Փաստ ինֆո

Այն քսենոֆոբիան, որը ձևավորվել է հայերի նկատմամբ, եղել է տարիներ շարունակ, հետևողական, տարբեր օղակներում և թիրախում եղել է հայ ժողովուրդը: Այս մասին ԱԺ նիստի մեկնարկին ասաց իմքայլական պատգամավոր Նազելի Բաղդասարյանը՝ անդրադառնալով Բաքվում նախօրեին բացված ռազմավարների պուրակին, որտեղ ցուցադրված էին պատերազմի ընթացքում զոհված հայ զինվորների մարմինները և խոցված զրահատեխնիկան:

«Սա ապտակ է ոչ միայն մարդկությանը, այլ նաև համամարդկային արժեքներին, որովհետև հայատյատության այն բարձր մակարդակը, որը Ադրբեջանի քաղաքականության անբաժանելի մաս է կազմում, ի ցույց դրվեց ամբողջ աշխարհին»,-ասաց Բաղդասարյանը:

Պատգամավորը նաև նշեց, որ արդեն իսկ միջազգային կառույցներին տեղեկացրել են միջադեպի մասին.
«Տարիներ շարունակ տարվող այս քաղաքականությունը հասել է ամենաբարձր մակարդակին, սա նվաստացում է, անարգանք է մեր զոհերի նկատմամբ, անարգանք է անհետ կորած և գերեվարված զինվորների նկատմամբ: Այն քսենոֆոբիան, որը ձևավորվում է հայերի նկատմամբ, եղել է տարիներ շարունակ, հետևողական, տարբեր օղակներում և թիրախում եղել է հայ ժողովուրդը: Այս հարցում չպետք է լինեն քաղաքական մոտեցումներ,մենք բոլորս պետք է բռունցք դառնանք և ցույց տանք աշխարհին, որ հայ մարդու արժանապատվությունը բարձր է ամեն ինչից»,-ասաց Նազելի Բաղդասարյանը:

Աղբյուր` Փաստինֆո