Փաստ ինֆո

«Լուսավոր Հայաստան» խմբակցության ղեկավար Էդմոն Մարուքյանը քվեարկեց Ծարավ Աղբյուր 55 Ա հասցեում գտնվող թիվ 1/20 ընտրատեղամասում: Նա ընտրություններին եկել էր իր որդու հետ:

Նա լրագրողների հետ զրույցում հայտարարեց, որ քվեարկում է՝ հանուն համերաշխության.

«Մենք ասել ենք, որ վաղը երկրում ներքաղաքական համերաշխությունն ու հաշտությունը վերականգնելու ժամանակն Է:Իհարկե, կարելի էր ավելի վաղ դա անել, բայց ընտրությունները մեզ համար շանս են այս իրավիճակում այդ քայլը կատարելու համար: Ես մեծ հույս ունեմ, որ համերաշխությունը այլընտրանք չի ունենալու մեր երկրում: Պետք է մեր փոքրիկ ճշմարտությունները մի կողմ դնենք՝ հանուն ավելի մեծ ճշմարտության և արժեքի, որը մեր պետությունն է»,-ասաց ԼՀԿ ղեկավարը:

Մարուքյանը վստահեցրեց, որ ընտրական գործընթացը հանգիստ է անցնելու, իսկ քաղաքացիները քվեարկելու են այնպես, որ հետընտրական բախումներ չլինեն.

«Չի լինելու որևէ ուժ, որ ասի՝ ես հաղթել եմ միայնակ, վերջում գալու ենք այն գաղափարին, որ պետք է բոլորս նստենք մեկ սեղանի շուրջ և ձևավորենք ազգային համաձայնության Կառավարություն: Միայն այս պարագայում է, որ որ այս վիճակից կարող ենք այս վիճակից դուրս գալու ելքը գտնել»,-ասաց Մարուքյանը:

Աղբյուր` Փաստինֆո