Փաստ ինֆո

Առանց ուժեղ տնտեսության՝ չկա ուժեղ բանակ, ուժեղ գիտություն, առողջապահություն, սոցիալական ապահովություն. այս մասին «Փաստինֆո»-ի հետ զրույցում հայտնեց «Հանրապետություն» կուսացության նախագահ Արամ Սարգսյանը։ 

Կուսակցությունը որդեգրել է «աշխատատեղ և անվտանգություն» կարգախոսը, որոնք փոխկապակցված են։

Սարգսյանն առաջարկում է հույսը դնել ունեցած մարդկային և բնական ռեսուրսների վրա, շահագործել ունեցած բոլոր հանքային ռեսուրսները, կառավարել ջրային ռեսուրսներն ու եկամուտներն ուղղել բանակին, կրթությանը և գիտությանը։

«Սպառազինել մեր բանակին այնպես, որ կարողանա մի քանի տարի հետո իսկ շատ լուրջ հակահարված տալ թշնամուն, որ թշնամին մեր սահմանները խախտելուց առաջ փորձի մտածել»։

Սարգսյանը հավելեց, որ հակված են լրացուցիչ անվտանգության երաշխիքներ ներգրավվել՝ դիմելով միջազգային հանրությանը, ՄԱԿ-ին, ԵԱՀԿ ՄԽ եռանախագահող երկրներին՝ իրենց մասնակցությունը ունենալու խնդրում, որովհետև համոզված են, որ եռակողմ համաձայնագիրը բխում է Ադրբեջանի շահերից։

«Փաստաթուղթը ստորագրելուց անցել է վեց ամիս և վիճակը ոչ միայն չի կայունացել, այլ օր օրի մեր համար ավելի վատ հանգամանքներ են ի հայտ գալիս և այս տեմպը շարունակվելու դեպքում՝ եթե որևէ փոփոխություններ չլինեն, մենք անընդհատ կորցնելու ենք։ Դրա համար արտաքին քաղաքական նոր խաղացողների ներգրավվում է պետք»,- եզրափակեց Սարգսյանը։

Աղբյուր` Փաստինֆո