Փաստ ինֆո

«Տուրիզմը Դիլիջանում լավ տնավորվել է, մի քիչ հասել է Իջևան և ճանապարհի կեսին մնացել»,-Այս մասին այսօր Բերդի բնակիչների հետ հանդիպմանը ասաց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը:

ՀՀ երկրորդ նախագահը հայտնեց, որ Բերդում քիչ բան է փոխվել, ճանապարհը նույնն է՝ ինչպես 2003-2004 թվականներին։

Ռոբերտ Քոչարյանը նշեց՝ միջին չափի ներդրումներով հնարավոր է մեծ փոփոխություններ անել։

ՀՀ երկրորդ նախագահը նշեց՝ Իշխանությունները ի վիճակի են նույնիսկ ամենալավ ծրագրերը ձախողել, հակված են ինչ-որ բան քանդելու, քան՝ կառուցելու: Կարող են միայն խոսել, բայց ոչ գործել։

Այսօրվա կառավարությունը երեք տարի զբաղված էր դատարկ խոսակցությամբ։

«Բանակի և եկեղեցու վրա միաժամանակ սկսեց հարձակումը: Իրականում ասել են թռիչքաձև աճ, ունեք թռիչքաձև անկում, գործազրկության, արտագաղթի թռիչքային աճ»,-ասաց նա ու հավելեց, որ խորը ճգնաժամ է ամեն ոլորտում, ավելացավ ատելության մթնոլորտը, մեծացավ ներքաղաքական լարվածությունը։

Անդրադառնալով քաղաքականության վերադառնալու որոշմանը, Ռոբերտ Քոչարյանը նշեց՝ ծանր էր հայտը ներկայացնել և փորձել վերադառնալ երկրի բարձրագույն պաշտոնին, որովհետև վատ վիճակում է ամեն ինչ․

«Մտածում ես՝ բա որ հանկարծ չստացվի և եթե քո անցյալը, քո կենսագրությունը հաջողված է, երկու անգամ բեռի տակ մտել եմ և պատվով դուրս եմ եկել, հիմա ինձ դնում եմ երրորդ անգամ բավական ռիսկի տակ: Պատրաստ եմ դա անել և համոզմունք ունեմ՝ ի վիճակի եմ դա անել»,- ասաց նա, հավելելով, որ մարդկանց կյանքի որակը շեշտա փոխվելու է, ուտսի եթե մարդիկ ուզում են ապրել՝ պետք է քվեարկել իրենց օգտին, չենթարկվել ճնշումներին:

«Սրանց օրերը հաշված են: Ինչքան մոտիկ ընկեր ունեմ, ասում են՝ ինչիդ է պետք, անկեղծ ասեմ, միշտ այդ բանը ինձ մոտ կար, ասում էի՝ եթե ոչ ես, ապա՝ ո՞վ, նման հարց ես ինձ տվել եմ 1992 թվականին, 1997 թվականին և նման հարց ինձ տալիս եմ հիմա: Ոնց որ ճակատիս գրած լինեն, մի տեղ մի բան փչացնեն, վատացնեն, հետո պետք է գաս կապիտալ ռեմոնտ անես, մի բան էլ ավելի»,-ասաց նա:

Պատասխանելով բնակիչներից մեկին, ով հայտնեց, թե Ռոբերտ Քոչարյանի խոսքը հավասարազոր է երդման, ՀՀ երկրորդ նախագահը հայտնեց՝ «Ի դեպ, դա իմ պրոբլեմն է, բան ես ասում, հետո ասում ես, ձև չկա չանելու»։

Քաղաքացիներից մեկը հետաքրքրվեց՝ իշխանություններն ասում են, թե վերակառուցելու են նոր՝ Բերդ-Իծաքար-Գանձաքար ճանապարհը։ Քաղաքացիները անահանգստացած են, որովհետև դա կապում են սահմանազատման հետ և կարծում են՝ ձմռանը կարող են շրջափակման մեջ հայտնվել։ ՀՀ երկրորդ նախագահից խնդրեցին ներկայացնել՝ թե ինչպես է տեսնում իրենց ապահով երթևեկությունը։

Ռոբերտ Քոչարյանը նշեց՝ ճանապարհները միայն անվտանգության համար չեն կառուցվում, դրանք պետք է դիտարկել որպես զարգացում ապահովող համակարգ։

Ռոբերտ Քոչարյանը հիշեցրեց, որ Ոսկեպար գյուղում վտանգավոր հատված եղել է ժամանակին, շրջանցող ճանապարհը միանգամից կառուցել են, որը մինչև օրս նորմալ վիճակում է։

«Բոլոր դեպքերում ճանապարհը լինելու է անվտանգ»,- ասաց Ռոբերտ Քոչարյանը։

Աղբյուր` Փաստինֆո