Փաստ ինֆո

ՈՒ սա չարախնդալու բան չէ, սա ուղղակի վկայում է, որ այլևս անկման նիշն այնքան է խորացել, որ էլ տեղ չկա: Անդունդ է՝ բայց անդունդ էլ կա՝ անդունդ էլ: Այս անդունդը աղքատության, սոցիալական կարիքի մասին չէ, որ անշուշտ տնտեսական անկման պայմաններում գնալով ահագնանում է: Սա գարշահոտությամբ լի մի փոս է, որի մեջ տեսանելի են ներկա՝ մարմնավաճառությունն ու թմրամոլությունն /մարիխուանան/ օրինականացնելու ջատագով, թուրքին բարեկամ համարող և հային սևուսպիտակի բաժանող, ազգային ինքնությունից հրաժարվելու՝ թուրքական բոլոր պայմանները համրորեն կատարող իշխանության բոլոր սեգմենտները՝ լրտեսներ, թուրքական բիզնեսը խթանելու պատրաստ օլիգարխներ և թուրքերի հետ էն գլխից քիրվայություն անող առևտրականներ, որոնց համար բիզնեսն ու առևտուրն ազգություն չեն ճանաչում…:

Վերը նշվածներին բնորոշելու համար մենք կարող ենք արդարամտորեն շատ հատկանշական բաներ ասել՝ նույնիսկ առանց նրանց տեղաբաշխելու թվարկված տեսականու մեջ, բայց ինչու՞մենք ասենք, բավական է միացնել նրանց «կենդանի խոսքը» և իրենք ամեն բան կասեն իրենց մասին: Եվ կասեն ճշգրիտ: Ինչպես օրինակ, լոսաբնակ տիկինն օրերս հրապարակային համարձակվեց խոսել մեծատաղանդ ստեղծագործողի մոնումենտալ գործի մասին, թեմա, որն իր հետ երբեքուերբեք նույն ծիրում լինել չի կարող: Գյումրի քաղաքի Մայր Հայաստանը միայն ու միայն հայության թշնամուն կարող էր այսահար անել: Ի դեպ, ի զարմանս բոլոր գիտակից մարդկանց՝ այս արարածը հայաստանյան հետևորդների լայն զանգված ունի: Ողբալի է: Մեկ այլ դրվագ էլ՝ դատարանների դռներ ջարդելով ոչ իշխանահաճո դատավորների հանդեպ «վեթթինգ» իրականացնելու ցուցադրական ներկայացումն ուղղորդողն էր սույնը: Եվ այսպես՝ շարունակաբար Իրականում, իմ խորին համոզմամբ՝ այս անմակարդակ ծիկրակումների ազդակները Հայաստանից է լոսական շրջանակին հղվում, բնականաբար, այս դեպքում է, որ հաշվի չի առնվի իսկ ո՞վ է խոսողը: Էլ չասած, թե՝ հաշվի առնողներն ո՞վքեր են:

Նույն կերպ, այստեղ, Հայաստանում նույնատեսակ երևույթներ չե՞ն հայտնվում պատասխանատու պաշտոններում:

Ինչ վերաբերվում է նույնի հայաստանյան դրսևորմանը, որը դեռ հնուց շարունակ ինչ-որ պատմությունների մեջ է հայտնվում, մեկ՝ հյուրանոցում ՝հայտնի օլիգարխի հետ, մեկ պարզվում է Հայաստանում ու Հայաստանից դուրս իրեն հանդիպած գրեթե բոլոր բարձրաստիճաններին «կաշառք» տալու կամ հետները բիզնես անելու ջերմ ցանկությամբ է առանձնանում: Շաքար էլի…Համենայնդեպս, իր ցուցմունքները դրա վկայությունն են: Իրականում խնդրո առարկա կանայք ներկա վարչապետի խոսափողն են դարձել և խոսում են նրա սրտից, չի բացառվում բնավ՝ նրա հանձնարարությամբ:

Ագրեսիվությամբ լոսաբնակին չզիջող հայաստանցի բիզնեսլեդի Շաքարսիլվան, որն իր նախնական կապիտալը կուտակել է իննսունականներին կասկածելի օղի արտադրելով ու վաճառելով, հիմա եկել և հրապարակային ասում է, թե իր հանգիստը խանգարող լրագրողին նախարարը Հակոբ Արշակյան-նախարարին նկատի ունի/դեռ պիտի ապտակեր, ես օրինակ՝ կապտակեի՝ ասում է, ի՞նչ է արել որ նա աշխատանքից ազատեցին…

Միտքը հետևյալն էր՝ «իշխանություններն ինչ անում են՝ լրագրողների հանդեպ, նրանց հասնում է»: Ի դեպ, եթե առաջիկայում ներկա էկոնոմիկայի նախարարը դիմում գրի, նշանակում է՝ Շաքարսիլվան «հուշեց» վարչապետին:

Իսկ ընդհանրապես՝ այս երկու կանանց՝ ամեն ինչից զատ՝ միավորող բան կա՝ նրանք երկուսն էլ՝ «վարչապետի թիկունքին կանգնած են»:

Աղբյուր` Փաստինֆո