ԲՈԼՈՐ ՆՅՈՒԹԵՐԸ
Լոռիում ոստիկանների կողմից հետապնդվող փայտանյութով բեռնված ավտոմեքենայի կողաշրջման հետևանքով մահացած Վահրամը որևէ առնչություն չի ունեցել ծառահատումների հետ, նա ուսանող էր 08/20/2021 19:40 | Քրեական խրոնիկոն
Լոռու մարզում ոստիկանության ծառայողների կողմից հետապնդվող փայտանյութով բեռնված ավտոմեքենայի կողաշրջման հետևանքով մահացած 22-ամյա Վահրամը որևէ առնչություն չի ունեցել ծառահատումների հետ, նա ավտոմեքենա էր նստել վարորդի առաջարկությամբ՝ ոտքով գյուղ չհասնելու համար։ Այս մասին «Փաստինֆո»-ի հետ զրույցում պատմեց Վահրամի հայրը՝ Հերբերտ Դանիելյանը։
Հիշեցնենք, որ ողբերգական դեպքը տեղի է օգոստոսի 14-ին՝ ժամը 21։30-ի սահմաններում, երբ Լոռու մարզի Մարց գյուղի շրջակայքում ոստիկանության ծառայողները շրջիկ ծառայություն են իրականացրել՝ ապօրինի ծառահատման դեպքերի կանխարգելման և հայտնաբերման նպատակով։ Ծառայության շրջանակներում վերջիններս նկատել են «Ֆորդ» մակնիշի ավտոմեքենան՝ փայտանյութով բեռնված և փորձել են կանգնեցնել, սակայն վարորդը չի կանգնել և շարունակել է արագ ընթացքը։
Ոստիկանության ծառայողները հետապնդել են նշված ավտոմեքենան, ինչի հետևանքով հետապնդվող «Ֆորդ» մակնիշի ավտոմեքենան Մարց գյուղից դեպի Լորուտ գյուղ տանող ճանապարհահատվածում, կորցնելով կառավարումը, դուրս է եկել ճանապարհի երթևեկելի գոտուց և կողաշրջվել ձորը, ինչի հետևանքով ավտոմեքենայում գտնվող երեք անձանցից երկուսը մահացել են։ Այն բանից հետո, երբ պարզվել է, որ ոստիկանների կողմից հետապնդվող ավտոմեքենան կողաշրջվել է, ինչի հետևանքով երկու անձ մահացել է, դեպքի վայր են մոտեցել հարակից գյուղերի բնակիչները, այդ թվում՝ մահացածների հարազատները, ինչից հետո ոստիկանների և նրանց միջև վիճաբանություն է եղել, ոստիկանական ավտոմեքենան կողաշրջվել և ձորն է գցվել, իսկ «Վազ 2106» մակնիշի ավտոմեքենան հայտնաբերվել է հրկիզված վիճակում։ Դեպքի առթիվ հարուցվել է քրեական գործ՝ ՀՀ քրեական օրենսգրքի 316-րդ հոդվածի 1-ին մասով, 185-րդ հոդվածի 2-րդ մասի 1-ին և 3-րդ կետերով, 258-րդ հոդվածի 2-րդ մասով և 242-րդ հոդվածի 3-րդ մասով:
Ողբերգական դեպքի հետևանքով մահացած 22-ամյա Վահանը բնակվում էր Վանաձորում, սովորում էր Վանաձորի պետական համալսարանում՝ իրավագիտության ֆակուլտետում, իսկ դեպքի օրը գտնվում էր գյուղում։ Վահրամի հայրը մեզ հետ զրույցում պատմեց, որ ինքը գյուղում է ապրում՝ մոր հետ, զբաղվում են անասնապահությամբ, իսկ ընտանիքի անդամներն ապրում են Վանաձոր քաղաքում։ Ավտոմեքենայում գտնվող երրորդ անձը, որը կարողացել էր սեփական ուժերով դուրս գալ արդեն կողաշրջված ավտոմեքենայից և ողջ մնացել, Վահրամի հորը պատմել է, որ երեկոյան գնացել են անասուններին արածացնելու, իսկ վերադառնալու ժամանակ ավտոմեքենայի վարորդին են հանդիպել, որն առաջարկել է նրանց մեքենայով տանել գյուղ, որ ոտքով չգնան, գյուղ հասնելու ճանապարհին՝ մոտ 200 մետր հեռավորության վրա, հանդիպել են ոստիկաններին, իսկ վարորդը չի կանգնեցրել, որ իրենք էլ իջնեն։
Հերբերդ Դանիելյանը վստահեցնում է՝ իր որդին որևէ կապ չունի ծառահատման հետ, գյուղում շատերին անգամ չի էլ ճանաչել, քանի որ 5-6 տարեկան է եղել, երբ տեղափոխվել են Վանաձոր քաղաք։
«Մեկ-երկու շաբաթը մեկ եկել են՝ կիրակի օրերին, ժամանակ չի էլ եղել, որ դուրս գա շփվի, հետո մեծացել է, դասախոսների հետ պարապել, համալսարան է ընդունվել, գնացել բանակ»,- նշեց նա։
Մեքենայի կողաշրջման հանգամանքներին անդրադառնալով՝ մեր զրուցակիցը հայտնեց, որ այն ձորն է ընկել՝ բարձր արագության պատճառով, մեքենան սլացել է մոտ 100-120 արագությամբ՝ գյուղի՝ փոսերով և անմխիթար վիճակում գտնվող ճանապարհով, իսկ ոստիկանների պնդումը, թե իրենք 1.5-2 կմ հետ են ընկել, իրականությանը չի համապատասխանում, մոտ 1.5-2 մ է եղել։
Դա երրորդ մարդն էլ կարող է հաստատել, ես էլ եմ իմ աչքով տեսել, թե գյուղում ինչ է կատարվում, կանայք էլ են տեսել։ Գյուղի մեջ հետևից էին ընկել, մեկ «Նիվայի» խփել «Ֆորդը», այդտեղ չկագնեցրեց մեքենան՝ ոստիկաններն էլ չկագնեցին։ Գնաց երկաթից արկղերին խփեց՝ չկանգնեցին, կովեր կային, կովերի միջով գնացին, ոստիկանները կրկին չկանգնեցին և այդպես մոտ 100 կմ/ ժամ արագությամբ գյուղից դուրս եկան, գնացին։ Ես մեքենա եմ գտել նստել, հետևներից գնացել, ասացի, որ բռնեն, իմ երեխան դրա հետ կապ չունի, չտանեն ոստիկանություն։ Հետո գնացինք տեսանք ժողովուրդը հավաքվել են, երեխաս էլ՝ չկա։ Ոստիկաններին էլ հարցնում եմ՝ շտապօգնությու՞ն են կանչել, ասում են՝ հա, բայց ի՞նչ շտապօգնություն, դեպքից արդեն երկու ժամ առաջ անցել էր, երեխային արդեն հանել էինք, մեր մեքենաներով իջեցնում էինք Ալավերդի՝ հիվանդանոց, ամենամոտ հիվանդանոցն Ալավերդիում էր, նոր ճանապարհին շտապօգնության ավտոմեքենան եկել է»,- նշեց Վահրամի հայրը՝ չբացառելով նաև, որ եթե ավելի շուտ կարողանային հանել որդուն ավտոմեքենայից և բուժօգնություն ցուցաբերել, գուցե և նրա կյանքը փրկել հաջողվեր, սակայն առաջին հերթին մահվան պատճառը կապում է ավտոմեքենան հետապնդելու հետ։
