Փաստ ինֆո

Մարտին, այսօրվա դրությամբ, օդի ջերմաստիճանը կլիմայական նորմայի սահմաններում է, տեղումների քանակը շրջանների մեծ մասում նորմայից ավելի է: Այս մասին լրագրողների հետ զրույցում ասաց «Հիդրոօդերևութաբանության և մոնիտորինգի կենտրոնի» տնօրենի տեղակալ Գագիկ Սուրենյանը:

Այս տարվա մարտն աչքի է ընկնում եղանակային պայմանների մեծ փոփոխություններով, գրանցվում է ջերմաստիճանի կտրուկ բարձրացում և անկում, որն ունի իր գիտական բացատրությունը։

Խնդիրն այն է,  որ ՌԴ եվրոպական հատվածում խիստ ցուրտ ձմեռը է եղել, ներկա պահին այդ շրջաններում ցածր ջերմային ֆոնն ու ձնածածկույթը պահանվում են, հյուսիսից եկող արտկտիկական օդային հոսանքներն, անցնելով ՌԴ եվրոպական մասով, չեն ձևափոխվում, տաքանում, գրեթե նույն ուժգնությամբ թափանցում են Հայաստան, այդ պատճառով էլ առանձին օրերին նկատվում է ջերմաստիճանի կտրուկ անկում, ձյան տեսքով տեղումներ, բուք, քամու ուժգնացում և այլն:

«Առաջիկա օրերին եղանակի կայունացում չի սպասվում, երեկոյան ժամերին սպասվում է հերթական հզոր ցիկոլնի ներթափանցումը հանրապետության տարածք, երեկոյան ժամերից ՀՀ ողջ տարածքում տեղումները կվերսկսվեն: Ցիկլոնը կգործի մինչև մարտի 25-ը ներառյալ: Բոլոր շրջաններում սպասվում են տեղումներ, բարձր լեռնային շրջաններում ձյուն կտեղա, նախալեռնային և հովտային գոտիներում տեղումները սպասվում են անձրևի տեսքով»։

«Հիդրոօդերևութաբանության և մոնիտորինգի կենտրոն» տնօրենը ներկայացրեց նաև, որ վաղն առանձին հատվածներում տեղումները բավականին ինտենսիվ կլինեն, խոսքը հատկապես ՀՀ կենտրոնական շրջանների մասին է, կուղեկցվեն ամպրոպներով, սպասվում է քամու ուժգանցում:

Մարտի 26-ին տեղումները ժամանակավոր կդադարեն, իսկ մարտի 27-ին Սև ծովի շրջաններից ցուրտ մթնոլորտային ճակատի ներխուժում է կլինի, տեղումները կվերսկսվեն, ջերմաստաիճանի կտրուկ անկում կգրանցվի, մոտ 7-10 աստիճանով: Ձյուն կտեղա Լոռի, Տավուշ մարզերում, բոլոր լեռնային, նախալեռնային շրջաններում: Անձրևի տեսքով տեղումներ սպասում են միայն հանրապետության հովտային գոտիներում:

«Ըստ կանխատեսումների, այս պահի դրությամբ մինչև մարտի 27-ը ներառյալ եղանակի պարզեցում չի սպասվում, միայն մատի 28-ից սկսած չի բացառվում, որ 2-3 օր չի բացառվում, որ տեղումները դադարեն և տեղի ուեննա եղանակի պարզեցում։ Ընդ որում՝ պարզեցումը գիշերային ժամերին ուղեկցվելու է ջերմաստիճանի անկմամբ, չի բացառվում, որ Արարատյան դաշտում օդի ջերմաստիճանը մոտանա մինչև -1 - -2 աստիճանի:

Ապրիլին կանխատեսվում է օդի ամսական միջին ջերմաստիճանը նորմայից ցածր կլինի մոտ 1 աստիճանով, առանձին հատվածներում կլինի նորմայի սահմաններում, բայց տեղումները կանխատեսվում են նորմայից ավելի:

Նա նշեց, որ ապրիլին տեղումների նորման բավականին մեծ է, ամսվա օրերի մեծ մասը ՀՀ տարածքում ժամանակ առ ժամանակ լինելու են տեղումներ:

Արարատյան դաշտում նկատվում է ծիրանենու ծաղկում, Արարատի մարզում արդեն որոշ հատվածներում ծիրանը սկսկել է ծաղկել: Մինչև մարտի 25-ը Արարատյան դաշտում տեղի կունենա ծիրանենու մասսայական ծաղկում:

«Այն հատվածներում, որտեղ ծաղկում կա, ջերմաստիճանի անկումը որոշ ազդեցություն կարող է ունենալ, սակայն առանձնապես մեծ վնասներ չեն կարող լինել, քանի որ անկումը լինելու է կարճատև, տևելու է 1-2 ժամ՝ լուսադեմին: Մեր փորձը ցույց է տվել, որ -1 աստիճանը ծիրանենուն լուրջ վնասներ չի հասցնում»,- հավելեց Սուրենյանը:

«Հիդրոօդերևութաբանության և մոնիտորինգի կենտրոն» տնօրենը նաև տեղեկացրեց, որ այս տարի ցրտահարման ռիսկերը մի փոքր ավելի մեծ են՝ ելնելով կանխատեսվող առանձնահատկություններից, բայց դա չի նշանակում, որ պետք է տեղի ունենա ցրտահարություն:

Աղբյուր` Փաստինֆո