Մի զարմացեք սովետի վախտ ինքը եղել է սովորական հովիվ․ «Հրապարակ» 10/15/2021 23:59 Կոնկրետ պաշտոնյաների համար պարտադիր չէ պատվաստվելը, նրանք արտոնյալ են 10/15/2021 22:22 Պուտինը գծեց սահմանը Թուրքիայի համար. ՀՀ-ն կարող է ձեռք բերել ռեգիոնալ խաղացողի նոր կարգավիճակ 10/15/2021 20:41 Խառն ամուսնություններից ծնված երեխաները պետք է ՌԴ քաղաքացիություն ստանան․ Լավրով 10/16/2021 17:45 Վիրավոր Դավիթին իր ընկերների հետ թողել են անտառում, խոստանալով վերադառնալ.Տանկիստ Դավիթի մարմինը , մասունքները հողին հանձնեցին այսօր՝ Եռաբլուրում․ Նազարյան 10/15/2021 20:54 Սկսել եմ հավատալ, որ նա ուրախանում և ոգեշնչվում է, երբ նրան «դավաճան» կամ «հողատու» են ասում․ Մհեր Մկրտչյան 10/17/2021 16:16 Մահացել է ՓՊ նախկին նախագահ Ռուբեն Սահակյանը 10/15/2021 22:40 Լա՜վ, էդքան անսահմա՞ն է իշխանատենչ տականք լինելու քո ռեսուրսը. Ռուբեն Հակոբյանն արձագանքել է Փաշինյանին 10/15/2021 20:30 Կրակել են Հայաստանի քաղաքագետների միության գրասենյակի վրա 10/16/2021 23:13 Մահացել է Վանո Սիրադեղյանը 10/17/2021 17:42 Լարված իրավիճակ «Առուշանյան» դաշինքի շտաբում. իրավապահներն ընտրությունների օրը ներխուժել են շտաբ 10/15/2021 22:51 «Զգուշացեք սատանայի՝ թանկ նստող թակարդներից»․ Իրանի ԱԱԾ-ն արձագանքել է Ալիևի մեղադրանքներին 10/15/2021 21:04 Ադրբեջանցիներն ակտիվացել են, որպեսզի նոր սրիկայությունն ավելի հեշտ մարսվի. Մանվել Եղիազարյան 10/17/2021 13:13 ՔՊ-ի կողմից բազմաթիվ ուղղորդումներ են եղել. ոստիկանական զորքեր կան Գորիսում.Մենուա Հովսեփյանն ահազանգում է 10/16/2021 17:23 Ինչ-որ բան կորցնելու ենք, հավանականությունը շատ մեծ է․ Սենոր Հասրաթյանը` Սեյրան Օհանյանի ՌԴ մեկնելու արգելքի մասին 10/17/2021 11:35 Թող մարդկանց 30 տարի սոված չթողնեին, որ հիմա նման բաներ չասեին.ՔՊ-ական թեկնածուն՝ ընտրություններից առաջ քաղաքացիներին տրամադրած աջակցության մասին

Զոհված զինծառայողների հարազատները խորհրդատու կաշխատեն պատերազմի մասնակիցների ընտանիքների հետ. Հայկ Մարությանը հանդիպել է զոհված հերոսների ծնողներին 09/16/2021 17:32 | ԼՐԱՀՈՍ

Արցախյան 44-օրյա պատերազմում զոհված զինծառայողների մայրերն ու կանայք Երևանի վարչական շրջանների սոցիալական աշխատողների հետ միասին հավասարապես խորհրդատու կաշխատեն պատերազմի մասնակիցների ընտանիքների հետ: Երևանի քաղաքապետարանի երեխաների և սոցիալական պաշտպանության վարչության նախաձեռնությամբ՝ «Ամբրա» հոգեկան բարեկեցության կենտրոն» ՀԿ-ի հետ դեռևս մայիսին նշված խմբերի համար կազմակերպվել էր հատուկ սեմինար: Ծրագրում ընդգրկված շուրջ 60 մասնակիցներից դասընթացները հաջողությամբ ավարտել են 13-ը, որոնց հավաստագրերը հանձնել է Երևանի քաղաքապետ Հայկ Մարությանը:

