ԲՈԼՈՐ ՆՅՈՒԹԵՐԸ
Սփյուռքն արձագանքում է Փաշինյանի նոր քաղաքականությանը. Տնտեսական վերելքի գինը կարող է թանկ լինել. Ո՞վ է շահելու Թուրքիայի հետ հարաբերությունների հաստատումից 04/01/2021 15:47 | ԼՐԱՀՈՍ
Հայաստանի իշխանությունները փչացրել են հարաբերությունները բոլորի, ու ամենաառաջինը Սփյուռքի հետ,- «Փաստինֆո»-ի հետ զրույցում ասել է ՀՅԴ Կիպրոսի ներկայացուցիչ, Gibrahayer ամսագրի գլխավոր խմբագիր Սիմոն Այնեջյանը՝ վստահեցնելով, որ Սփյուռքը շարունակելու է հետեւողական քայլեր ձեռնարկել Հայոց Ցեղասպանության միջազգային ճանաչման ուղղությամբ։
Օրեր առաջ ԱԽՔ Արմեն Գրիգորյանը Հանրային հեռուստաալիքին տված հարցազրույցի ժամանակ ձեռնպահ էր մնացել Թուրքիային թշնամի երկիր ներկայացնելու գնահատականից՝ նշելով, որ Թուրքիայի նկատմամբ մեր մոտեցումներում որոշակի շտկումներ պետք է լինեն, քանի որ տարածաշրջանում զարգացումներ են լինում, իսկ Նիկոլ Փաշինյանն էլ Արմավիրում խոսել էր ենթակառուցվածքները Թուրքիայի հետ բացելու հավանականության մասին։ Նկատենք, որ պաշտոնական Երեւանը նախկինում հանդես եկել է առանց նախապայմանների Թուրքիայի հետ հարաբերություներ հաստատելու պատրաստակամության դիրքերից, սակայն Թուրքիան մշտապես նախապայման է առաջ քաշել ոչ միայն Հայոց Ցեղասպանության պահանջատիրությունից, այլ նաեւ Արցախի անկախությունից հրաժարվելը, իսկ այս պատերազմում անթաքույց աջակցություն է ցուցաբերել Ադրբեջանին, որի հետեւանքով հազարավոր հայորդիներ զոհվել են, շուրջ 15 հազարը վիրավորվել, ունենք մեծ թվով անհետ կորած ու գերեվարված զինվորներ։ Բացի այդ կորցրել ենք Արցախի 80 տոկոսը, խիստ վտանգավոր իրավիճակ ստեղծվել է Սյունիքի համար ու Ադրբեջանը չի թաքցնում իր նկրտումները Սյունիքի նկատմամբ։
Նման պայմաններում հնարավոր է Թուրքիայի հետ բարեկամության հաստատումը։ Դաշնակցության Կիպրոսի ներկայացուցիչ, Gibrahayer կիպրական ամսագրի գլխավոր խմբագիր Սիմոն Այնեջյանը «Փաստինֆո»-ի հետ զրույցում կարեւորեց խաղաղության հաստատումը՝ ավելացնելով, որ գլխավոր հարցը այն է, թե ի՞նչ պայմաններով դա պետք է լինի։ Զուգահեռներ անցկացնելով Սիրիայում, Կիպրոսում, Լիբիայում և Արցախում Թուրքիայի վարած քաղաքականության միջև՝ մեր զրուցակիցը վստահեցրեց՝ դրանք փոխկապակցված են։
«Արցախյան պատերազմը կապ ունի ընդհանրապես թուրքական ծավալապաշտական քաղաքականության հետ։ Կարևոր հարցը մեզ համար այն պետք է լինի, թե ե՞րբ և ի՞նչ պայմաններում պետք է Թուրքիայի հետ խաղաղություն հաստատվի։
Նրա դիտարկմամբ՝ կապ չունի՝ կարո՞ղ ենք թուրք ժողովրդի հետ լավ ապրել, թե ոչ։ Այսօր՝ որպես տարածաշրջանի «սուպեր ուժ» Թուրքիան ավելի հզոր դիրքում է։ Թուրքիայի ցեղասպան քաղաքականության ձեռագիրը փոխվել է, փոխվել են խաղի կանոնները, փոխվել է միջավայրը։ Ագրեսիվ քաղաքականությունն այսօր նաև տնտեսական կերպով է դրսևորվում։
«Եթե այսօր տնտեսական ապաշրջափակում լինի՝ մենք ինչպե՞ս ենք դրանից օգտվելու։ Ո՞վ է ավելի շատ օգտվելու դրանից։ Ես կարծում եմ, որ դա մենք չենք։ Ամեն վայրկյան, ամեն օր նորությունների առջև ենք կանգնում, նոր բացահայտումներ են ի հայտ գալիս։