«Ոստիկանները, լինելով կիրթ մարդիկ, չէի՞ն հասկանում, որ վարորդը շիզոֆրենիկ է, ապուշ է, շաշ է, սա գլուխը կուտի »,- նշեց նա՝ հավելելով, որ ավտոմեքենան, միևնույնն է, պետք է գյուղ բարձրանար, այդ տարածքով կարող էր միայն Ղազախ գնալ՝ սարերով, բայց Ֆորդն այդպես չէր կարող, շրջանցելու այլ ճանապարհ չկար, նույն ճանապարհով պետք է վերադառնային. «Իմաստը ո՞րն էր մինչև ձորը հետևից քշելը»։
Վահրամի հայրը մտահոգություն հայտնեց առ այն, որ պատշաճ քննություն չի իրականացվում՝ մահվան հանգամանքները պարզելու ուղղությամբ, փոխարենը՝ քննություն է իրականացվում ոստիկանների և գյուղացիների միջև տեղի ունեցած միջադեպով։
«Ոչ մի քննություն չկա։ Եկան այդ գիշերը բոլորին հավաքեցին՝ կարմիր բերետներով, հատուկ ջոկատայիններով, ջարդելով՝ զենքով-զրահով, տարան բոլորին ջարդեցին, իրենց ուզած ցուցմունքները վերցրին, իրենք անմեղ դուրս եկան, բրդեցին առաջ։ Դե մահացաներն էլ են էլի 5000 զոհերի տարիքին, այսինքն՝ որտեղ 5000 զոհ, այդտե՞ղ էլ՝ 5001 »,- նշեց Վահրամի հայրը՝ ընդգծելով, որ մահվան հանգամանքները պարզելու ուղղությամբ որևէ քննություն չի իրականացվում, եթե լիներ, ինքը տեղյակ կլիներ, ավելին՝ անգամ ավտոմեքենայում գտնվող երրորդ անձին չեն հարցրել։
«Միայն ոստիկանները տարել են այդ վիճակում՝ քարերը վրան, մեկ-երկու հատ էլ իրեն խփել, իրենց ուզած ցուցմունքը ստացել, ասել՝ գնա, մեզ էլ պետք չես»,- նշեց նա՝ հավելելով, որ տուժողի իրավահաջորդի կարգավիճակ չունի։
Նշենք, որ ոստիկանության ծառայողների հետ միջադեպի առթիվ քննվող քրեական գործի շրջանակներում կալանավորվել է նաև Վահրամի հոր մորեղբոր որդին։
«Քեռուս որդին է, մեկ փայտի կտորով խփել է, տարել են նախնական կալանք տվել։ Մի 30-40 հոգով ջարդեցին այն աստիճանի, որ մարդիկ երազում էին թուրքերի ձեռքը գերի լինեին, քան՝ նրանց ձեռքն ընկնեին։ Ոստիկաններն էլ համ ծեծում էին, ասում է՝ թուրքը թուրք է, ուզում է՝ դուք լինեք, ուզում է՝ նրանք։ 44 օր տեսանք, թե ոստիկաններն ինչ կռիվ են տվել, մենք՝ ինչ կռիվ»,- նշեց նա՝ հավելելով, որ կալանավորված երրորդ անձը 44-օրյա պատերազմի մասնակից է։
Հարցին՝ արդյոք հանցագործության մասին հաղորդում է ներկայացվել՝ ոստիկանությունում բռնություն գործադրելու դեպքի առթիվ, Դանիելյանը հայտնեց, որ Դատախազություն դիմում է ներկայացրել՝ նշելով, որ քննությունը ճիշտ չի ընթացել, փաստաբան է վարձել՝ մինչև ՄԻԵԴ հասնելու համար։
«Սա այնպես չի մնալու, ինչքան էլ իրենք առաջ ընկնեն, հենց գիշերը գան, տանեն ջարդեն, իրենց ուզած ձևով սարքեն թղթերը»,- հայտնեց Դանիելյանը։
Նա նաև պատմեց, որ երեկ Լոռու մարզի ընդհանուր իրավասության դատարանի Վանաձորի նստավայրի մոտ էին, որտեղ քննվում էր ոստիկանների հետ միջադեպի գործով մեղադրյալների նկատմամբ կալանավորումը որպես խափանման միջոց ընտրելու հարցը՝ պահանջելով, որ վերջիններս չկալանավորվեն։
