22-ամյա Մուշեղը պատերազմի ժամանակ 180-ից ավել «ասկոլկա» է ստացել, կորցրել մեկ աչքը, ամբողջովին վնասել դեմքի աջ կողմի ոսկորները, բայց այսօր պետության կողմից մատնվել է անտարբերության - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

05/20/2022 14:37 Կտրուկ զարգացումներ են սպասվում. մոտ է այն պահը, երբ Փաշինյանը կհեռանա զբաղեցրած պաշտոնից. Գառնիկ Դավթյան (տեսանյութ) 05/21/2022 21:30 «Դիմադրության» հանրահավաք-երթին մասնակցում է 40.000 մարդ. Հովհաննիսյան 05/20/2022 16:23 ԱԱԾ-ն հրաժարվում է վերացնել դատավոր Դավիթ Հարությունյանին գաղտնալսելու արդյունքում կատարված ձայնագրությունները, թեեւ դրանք անթույլատրելի են ճանաչվել 05/20/2022 19:50 Սա բնազդային վախ է. գիշերը դատարանի նախագահ Արթուր Մկրտչյանին բերման են ենթարկել դատարան, թուղթը տվել են ձեռքը, որ ապօրինի մակագրի. փաստաբանը մանրամասներ է ներկայացրել 05/21/2022 21:27 Իրավապահ համակարգի անգործություն, թե հովանավորչություն. «Դոգ»-ը շարունակում է թիրախավորել ու զրպարտել բարձր վարկանիշ ունեցող դատավորներին 05/20/2022 19:31 Նյարդերի պայքար է գնում. Փաշինյանը երկու քարի արանքում է. Կարեն Քոչարյան 05/20/2022 22:20 Օնիկ Գասպարյանը, Սեյրան Օհանյանը և այլ զինվորականներ պահանջում են քրգործ հարուցել գնդապետին ոտքերով հարվածած ոստիկանի դեմ 05/21/2022 22:33 «Դատարկ դագաղներն ու ծաղկեպսակները որևէ նորմալ, ավանդապաշտ և առողջ հասարակության մեջ չեն մոռացվելու, դրանք անպայման հիշեցնել են տալու իրենց. եկել է հենց այդ պահը». Ալեն Ղևոնդյան 05/20/2022 20:40 «Պատերազմի դաշտում միակ թշնամիս ես լինելու». ծայրահեղական Գորշ գայլերի հայտնի անդամը՝ դաշնակցականին 05/21/2022 19:01 Թշնամական ԱԹՍ-ը հետախուզական թռիչք է իրականացնում Արարատի մարզի ուղղությամբ 05/20/2022 13:56 Ինչպես ՀՀ-ում բերել ենք ժողովրդավարություն, այնպես էլ բերենք խաղաղություն.Նիկոլ Փաշինյան 05/21/2022 19:17 Հակառակորդի արձակած կրակոցից ժամկետային զինծառայող է վիրավորվել 05/20/2022 22:53 «Ազովստալի» տարածքն ամբողջությամբ ազատագրվել է 05/21/2022 22:19 Դատավոր Բորիս Բախշիյանի գործը փլուզվել է. Դատավորին ամիսներ շարունակ կալանքի տակ պահելուց հետո քննիչը մեղադրանքը փոխել է 05/20/2022 20:58 ՀՀ գլխավոր դատախազը միջնորդագիր է հղել ՀՀ ոստիկանապետին 05/21/2022 16:02 ՔՊ-ում վախ կա. Ժամանակը ի վնաս Փաշինյանի և իր թիմի է աշխատում. ներքաղաքական պայթյունն անխուսափելի է. Քաղաքագետ (տեսանյութ) 05/21/2022 21:24 Իգորը եթե մեկ հատ բռունցքով հարվածեր մեր ոստիկանից տառը կմնար․ սկսում են մեր Արսենի ցուցմունքների խմբագրումը` թե բա 5 չէր 2֊3 էր․Պողոսյան 05/21/2022 20:49 Ովքեր են հայտնվել Ֆրանսիայի հրապարակի «Ամոթի պատին». Անուն առ անուն (տեսանյութ) 05/21/2022 21:52 Մայիսի 22-ին երթ կամ հանրահավաք չի լինի. Իշխան Սաղաթելյանը ներկայացրեց վաղվա ծրագիրը (տեսանյութ) 05/21/2022 13:01 Համաշխարհային ամենախոշոր քաղաքական ընտանիքը դատապարտել է Հայաստանի իշխանությունների կողմից իրականացվող բռնությունները