«Շնորհակալ եմ, որ կարողացել եք ուժ գտնել ձեր մեջ և որոշել եք օգնել նույն ցավն ապրած ընտանիքներին: Մենք բոլորս մեծ պարտք ունենք ձեր առջև և այդ պարտքը ոչ թե հայրենասիրական վեհ խոսքեր ասելով՝ այլ այդպես ապրելով ու գործելով պետք է մեր ողջ կյանքի ընթացքում մարենք: Դա, իհարկե, ամենաքիչն է, ինչ կարող ենք անել ձեզ համար: Վստահ եղեք, որ ձեր օգնությունը շատ մեծ է լինելու այդ դժոխքի միջով անցած ընտանիքներին»,- ընդգծել է քաղաքապետը:

Փորձնական այս ծրագիրն իրականացվել է երեք փուլով: Նախ՝ համայնքի նախաձեռնությանը միացած զոհված զինծառայողների հարազատները մասնակցել են Ռեքավերի քոլեջի հոգեբանական աջակցության հավասար խորհրդատուի տեսագործնական վերապատրաստման դասընթացներին։ Ծրագրի 2-րդ փուլում թիրախային խմբի հետ միասին արդեն մեկնարկել են դասընթացներ՝ վարչական շրջանների աշխատակազմերի սոցիալական ապահովության, առողջապահության և ծրագրերի բաժինների աշխատակիցների համար: Արդեն 3-րդ փուլում փաստացի գործունեությամբ պատերազմից տուժած ընտանիքներին հոգեբանական աջակցություն կտրամադրեն:

«Մտածեցինք և հասկացանք, որ միգուցե այն մարդիկ, ովքեր օգնության կարիք ունեն հենց իրենք կարող են մեզ օգնել այդ գործում: Եվ այդ մտահաղացումը եղավ, որ հավասարապես խորհրդատուներ լինեն: Իրենք շատ ուժեղ են, մենք հասել ենք այն վիճակին, որ ոչ ոքի չէին ցանկանում լսել, փակվել էին, բայց հիմա իրենք են ուզում լսել, ուզում են օգնել, իրենք են գաղափարներ տալիս մեզ ու, ամենակարևորը, վստահեցին համայնքին: Մենք այդ վստահությունը չպետք է կորցնենք»,- նշում է Երևանի քաղաքապետարանի երեխաների և սոցիալական պաշտպանության վարչության պետ Լուսինե Հովհաննիսյանը:

«Ծրագիրը հետաքրքիր է այն իմաստով, որ նպաստում է համայնքի կարողությունների զարգացմանը՝ այսպիսի բարդ սոցիալ-հոգեբանական խնդրին առնչվելու և այդ խնդիրները լուծելու համար: Պատերազմից տուժած մեր քաղաքացիների այս խումբը, որը հարազատ է կորցրել, ինքը ևս, ինքնակազմակերպվելով, հայտ է ներկայացնելու հանրությանը՝ ունենալու իր խոսքը: Նրանք ոչ միայն պարփակվելու են այդ խմբի խնդիրների մեջ, այլև մյուսներին ևս օգնելու և ձեռք մեկնելու խնդիր են դրել իրենց առջև, ինչը վստահ եմ, համայնքի հետ համատեղ կարող են իրականացնել»,- ասում է Երևանի ավագանու անդամ Սաթենիկ Մկրտչյանը:

«Մեզ համար, իսկապես շատ մեծ պատիվ էր, որ նման ուժեղ մարդկանց ընդգրկեցինք ծրագրի մեջ և հիմա միասին կարող ենք աշխատել ու ավելի արդյունավետ հոգեբանական աջակցություն ցուցաբերել բոլոր կարիք ունեցողներին»,- նկատում է «Ամբրա» հոգեկան բարեկեցության կենտրոն ՀԿ նախագահ, Ռեքավերի քոլեջի ղեկավար Լիլիթ Բաղդասարյանը:

Հանդիպմանը զոհվածների մասնակից մայրերն ու կանայք ընդգծում են՝ համախմբվել են մի գաղափարի շուրջ. «Հանուն իրենց երեխաների շարունակելու են ապրել, որ ապրեցնեն նրանց»:

Աղբյուր` Փաստինֆո