Փաստ ինֆո

«Խոսելով հունիսի 7 - ին սկսված նախընտրական քարոզարշավի մասին, ես կառանձնացնեի 2 հիմնական պահ, - «Փաստինֆո»- ի եթերում հայտարարել է քաղաքական մեկնաբան, «Հայաստան» դաշինքի պատգամավորության թեկնածու Հայկ Խալաթյանը: Առաջին պահը անմիջականորեն կապված է «Հայաստան» դաշինքի հետ, որը, ըստ սոցհարցումների, առաջին տեղն Է զբաղեցրել։ Ինչ վերաբերում է գործող իշխանություններին, ապա ըստ իրենց վարած հռետորաբանության, ատելության քարոզի, որը նրանք հնչեցնում են, քաղաքական հաշվեհարդարի խոստումների, ազատումների այն բանի համար, որ մարդիկ հրաժարվում են կատարել ապօրինի հրամաններ, ահաբեկումների, ակնհայտ է, որ շատերն այսօր ուժ են փնտրում, որը կկարողանա այդ իշխանությունը դուրս մղել և երկիրը դուրս բերել ճգնաժամից»։

«Հասկանալի է, որ մարդկանց մեծամասնության աչքերում հենց մենք ենք Փաշինյանի գլխավոր մրցակիցը, ընդդիմության հաղթանակի գլխավոր հավակնորդը, - շարունակում է զրուցակիցը: Դրա համար էլ մարդիկ մեզ աջակցում են՝ ի դեմս մեր դաշինքի՝ տեսնելով Հայաստանի փրկությունը փաշինյանական իշխանությունից։ Փաշինյանը մարդ է, ով 3 տարվա ընթացքում չի կատարել իր խոստումներից ոչ մեկը, նույնիսկ քաղաքականությունից դուրս։ Ես կարծում եմ, որ նա ռեսուրսներ չունի իր սպառնալիքները կատարելու համար, և հունիսի 21 - ին այն ահարկու քայլերին գնալու համար, որոնց մասին նա հիմա հայտարարում է՝ «քաղաքական վենդետա» և այլն։ Իսկ Փաշինյանի հիստերիկ, ոչ ադեկվատ պահվածքը, որն անհարիր է երկրի ղեկավարին, ևս մեկ անգամ ցույց է տալիս, որ այդ իշխանությունը հոգեվարքի մեջ է։ Նա փորձում է փոխել իրավիճակը, թեև հասկանում է, որ օրեցօր իր վիճակն ավելի ու ավելի վատ է դառնում, իսկ նման քայլերն էլ ավելի ակնառու են ցույց տալիս նրա թուլությունն ու անզորությունը։

Փաշինյանը բազմաթիվ խախտումներ է թույլ տվել, որոնցից յուրաքանչյուրի համար նրան վաղուց պետք էր պատասխանատվության ենթարկել։ Սկսած նրանից, որ նա ապօրինաբար զբաղեցնում է վարչապետի պաշտոնն ու բանակցում է մեր ժողովրդի ու երկրի համար ճակատագրական հարցերի շուրջ։ Այդ մարդու համար բոլոր միջոցները լավ են հաղթանակի հասնելու համար, նա արդեն ոչնչով չի կարող զարմացնել մեզ»։

«Գլխավոր դատախազը հանդես է գալիս Հանրային հեռուստատեսությամբ, կոչ է անում բոլոր քաղաքական ուժերին զերծ մնալ խախտումներից, ագրեսիվ հայտարարություններից եւ այլն: Սակայն քաղաքական ուժերի տակ նա չգիտես ինչու հասկանում է միայն ընդդիմությունը: Հարց գլխավոր դատախազին. իսկ դու չե՞ս լսել ՀՀ վարչապետի բազմաթիվ ագրեսիվ հայտարարությունները, սպառնալիքները, վիրավորանքները և այլն։ Դու չե՞ս ուզում միջոցներ ձեռնարկել, թե՞ բոլորը հավասար են օրենքի առաջ, բայց Փաշինյանն ու իր թիմակիցներն ավելի հավասար են։

Եթե ընտրություններն ազնիվ լինեն, ապա Փաշինյանի պարտությունն անխուսափելի է։ Բայց վարչապետի պաշտոնակատարը, կրկնում եմ, կարող է գնալ ցանկացած քայլի, և ես վստահ եմ, որ առանց թվեր նկարելու նա չի կարող հաղթել։ Ուստի ընտրությունների առաջին փուլի արդյունքների մասին խոսելը վաղաժամ է, եկեք սպասենք։ Առավել եւս, որ մնացել է ընդամենը մի քանի օր սպասել», - հայտարարել է «Հայաստան» դաշինքի պատգամավորի թեկնածուն։

Հարցազրույցը վարեց Լանա Մշեցյանը

Աղբյուր` Փաստինֆո