22-ամյա Մուշեղը պատերազմի ժամանակ 180-ից ավել «ասկոլկա» է ստացել, կորցրել մեկ աչքը, ամբողջովին վնասել դեմքի աջ կողմի ոսկորները, բայց այսօր պետության կողմից մատնվել է անտարբերության 08/20/2021 18:58 | ԼՐԱՀՈՍ

22-ամյա Մուշեղ Կարապետյանը մեկն է այն հազարավոր տղաներից, որոնք պատերազմի հենց առաջին օրերին կամավորագրվեցին և մեկնեցին հայրենիքը պաշտպանելու։

Սեպտեմբերի 28-ին Մուշեղն արդեն Քարվաճառում էր, որտեղ մասնակցել է ռազմական գործողություններին, իսկ հոկտեմբերի 2-ին վիրավորվել՝ կորցնելով մեկ աչքը։ Մուշեղն առանց վարանելու, անգամ առանց մոր հետ խորհրդակցելու պետության համար օրհասական պահին կանգնեց առաջնագծում, իսկ այժմ ինչպես նա է նշում, նույն այդ պետությունն անուշադրության է մատնել իրեն և հազարավոր այլ տղաների, որոնք մարտի դաշտից տարբեր վնասվածքներով վերադարձան։

«Մարզերի վիրավորներին անտերության են մատնել։ Այնքան մարդիկ կան մարզերից, որոնց մասին անգամ չգիտեն, և ես 8 ամիս է, ինչ պայքարում եմ այդ անարդարությունների դեմ և ուզում, որ պատշաճ կերպով ուշադրություն դարձնեն պատերազմում վիրավորվածներին»,- «Փաստինֆո»-ի հետ զրույցում նշել է Մուշեղը։

Մուշեղը 3-րդ կարգի հաշմանդամություն է ստացել, սակայն մի քանի անգամ բողոքարկել է ՀՀ աշխատանքի և սոցիալական հարցերի նախարարության այս որոշման դեմ, քանի որ կարծում է՝ 2-րդ կարգի հաշմանդամություն պետք է ստանար։

«180-ից ավել ասկոլկա ունեմ, դեմքիս աջ կողմի ոսկորներն ամբողջովին կոտրված են, հոգեբանական խնդիր ունեմ, հոգեմետ դեղեր եմ օգտագործում։ Բողոքարկել եմ հաշմանդամությանս կարգը, բայց ասում են՝ պետք է վնասվածքը մեկը մյուսին բարդացնի, որ կարողանամ 2-րդ կարգ ստանալ»,-ասաց Մուշեղը։

Վերջինս ամսական 63 հազար դրամ թոշակ է ստանում, սակայն նշում է, որ դա չի բավականացնում և՛ իր դեղերին, և՛ այլ ծախսերին։ Նախքան պատերազմին մասնակցելը՝ Մուշեղն անվտանգության աշխատակից էր և կարողանում էր իր աշխատանքով հոգալ իր և թոշակառու մոր ծախսերը, սակայն վիրավորում ստանալուց հետո չի կարող աշխատել, հետևաբար ակնկալում է, որ գոնե թոշակի չափը կվերանայվի ու կբարձրացվի։