Համաձայնագրից այն կողմ ի՞նչ կա, ի՞նչ տրամադրություններ են որդեգրված և ամենավտանգավորն այն է, որ մենք չգիտենք, թե քաղաքականորեն մենք որտե՞ղ ենք։ Չգիտենք, թե այս ապաշրջափակումը ի՞նչ է նշանակում, ի՞նչ շահ ունենք այս ամենից, ո՞վ շահ ունի և որքանո՞վ։ Հարցականներ են, որ պետք է հասկանալ՝ ի՞նչ վնաս կա, ի՞նչ գնով պետք է այս ամենն արվի»։
Այնեջյանը զուգահեռ համեմատական կարգով հիշեցրեց 2004 թվականին Կիպրոսում անցկացված հանրաքվեն, որով կղզու հունական մասը մերժեց ՄԱԿի կողմից առաջարկված ծրագիրը ու հրաժարվեց միավորվել թուրքական կողմի հետ ու միասնական Կիպրոսի կազմում դառնալ Եվրամիության անդամ։ Կիպրացիները կարող էին ասել այո, ապրել ավելի լավ, սակայն նախագահը հայտարարեց, որ Կիպրոսը չպետք է դառնա Թուրքիայի վիլլայեթ։
«Ընտրություն արեցինք 17 տարի առաջ, եւ Կիպրական հարցը մնացել է չլուծված։ 2004-ին այդ պատասխանը տվեցինք՝ քաջ գիտակցելով, որ մենք ավելի անբարենպաստ պայմանների տակ պիտի ապրենք։ Կարող էինք շատ ավելի լավ վիճակում ապրել, բայց այդ ընտրությունը ժողովուրդը չարեց։ Կիպրացիները ոչ ասացին հանրաքվեին, ոչ թե նրա համար, որ խաղաղասեր չեն, այլ որովհետեւ այն համաձայնությունը, որ իրենց հրամցվեց՝ անարդար էր։ Այն կարող էր երկար ժամանակ սպառնալ Կիպրոսի անվտանգությունը»։
Իսկ ի՞նչ գնով է լինելու Հայաստանի համար տնտեսական զարգացումը, արդյոք Հայաստանը իր փոքր տնտեսական կարողությամբ սպասվող ապաշրջափակման մեջ հաղթող կողմ կարո՞ղ է լինել։ Տնտեսական վերելքի գինը կարող է թանկ լինել մեզ համար։
Այնեջյանը հիշեցրեց նաև, որ Կիլիկիայից հայերը Կիպրոս գաղթեցին 100 տարի առաջ և ապրում էին թրքախոս շրջաններում, խնդիր չունեին թուրք-կիպրացիների հետ ապրելու։ Նրանց հետ ապրելը այլ հարց էր, երկարատև համաձայնագիրը, որ կարող է խաթարել անվտանգությունը՝ բոլորովին այլ։ Այնեջյանը նշեց՝ պետք է զանազանել գոյակցության խնդիրը համաձայնությունից, բայց դա չի նշանակում, որ չպետք է ձգտենք խաղաղության, կարևոր է նաև թե ո՞ր ժամանակաշրջանում պետք է խաղաղություն հաստատվի։
«Իմ կարծիքով, ներկա պայմաններում երկարաշունչ պայմանագրեր՝ լինեն դրանք ապաշրջափակման կոնցեպտում, խաղաղ գոյակցության անվան տակ, կամ վաղվա գեղեցիկ օրվա հեռանկարով, շատ հարցերին պետք է զգուշությամբ նայենք»,- ասաց Այնեջյանը։
Հիմա Սփյուռքը շարունակում է ջանքեր գործադրել ցեղասպանության ճանաչման ուղղությամբ, իսկ կառավարության հրաժարականը Սփյուռքում հրամայական է, որովհետև ներկա իշխանությունը չկարողացավ այնպիսի քաղաքականություն վարել, որով հնարավոր էր խուսափել պատերազմից։
«Փչացրեցինք հարաբերությունը բոլորի հետ՝ Սփյուռքի հետ ամենաառաջինը։ Մենք այն վայրկյանից, որ Փաշինյանը կառավարության է եկել, կարծես թե Սովետական ժամանակներում լինեինք ՝ ուր կապ չկա։ Գրեթե մենակ ենք տանում աշխատանքը։ Այսօր Սփյուռքը Հայաստանից սպասում է նաև այդ աջակցությունը իր տանելիք աշխատանքներում, բայց, դժբախտաբար, ինչպես շատ տարիներ՝ գրեթե մենակ ենք մնացել»։
