Փաստ ինֆո

Էյնշտեյնը մի անգամ ասել է, որ անվերջության մասին պատկերացումը կարող է տալ միայն մարդկային հիմարությունը: Այսօրվա Հայաստանում անվերջության մասին խոսելիս պետք է խոսել կեղծավորության մասին։ Մարդիկ, ովքեր 13 տարի շարունակ պարում էին մարտի 1-ի զոհերի ոսկորների վրա, թաքցնում էին ապրիլյան պատերազմի հանգամանքները հետաքննող խորհրդարանական հանձնաժողովի հետաքննությունը, այսօր երեսպաշտ բարեպաշտությամբ դատապարտում են սգո տարվա հրավառությունը։ Այս մասին Սուրբ Աթոռում ՀՀ նախկին դեսպան Միքայել Մինասյանը գրում է Տելեգրամ ալիքում:

«Սրանք այն մարդիկ են, ովքեր խայտառակ կապիտուլյացիայից հետո 5 ամսվա ընթացքում թաքցնում են զոհվածների, անհայտ կորածների եւ գերիների թիվը։ Սրանք երկու վարժեցված խորհրդարանական ընդդիմադիր խմբակցություններ են, որոնք չեն պնդում պատերազմի բոլոր հանգամանքների հետաքննության վրա։ Սա Նիկոլի սպավորներն են՝ գրանտակերների թվից, ովքեր մոռացել են թափանցիկության, ճշմարտության և քաղաքացիական հասարակության մասին մանտրաները։ Սրանք մարդիկ են, ովքեր վաճառել են իրենց ազգային հիշողությունը Նիկոլին՝ հույս ունենալով քաղաքական մանր գեշեֆտ անել։

Նիկոլի սանձազերծած պատերազմի արդյունքում 5000 ճակատագիր ընդհատվեց։ 5000 ընտանիք վշտի մեջ՝ իշխանական ստի արդյունքում։ 5000 հայրենասերներ մոռացվելու են հանուն նրա, որ Նիկոլը արժանի պատիժ չկրի։ Դրա համար միայն մեկ բան է հարկավոր՝ որպեսզի 3 մլն մարդ չբողոքեն կեղծավորության դեմ։

Ես չեմ պատրաստվում խոսել ուրիշների անունից, բայց անձամբ ինձ համար 2020-ի պատերազմի հանգամանքների հետաքննությունը եւ մեղավորների պատիժը՝ մնացած կյանքիս գործն է։ Կպատժվեն բոլորը։ Նրանք, ովքեր զոհել են զինծառայողների կյանքը Լելե Թեփեում՝ հույս ունենալով փիառ դիվիդենտներ պոկել։ Նրանք, ովքեր կատարել են քրեական պատվերներ, հույս ունենալով մնալ իրենց աթոռներում: Նրանք, ովքեր ստում էին ամբողջ պատերազմի ընթացքում: Նրանք, ովքեր ծաղրում են զոհվածների, անհայտ կորածների եւ գերեվարվածների ընտանիքներին՝ երկրում տոնական հրավառություն կազմակերպելով մի երկրւմ, որտեղ ռազմական զոհերի թիվը հայտնի չէ:

Ոչ ոք չի հեռանա պատասխանատվությունից։

Խոստանում եմ»,- գրել է Մինասյանը:

Աղբյուր` Փաստինֆո