«ՊՆ-ի աշխատակիցն ինձ ասում է՝ 63 հազար դրամ թոշակ ես ստանում, չե՞ս հասցնում դեղերդ առնել։ Բացատրում եմ, որ մինչև պատերազմը մեր տան միակ աշխատողը ես էի։ Պատերազմի ժամանակ ամեն ինչ թողեցի ու կամավոր գնացի, իսկ հիմա երբ եկել է ժամանակը, որ իրենք պետք է ինչ-որ բան անեն, ասում են՝ 63 հազար դրամ թոշակ ենք տալիս։ Դրանով դեղերը գնե՞մ, հաց ուտե՞մ, թե՞ մյուս ծախսերն անեմ։ Մայրս էլ ինձնից հիվանդ է։ Ինքն ինձ է խնամում, ես նրան»,-նշեց Մուշեղը՝ հավելելով, որ ի սկզբանե իր թոշակը 25 հազար դրամ էր, սակայն հետևողական աշխատանքից և մի նախարարությունից մյուսը վազելուց հետո բարձրացրեցին։

Մուշեղը պատերազմից հետո բարերարների օգնությամբ Մոսկվայում պրոթեզավորվել է, սակայն 6 ամիս կամ տարին մեկ անգամ պետք է աչքի պրոթեզը փոխի։ Երբ այդ հարցով դիմել է նախարարություն՝ նոր պրոթեզ ստանալու համար, մոտ 1.5 ամիս սպասել է։

«1.5 ամիս սպասել եմ այդ պրոթեզին։ Հասկանու՞մ եք՝ առանց աչք լինելն ինչ է նշանակում, երբ ամեն անգամ արթնանալիս պատին ես հարվածում քեզ։ Այս խնդիրն ունեցողները մինչ օրս չեն կարողանում առանց թափելու ջուր լցնել բաժակի մեջ։ Միան այն բանից հետո, երբ զանգահարեցի աշխատանքի և սոցիալական հարցերի նախարարություն և կոպիտ խոսեցի նրանց հետ, հիշեցին, որ պրոթեզս պատրաստ է»,-նշեց Մուշեղը։

Վերջինիս համար խնդիր է նաև ամեն անգամ հիվանդանոց գնալ-գալը, քանի որ ապրում է Կոտայքի մարզի Հրազդան քաղաքում և Երևան գալն անցանկալի լրացուցիչ ծախս է նրա համար։

Մուշեղ Կարապետյանը նաև նկատում է՝ նոր որոշման մասին է խոսք գնում, որ ամսեկան 100 հազար դրամ օգնություն պետք է տրամադրեն պատերազմում վիրավորում ստացածներին, սակայն Մուշեղի խոսքով խնդիրն այն է, որ ծրագրի շահառու դառնալու համար հաշմանդամության կարգ ստանալուց հետո 22 օրից ավել պետք է հիվանդանոցում գտնված լինեն։

«Ամենայն պատասխանատվությամբ հայտարարում եմ, որ պետք է բոլոր վիրահատությունները տանես, հիվանդանոցից դուրս գրվես և նոր կարողանաս քո կարգի հարցերով զբաղվել։ Ստացվում է՝ 10 հազար վիրավորից ընդամենը 10-15 հոգի կարող է իր զինհաշմանդամության կարգը ստանալուց հետո հիվանդանոցում պառկած լինի և օգտվի այդ օգնությունից։ Մեզ անուշադրության են մատնել։ Այս վիճակով ո՛չ կարող ենք մեքենա վարել, ո՛չ պետական համակարգում աշխատանքի կընդունեն, ի՞նչ պետք է անենք»,-նշում է պատերազմի մասնակիցը։

Վերջինս կարևորում է նաև հոգեբանական աջակցությունը։ Անձամբ իր հետ պատերազմից հետո մի քանի օր հոգեբաններն աշխատել են, սակայն այժմ էլ նա հոգեբանի աջակցության կարիքն ունի, քանի որ պատերազմական սթրեսի հետևանքներն ամբողջությամբ վերացած չեն։