Փաստ ինֆո

Մենք անկախ պատգամավորներով դիմել ենք խմբակցոիթյուններին, որպեսզի դիմեն ԱԺ նախագահին և ստեղծվի էթիկայի հանձնաժողով, որը կքննի «Իմ քայլը» խմբակցության պատգամավոր Հրաչյա Հակոբյանի հայտարարությունը սյունեցիների վերաբերյալ։ Այս մասին լրագրողների հետ ճեպազրույցի ժամանակ ասաց անկախ պատգամավոր Աննա Գրիգորյանը:

Նա հայտարարեց, որ Հակոբյանը խախտում է մի շարք օրենքներ և դա որևէ արձագանքի չի արժանացել։ 

«Երբ «Բարգավաճ Հայաստան» խմբակցության ներկայացուցիչը անհարգալից էր խոսել ժողովրդի մասին, նրա նկատմամբ էթիկայի հանձնաժողով ստեղծվեց և այդ հարցը քննվեց: Ինչու՞ հիմա նույնը չի արվում: Ես ուզում եմ, որ շատ հստակ գնահատականներ տրվեն: Դա բացառապես անհարգալից վերաբերմունք է Սյունիքի և սյունեցիների հասցեին: Այսօր ասում են, որ սյունեցին չի կարող լինել այսպիսին և պետք է լինի այսպիսին: Այսի՞նքն, ձեզ համար կան նախընտրելի և ոչ նախընտրելի սյունեցիներ: Այդ ինչ տարաջատում է, կախված նրանից, թե մարդը ինչ քաղաքական մոտեցումներ ունի: Առաջ կար սևերի և սպիտակների բաժանումը, իսկ հիմա տարանջատում են սյունեցիներին»,-ասաց Գրիգորյանը:

Պատգամավորի խոսքով, մենք նոր դիրքեր չենք զիջել: «Սոսիների պուրակում հայտնվել էր Ալիևը: Նա դեկտեմբերի 18-ից հետո զիջված տարածքներում էր: Սակայն պատգամավորը նկատեց, որ այցելությունից հետո վարչապետի կողմից գեթ մեկ հայտարարություն Սյունիքի անվտանգության վերաբերյալ չի հնչել:

«Խորհրդատվություն էր, նա փորձում էր խոսել միջանցքի մասին, սակայն բուն անվտանգության մասին Փաշինյանը խոսք անգամ չասաց», - շեշտեց Գրիգորյանը:

Պատգամավորը նաև հիշեցրեց, որ վարչապետը գիշերով է մտել բնակիչներից մեկի տուն և սա հոգեբանական ազդեցություն է ունեցել մարդկանց վրա:

«Պատկերացնում եք ինչ ազդեցություն է սա թողել մարդու վրա, երբ իրեն թշնամուց բաժանում է մեկ ճանապարհ, նա տեսել է պատերազմի արդյունքները: Իսկ հետո գիշերով մի շարք մարդիկ՝ երկրի ղեկավարներ են հայտնվում իր տանը»,- նկատեց Գրիգորյանը:

Աղբյուր` Փաստինֆո