ԲՈԼՈՐ ՆՅՈՒԹԵՐԸ
«Կարևորում ենք ԵԱՏՄ գազի ընդհանուր շուկայի ձևավորումը». Նիկոլ Փաշինյան 05/21/2021 16:14 | ԼՐԱՀՈՍ
Վարչապետի պաշտոնակատար Նիկոլ Փաշինյանն այսօր մասնակցել է Եվրասիական տնտեսական բարձրագույն խորհրդի հերթական նիստին, որն անցկացվել է տեսակոնֆերանսի ձևաչափով:
Նիստին մասնակցել են նաև Ռուսաստանի Դաշնության նախագահ Վլադիմիր Պուտինը, Բելառուսի նախագահ Ալեքսանդր Լուկաշենկոն, Ղազախստանի նախագահ Կասիմ-Ժոմարտ Տոկաևը, Ղրղզստանի նախագահ Սադիր Ժապարովը, ԵԱՏՄ-ում որպես դիտորդ Ուզբեկստանի Հանրապետության նախագահ Շավքաթ Միրզիյոևը և Կուբայի Հանրապետության նախագահ Միգել Մարիո Դիաս-Կանել Բերմուդեսը, ինչպես նաև Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչը և Եվրասիական տնտեսական բարձրագույն խորհրդի պատվավոր նախագահ Նուրսուլթան Նազարբաևը:
Նիկոլ Փաշինյանն իր ելույթում, մասնավորապես, նշել է.
«Պետությունների հարգելի ղեկավարներ,
Նիստի հարգելի մասնակիցներ,
ուրախ եմ ողջունել ձեզ Եվրասիական տնտեսական բարձրագույն խորհրդի՝ այս տարվա առաջին նիստում, և ցանկանում եմ մաղթել բոլորիս բովանդակալից և արգասաբեր աշխատանք:
Ուրախ եմ մեր նիստին ողջունել Եվրասիական տնտեսական բարձրագույն խորհրդի պատվավոր նախագահ Նուրսուլթան Աբիշի Նազարբաևին:
Ցանկանում եմ նաև անկեղծորեն ողջունել Եվրասիական միության դիտորդ պետությունների ղեկավարներին՝ Ուզբեկստանի Հանրապետության նախագահ Շավքաթ Միրոմոնի Միրզիյոևին և Կուբայի Հանրապետության նախագահ Միգել Մարիո Դիաս-Կանել Բերմուդեսին:
Նիստի հարգելի մասնակիցներ,
այսօրվա հանդիպման օրակարգի շրջանակում կցանկանայի անդրադառնալ որոշ հարցերի, որոնք, մեր տեսանկյունից, կարևոր նշանակություն ունեն ինտեգրացիոն գործընթացների զարգացման համար:
Մենք մեծապես կարևորում ենք Միության համար գազի ընդհանուր շուկայի ձևավորումը: Անհրաժեշտ ենք համարում, որպեսզի միջազգային պայմանագրի շրջանակում համաձայնեցվեն ոչ միայն Միության ընդհանուր գազի շուկայում գնագոյացման և սակագների ձևավորման մոտեցումները, այլև սահմանվեն երրորդ երկրներից, ներքին սպառման համար, գազի փոխադրման սակագները՝ թափանցիկության և ոչ խտրական մոտեցման հիման վրա:
Կարևոր է շարունակել աշխատանքը փոխադարձ առևտրում խոչընդոտներն ու սահմանափակումները հայտնաբերելու և վերացնելու ուղղությամբ: Այս աշխատանքը, առանց չափազանցության, իրականացվում է մեր Միության գոյության ողջ ընթացքում: Չնայած ապրանքների և ծառայությունների լիարժեք միասնական շուկա ստեղծման ճանապարհին դիրքորոշումներում առկա տարբերություններին և որոշ օբյեկտիվ դժվարություններին՝ մենք շարունակում ենք կառուցողական լուծումներ որոնել, որոնք արտացոլված են զեկույցում:
Ժամանակի պահանջներին և մարտահրավերներին հարմարվելու գործիք ենք համարում Միության անդամ երկրների 2021-2022թթ․ մակրոտնտեսական քաղաքականության հիմնական ուղենիշերի հետևողական իրականացումը:
Մեր երկրների տնտեսությունների վերականգնման տեմպերը մեծապես որոշվելու են սույն փաստաթղթում ամրագրված հիմնական դրույթների իրագործման արդյունավետությամբ, ներառյալ ձեռնարկատիրական ակտիվության վերականգնման և Միության ներքին շուկայի հնարավորությունների ընդլայնման համար նպաստավոր պայմանների ձևավորումը: Կարծում եմ՝ այս տեսակետը կիսում են նաև մեր մյուս գործընկերները:
Համաձայնեցված արտաքին առևտրային քաղաքականություն վարելու համար միասնական մոտեցումների ձևավորումը, որը կհամապատասխանի յուրաքանչյուր անդամ պետության և ողջ Միության շահերին, եվրասիական տնտեսական ինտեգրման ապահովման առանցքային բաղադրիչն է:
Այսօր վստահորեն կարող ենք ասել, որ ԵԱՏՄ-ի և երրորդ երկրների միջև ազատ առևտրի և առևտրատնտեսական համագործակցության մասին համաձայնագրերը ցույց են տվել իրենց պահանջված լինելը:
Այս տեսանկյունից հերթական անգամ վերահաստատում ենք մեր պատրաստակամությունը` շարունակելու եվրասիական տնտեսական ինտեգրման գաղափարի հանրահռչակման և դրա միջազգային հեղինակության բարձրացման ուղղությամբ համատեղ ծրագրերի և նպատակաուղղված ու հետևողական աշխատանքի իրականացումը:
Կարևոր ենք համարում Միության և նրա անդամների շահերը միջազգային առևտրում երաշխավորող իրավական դաշտի ստեղծման ուղղությամբ աշխատանքի շարունակումը:
Հայաստանը վերահաստատում է իր հանձնառությունը առողջապահության ոլորտում Միության անդամ պետությունների միջև համագործակցության հետագա խորացմանը` ուղղված բնակչության առողջության բարելավմանը, հիվանդությունների կանխարգելման և դրանց դեմ պայքարի գործում փոխգործակցության և կոլեկտիվ ռազմավարական գործընկերության ամրապնդմանը, ինչպես նաև միջազգային ասպարեզում Միության անդամ պետությունների ընդհանուր շահերի պաշտպանությանը:
Այս համատեքստում կցանկանայի նշել Միության անդամ պետությունների՝ ռազմավարական կարևոր նշանակության դեղամիջոցներով և բժշկական կիրառման դեղագործական նյութերով ապահովվածության մակարդակի բարձրացմանը միտված գործողությունների ծրագրի մշակման կարևորությունը, որոնց արտադրությունը պետք է ապահովվի Միությունում:
Վստահ եմ, որ մեր երկրների հետագա համատեղ և համաձայնեցված գործողությունները՝ առողջապահության և դեղագործական արտադրության բնագավառում համագործակցության զարգացման ուղղությամբ, դրական արդյունքներ կունենան:
Կարծում եմ, որ այսօր, առավել քան երբևէ, անհրաժեշտ է մշակել ինտեգրացիոն նախագծերի ֆինանսավորման մեխանիզմներ՝ այդ խնդիրներում ավելի ակտիվ ներգրավելով պետական ռեսուրսները և ԵԱՏՄ զարգացման վերազգային ինստիտուտները, այդ թվում՝ Մասնագիտացված ներդրումային ֆոնդերի ստեղծման միջոցով:
Բացի այդ, կարծում եմ, բոլորը կհամաձայնեն, որ մարդկային կապիտալի ամրապնդումը և տեխնոլոգիական զարգացումը մեր տնտեսությունների կայուն տնտեսական աճի առանցքային գործոններից են: Այս առումով անվիճելի է Միությունում մարդկային կապիտալի կուտակման կարևորությունը՝ ավելի հուսալի նորարարական էկոհամակարգ ստեղծելու նպատակով, այդ թվում կրթության և գիտանորարարական գործունեության մեջ ինտեգրման գործընթացների խորացման հաշվին:
Հաշվի առնելով, որ ներկայում Եվրասիական տնտեսական հանձնաժողովի՝ կրթության ոլորտում կարգավորիչ գործիքները սահմանափակ են, առաջարկում եմ ուսումնասիրել ԵԱՏՄ արդյունաբերության և ագրոարդյունաբերական համալիրի ոլորտում ակադեմիական մոբիլության հարթակի ստեղծման հարցը:
Ելույթումս կցանկանայի անդրադառնալ նաև Հայաստանի համար առաջնահերթ նշանակություն ունեցող՝ Միության թվային օրակարգի թեմային: Այս կապակցությամբ կցանկանայի նշել այս տարվա հուլիսի 1-ից արդյունաբերական շահագործման մեջ դրվող ԵԱՏՄ առաջին համատեղ թվային նախագիծը՝ «Աշխատանք առանց սահմանների» միասնականացված որոնողական համակարգը»: Այս նախագծի շնորհիվ Միության քաղաքացիների համար կստեղծվեն աշխատանքի նոր հնարավորություններ՝ ինչպես իրենց տարածքում, այնպես էլ «հնգյակի» երկրների տարածքում: Գործատուների համար կմեծանա աշխատակազմի որոնողական հարթակների ցանկը: Իսկ անդամ երկրների համար կներդրվեն Միության աշխատաշուկայի զարգացման ժամանակակից և արդյունավետ թվային գործիքներ:
Հարգելի գործընկերներ,
Ամփոփելով թույլ տվեք շնորհակալություն հայտնել ձեզ կատարված աշխատանքի համար: Համավարակի հետևանքով առաջացած ցնցումներից հետո տնտեսությունների վերականգնման դինամիկան և տևողությունը մեծապես կախված են լինելու համագործակցության՝ նոր պայմաններին համապատասխան մեխանիզմների և գործիքների մշակման գործընթացում սերտ փոխգործակցելու պատրաստակամությունից:
Վստահ եմ, որ ԵԱՏՄ հարթակում հավասար և փոխշահավետ երկխոսության, համաձայնեցված և համակարգված գործողությունների արդյունքը երկար սպասեցնել չի տա:
Շնորհակալություն ուշադրության համար»:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/19/2024 08:26 Ինչպես են այս տարի նշելու Քաղաքացու օրը․ «Հրապարակ»
- 04/19/2024 08:18 Ինչո՞ւ ուղղաթիռով․ «Հրապարակ»
- 04/19/2024 08:15 Հայաստանում դպրոցներ են փակվում. Փաշինյանը խաբել է մաս 202. «Ժողովուրդ»
- 04/19/2024 08:13 ՊԵԿ նախկին փոխնախագահը հրավիրվել է դատախազություն․ «Հրապարակ»
- 04/19/2024 08:10 Մասնակցե՞լ, թե՞ չմասնակցել «պառադին»․ «Հրապարակ»
- 04/19/2024 08:02 Ի՞նչ է փոխվել․ ինչո՞ւ Փաշինյանը հետողորմյա արեց․«Հրապարակ»
- 04/19/2024 07:55 Հիվանդանոցներում պետպատվերով բուժումները կասեցվել են. քաոս. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
Մեկնաբանություն
- 04/19/2024 13:36 Խոշտանգման հետևանքները՝ Շենգավիթի քննչական բաժնում․ փաստաբանն ահազանգում է
- 04/18/2024 16:43 Ֆրանկ Փելոնն ԱՄՆ-ին կոչ է արել ռազմական օգնություն ցուցաբերել Հայաստանին
- 04/18/2024 15:26 Ալիևը ասել է քայլերի հաջորդականությունը՝ սկզբում կպահանջեն ոչ անկլավային տարածքները, հետո անկլավայինը, հետո ճանապարհներ կուզեն դեպի անկլավներ. սա ՀՀ օկուպացիայի ու խեղդելու ծրագիր է.Հայրապետյան
- 04/18/2024 11:52 Վաղը Սամվել Վարդանյանին հրավիրում են հարցաքննության․խոշտանգման գործով սայլը տեղից շարժվում է․ փաստաբան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/18/2024 23:54 Սուրճի ևս մեկ օգտակար հատկություն է հայտնաբերվել
- 04/18/2024 23:38 Կինը բժշկի այցի շնորհիվ բացահայտել է ամուսնու դավաճանությունը
- 04/18/2024 17:08 Քանյե Ուեսթը կասկածվում է տղամարդու վրա հարձակվելու մեջ
- 04/17/2024 23:53 Թվարկել են 40 տարեկանից հետո մաշկի խնամքի հետ կապված տարածված սխալները
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