« Ասում էին՝ մի տարեք այդ մարդուն բերդ, ինչու եք տանում, նրանք ընդամենը եկել էին, որ երեխային հանենք։ Այնտեղ ոստիկանության Ալավերդու բաժնի ոստիկաններն էին, նայում էին մեզ՝ ծիծաղում, ինձ դրդում էին, որ գնամ մի հատ էլ խփեմ, որ ինձ էլ տանեն ձերբակալեն»,- ասաց մեր զրուցակիցը։
Հեղինակ՝ Իզաբել Սահակյան
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/20/2024 08:23 Արամ Սարգսյանի մտերիմին 1 բուլդոզերի համար 700 հազար դոլար են տվել․«Հրապարակ»
- 04/20/2024 08:18 Արցախի վերնախավը հավաքվել էր․ «Հրապարակ»
- 04/20/2024 08:13 Փաշինյանի հերթական նվերը՝ Ադրբեջանի․ «Հրապարակ»
- 04/20/2024 08:10 Տավուշում սահմանազատման և սահմանագծման գործընթացը բխում է նոյեմբերի 9-ի փաստաթղթից. «Ժողովուրդ»
- 04/20/2024 08:07 Վահագն Հովակիմյանն ու ՄԻՊ-ը կգնան ԱԺ․ «Հրապարակ»
- 04/20/2024 08:05 Մինչ Տավուշի հողերի հանձնման հարցն էր լուծվում , Փաշինյանը բեմականացում էր վայելում․«Հրապարակ»
- 04/20/2024 07:41 Կոռուպցիայի կանխարգելման հանձնաժողով հանձնված գրությունների մեծ մասը ՀՀԽ անդամների այլ վճարովի աշխատանքի անհամատեղելիության վերաբերյալ են. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
Մեկնաբանություն
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
- 04/20/2024 12:22 Վերջ չկա. Հաջորդ «կայարանը» Ազատամուտ և Կայան գյուղերն են, հետո՝ Տիգրանաշենը. Էդգար Էլբակյան
- 04/20/2024 11:49 Մի՜ հավատացեք բանսարկուներին. Հայաստանի գյուղերից, տարածքներից զիջելու մասին ցանկացած խոսակցություն լկտի սուտ է. ԱԺ փոխխոսնակ
- 04/20/2024 11:44 Ու բանակը հավի նման լքելո՞ւ է դիրքերը. քաղաքագետ
Արխիվ
Արտակարգ պատահարներ
- 04/20/2024 14:33 Արտակարգ դեպք՝ Երևանում. կինը տղային իր փոխանցելիս ընկել է հորը. shamshyan.com
- 04/20/2024 13:17 Անհետ կորած տղամարդու դին գտել են Ջրվեժի ձորում՝ նեխած ու հոշոտված. shamshyan.com
- 04/20/2024 11:03 Էրեբունիում 8-րդ դասարանցին պնևմատիկ ատրճանակից կրակել է 9-դ դասարանի երկու երեխաների վրա. shamshyan.com
- 04/20/2024 10:55 Երեկվա քամին ծառեր է շրջել, տանիքներ պոկել
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
- 04/19/2024 22:52 Ծնողները դստեր ննջասենյակում հայտնաբերել են մանկապիղծի թաքնված տեսախցիկը
- 04/18/2024 23:54 Սուրճի ևս մեկ օգտակար հատկություն է հայտնաբերվել
- 04/18/2024 23:38 Կինը բժշկի այցի շնորհիվ բացահայտել է ամուսնու դավաճանությունը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