Մեր զրուցակիցը հիշեցրեց նաև, Կիպրահայ համայնքի պետական ներկայացուցիչ Վարդգես Մահտեսյանի ջանքերով Կիպրոսը քրեականացրել է ցեղասպանության ժխտումը։ ԱՄՆ Նախագահ Բայդենը կարող է այս տարի Ապրիլի 24-ին ընդունել կամ չընդունել ցեղասպանության բանաձևը, բայց Սփյուռքի աշխատանքը պետք է շարունակվի։
«Ես վստահ եմ, որ օրը կգա, երբ նույն ինքը Թուրքիան պետք է ճանաչի ցեղասպանությունը։ Այսօր մի շարք թուրք եւ թուրք-կիպրացիներ կան, որ ապրիլի 24-ի միջոցառումներին ներկա են գտնվում, ճանաչում են հայկական ցեղասպանության իրականությունը եւ վստահ ենք որ նմանների թիվը կը բարձրանա»,- եզրափակեց Այնեջյանը։
Հարակից հրապարակումներ`
Տեսանյութեր
03/29/2024 11:55 Աննկարագրելի քաոս էր,երեխաներին ասել ենք՝ չխոսեք,վերև չնայեք, թուրքերի միջով ենք գնում.գաղթը՝ ՇոշիցՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 03/29/2024 08:17 Ոսկեպարցիներն անհամբեր սպասում են․ «Հրապարակ»
- 03/29/2024 08:13 Սաղաթելյանները՝ իշխանության թիրախում․ «Հրապարակ»
- 03/29/2024 08:08 Դիանա Գալոյանը նոր պաշտոն կստանա՞․ «Հրապարակ»
- 03/29/2024 08:04 Փաշինյանը ոչինչ չի խնայում անձնական պաշտպանության համար․«Հրապարակ»
- 03/29/2024 07:57 Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
- 03/29/2024 07:48 Նոր դիվանագիտական սկանդալ է հասունանում արտգործնախարարությունում . «Ժողովուրդ»
- 03/29/2024 07:46 Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
- 02/13/2024 21:42 Ադրբեջանը խուսափելու է իրական բանակցային գործընթացից. որոշակի հանձնառություններ է ստանձնել՝ Իրանի դեմ կատարելու, որոնք իրականացնելու ցանկություն այս պահին չունի. Ձյունիկ Աղաջանյան
Մեկնաբանություն
- 03/28/2024 18:41 Հայ ժողովրդին վախեցնում է ադրբեջանի պատերազմով, իսկ ինքը վախենում է Արցախի նախագահից․ և ոչ միայն․․․
- 03/26/2024 13:03 Ադրբեջանի հերթական պահանջը. Արթուր Խաչատրյան
- 03/25/2024 18:12 ԱԺԲ-ն ներկայացրել է, թե ինչ պահանջներ են ներկայացվել Նոր Նորքի ոստիկանության բաժնի մոտ
- 03/25/2024 16:19 Մեկնարկում է «Արցախի երիտասարդության որոշիչ ձայնը» ծրագիրը. Մետաքսե Հակոբյան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 03/28/2024 23:41 Վեց ծառայակիցների հետ սեռական հարաբերություն ունեցած ոստիկանը 500 հազար դոլար կստանա
- 03/28/2024 18:28 Կինը բռնել է ամուսնուն դավաճանելիս՝ առողջ ապրելակերպի հանդեպ ունեցած սիրո շնորհիվ
- 03/27/2024 23:52 Նույն քաղաքի երեք ուսուցչուհիների ձերբակալել են աշակերտների հետ սեռական հարաբերություններ ունենալու համար
- 03/27/2024 16:30 «Տիտանիկ»-ի հերոսուհու կյանքը փրկած դուռը աճուրդում վաճառվել է 718 հազար դոլարով
Հետաքրքիր է իմանալ
- 03/25/2024 18:55 Գիշերը Լուսնի խավարում է եղել. ինչ ազդեցություն ունի այն մարդու վրա
- 03/25/2024 16:49 Խաբարովսկի երկնքում անհայտ օբյեկտ են նկատել. (տեսանյութ)
- 03/25/2024 13:21 Արեգակնային բռնկումից հետո Երկիրը ծածկվել է հզոր մագնիսական փոթորիկով. սրանից ավելի ուժեղը գրանցվել է շուրջ 20 տարի առաջ
- 03/22/2024 17:29 Իլոն Մասկը ազդարարել է նոր ուղեղային իմպլանտի մասին, որը կույրերին թույլ կտա տեսնել