Փաստ ինֆո

Ինչ վերաբերում է երջանիկ հարաբերություններին՝ ավելի ու ավելի հաճախ ես լսում նույն պատմությունը. «Ես հանդիպեցի նրան այն ժամանակ, երբ ոչ ոքի չէի փնտրում»։

Կամ. «Ինձ այնքան էին հոգնեցրել հարաբերությունները, որ ես չէի ուզում հանդիպել որևէ մեկի հետ, և այդ ժամանակ հանկարծ հանդիպեցի նրան»:

Իսկապես.

Այդ երջանիկ զույգերը անսպասելիորեն գտել են միմյանց՝ ծանոթանալով ինչ-որ մեկի հարսանիքին, հանդիպելով սրճարանում կամ մթերքներ գնելիս։

Կարծես սերը պարզապես երկնքից ընկել է նրանց վրա, եւ այն ամենն, ինչ նրանք ասում են. «Կարծում եմ, պարզապես բախտս բերել է»:

Բայց արդյոք նրանց բախտն ուղղակի ժպտացել է, թե դրա մեջ ինչ-որ գաղտնիք կա։

Ահա մի քանի պատճառ, թե ինչու են մարդիկ հաճախ հանդիպում իրենց կյանքի սերը, երբ չեն փնտրում այն:

1. Նրանք պահում են իրենց բնական

Երբ մարդիկ դադարում են զույգ փնտրել, նրանք այլեւս չեն ջանում ունենալ որոշակի տեսք եւ իրենց այնպես պահել, որպեսզի դուր գան։ Նրանք պարզապես իրական են, իրենց բնական են պահում եւ կարող են լինել այնպիսին, ինչպիսին որ կան:

Եվ երբ նրանք հանդիպում են նոր մարդկանց, նրանք պարզապես վայելում են իրենք իրենց եւ կյանքը, այլ ոչ թե փորձում են դուր գալ: Դա օգնում է նրանց ցույց տալ իրենց այնպիսին, ինչպիսին նրանք կան, ինչը նշանակում է, որ նրանք գրավում են նրանց, ովքեր հարմար են իրանց, ինչը մեծացնում է «իրենց մարդուն» գտնելու հնարավորությունները:

2. Նրանք լարված չեն

Երբ մարդն այնպիսին է, ինչպիսին կա, նա հանգիստ է եւ ինքնավստահ, եւ դա նրան գրավիչ է դարձնում։

Փոխարենը անհանգստանալու, թե արդյոք նա դուր կգա, թե արդյոք հարաբերությունները կստացվեն, նա չի մտածում դրա մասին եւ բնական կերպովով ձգվում է դեպի նրանց, ում հետ հարմարավետ է զգում իրեն: Նա չի անհանգստանում, երբ ինչ — որ մեկն իրեն չի պահում այնպես, ինչպես նա ցանկանում է կամ ակնկալում է, նա պարզապես անցնում է մյուսին: Հարաբերությունները ստեղծվում են ոչ թե պարտադրաբար, այլ միայն այն ժամանակ, երբ իսկապես կապ կա։

3. Նրանք չեն շտապում

Վատ չէ հարաբերություններ կառուցելու նպատակ ունենալը, բայց վատ է ժամկետներ սահմանելը:

Նպատակ ունեցող մարդը մտածում է.«Ես ուզում եմ որակյալ հարաբերություններ գտնել այն մարդու հետ, ով կիսում է իմ արժեքներն ու հայացքները կյանքի հետ կապված, եւ ես կանգ չեմ առնի, մինչեւ գտնեմ նրան»:

Ժամկետներ սահմանած մարդը մտածում է. «Ես պետք է հարաբերությունների մեջ լինեմ հենց հիմա եւ երկու տարի հետո պետք է հարսանիք լինի, իսկ երեք տարի անց՝ երեխաներ։ Կարեւոր չէ, թե ինչ է ուզում իմ զուգընկերը, ինձ համար կարեւոր է հասցնել»:

4. Նրանք գլխավոր և միակ կիզակետը կյանքում չեն դարձնում ռոմանտիկ հարաբերությունները

Մարդիկ, ովքեր հավատում են, որ հարաբերությունները կլուծեն իրենց բոլոր խնդիրները, բախվում են սիրո ամենալուրջ խնդիրներին: Քանի որ նրանք կենտրոնացած են սիրո վրա եւ չեն նկատում տագնապալի նշաններ:

Իսկ նա, ով վարում է հավասարակշռված կյանք և հարաբերությունները՝ շատ առաջնահերթություններից մեկն է լոկ, ավելի հաջողակ է։ Նրանց երջանկությունը կախված չէ միայն հարաբերություններից, եւ դա նվազեցնում է ճնշումը:

5. Նրանք բաց են՝ տարբեր մարդկանց հետ շփվելու համար

Երբ մարդը փնտրում է հարաբերություններ, նա ուշադրություն է դարձնում միայն ընտրված տեսակի մարդկանց վրա: Իսկ երբ մարդը սեր չի փնտրում, նա շփվում է բոլորի հետ, ինչը նշանակում է, որ նա կարող է հանդիպել իր սերը, նույնիսկ նրանց մեջ, ում մասին նախկինում չէր էլ մտածի:

6. Նրանք ընտրում են երջանկությունը

Երբ մարդն այլևս չի ցանկանում հարաբերություններ փնտրել, ուրեմն հոգնել է վատ հարաբերություններից։ Նա սովորել է գնահատել իրեն և իր բարեկեցությունն ու երջանկությունը։ Նա այլեւս չի ցանկանում հանդուրժել վատ վերաբերմունքը՝ զուտ միայնակ չլինելու համար:

Արդյունքում նա հանդիպում է մարդկանց, ովքեր նույնպես հարգում են ուրիշներին և հարաբերությունները։

Աղբյուր` Փաստինֆո