ԲՈԼՈՐ ՆՅՈՒԹԵՐԸ
«Պախանները» չպետք է որոշեն, թե ինչպիսին պետք է լինի երկրի քաղաքական համակարգը. Նորիկյան 03/19/2021 16:34 | Արտահերթ խորհրդարանական ընտրություններ.2021
Արտահերթ խորհրդարանական ընտրությունները միակ օրինական միջոցն է՝ խորացող քաղաքական ճգնաժամը հանգուցալուծելու, ներքին հանդուրժողականության մթնոլորտ ձևավորելու և Հայաստանի ապագայի վերաբերյալ քաղաքակիրթ բանավեճ և զարգացման ծրագրեր կազմելու համար։ Այս մասին «Փաստինֆո»-ի հետ զրույցում ասաց փաստաբան, «Արդար Հայաստան» կուսակցության ղեկավար Նորայր Նորիկյանը։
Հիշեցնենք, որ մարտի 18-ին Նիկոլ Փաշինյանը «Բարգավաճ Հայաստան» խմբակցության ղեկավար Գագիկ Ծառուկյանի հետ հանդիպումից հետո հայտարարեց, որ հունիսի 20-ին Հայաստանում արտահերթ խորհրդարանական ընտրություններ կանցկացվեն:
«Հաշվի առնելով նաեւ՝ Հայաստանի Հանրապետության նախագահի հետ, «Իմ քայլը» խմբակցության հետ, «Լուսավոր Հայաստան» խմբակցության ղեկավար Էդմոն Մարուքյանի հետ իմ ունեցած քննարկումները՝ սույն թվականի հունիսի 20-ին Հայաստանի Հանրապետությունում կանցկացվեն արտահերթ խորհրդարանական ընտրություններ,-գրել էր Նիկոլ Փաշինյանը:
Նախատեսվող արտահերթ ընտրություններին կմասնակցի նաև «Արդար Հայաստան» կուսակցությունը։ Նորիկյանը «Փաստինֆո»-ի հետ զրույցում մտահոգություն հայտնեց՝ հնարավոր ընտրակեղծարարության, ընտրակաշառքների բաժանման և ընտրական իրավունքի խախտման վերաբերյալ, եւ նշեց, որ իշխանությունները, իրավապահ համակարգն ամբողջությամբ պարտավոր են ամբողջությամբ երաշխավորել ազատ, արդար ընտրությունների անցկացումը, կազմակերպումը, բոլոր քաղաքական ուժերի համար իսկապես հավասար պայմանների ստեղծումը և ընտրությունների օրինականության ապահովումը։
Հարցին՝ ի վերջո կկայանա՞ն այդ ընտրությունները՝ հաշվի առնելով, որ նախկինում կորոնավիրուսի համարավարակով պայմանավորված հանրաքվեն այդպես էլ կյանքի չի կոչվել, իսկ այսօր կորոնավիրուսի թվերն օր օրի աճում են, ռազմական դրությունը վերացված չէ, Նորիկյանը պատասխանեց. «Որևէ բան չբացառելով հանդերձ՝ երկրի վարչապետի կողմից արվել է հայտարարություն, ասվել է, որ հունիսի 20-ին տեղի են ունենալու արտահերթ խորհրդարանական ընտրություններ, ենթադրում եմ, որ այդ հայտարարությունն արդյունք է պառլամենտական խմբակցությունների հետ ունեցած համաձայնության»։
Ինչ վերաբերում է ռազմական դրությամբ պայմանավորված սահմանափակումներին, Նորիկյանը նշեց, որ Սահմանադրությամբ սահմանված է, որ ռազմական դրության ժամանակ տեղի չեն ունենում խորհրդարանական ընտրություններ և խորհրդարանական ընտրությունները կայացվում են ռազմական դրության ավարտի ժամկետից 60 օրվա ընթացքում։
«Այնուամենայնիվ, եթե քաղաքական որոշումը կայացվի և համաձայնությունը լիարժեք դառնա՝ խորհրդարանական արտահերթ ընտրությունների կազմակերպումը, կարծում եմ, ռազմական դրության չեղարկումը կամ դադարեցումը տեխնիկական խնդիր է և հնարավոր կլինի ապահովել»,- նշեց նա։
Անդրադառնալով կորոնավիրուսով ստեղծված իրավիճակին՝ Նորիկյանը նշեց, որ անկախ՝ ընտրություն լինել-չլինելու հանգամանքից, պետք է ամենն անել չարիքի դեմն առնելու համար։
Նշենք, որ օրենքով սահմանված կարգով՝ ընտրությունների օրը նշանակվում է ԿԸՀ-ի կողմից, ուստի՝ Նիկոլ Փաշինյանը չի կարող որոշել արտահերթ խորհրդարանական ընտրությունների օրվա նշանակման հարցը, ավելին՝ արտահերթ ընտրություններ նշանակվել առանց Փաշինյանի հրաժարականի։ Այս հանգամանքին անդրադառնալով Նորիկյանը նշեց, որ բոլոր իրավական ընթացակարգերը պետք է պահպանվեն, իսկ այդ հայտարարությունը համարում է քաղաքական։ Նրա խոսքով՝ որևէ մեկը չի կարող հստակ ասել, թե ընտրությունները կկայանան հունիսի 20-ին, թե 19-ին, ընտրությունները նշանակվում են համապատասխան սահմանադրաիրավական կարգավորումների շրջանակներում՝ հիմք ընդունելով ՀՀ Սահմանադրության կարգավորումները, Ընտրական օրենսգիրք սահմանադրական օրենքով ամրագրված ժամկետներով և կարգով։
Հարցին՝ հանրությունը, քաղաքական իշխանությունը և ընդդիմությունը պատրա՞ստ են ընտրություններ անցկացնելու՝ նման լարված մթնոլորտի պայմաններում, երբ Փաշինյանը շրջում է դիպուկահարներով, Նորիկյանն ի պատասխան հաստատեց, որ հանրության մեջ կա լարվածություն, անորոշություն, տագնապ՝ ապագայի նկատմամբ, հուսահատության էլեմետներ, բայց միակ օրինական, լեգիտիմ միջոցն ընտրություններն են և այս ճգնաժամը հաղթահարելու համար այլ տարբերակ գոյություն չունի։
«Պետք է պարզապես վեր կանգնել այն «պատմական» ժամանակահատվածներից, երբ մի քանի հոգի՝ «պախաններ», որոշում էին, թե ինչպիսին պետք է լինի երկրի քաղաքական համակարգը կամ ով պետք է երկիրը ղեկավարի։ Մենք հայտնվել ենք իսկապես կրիտիկական քաղաքական ճգնաժամում, որն աննախադեպ իրավիճակ է։ Այն սպառնում է խաթարել երկրի տնտեսական բարեկեցության զարգացման հնարավորությունը, քաղաքական դաշտում առկա է ատելություն, անհանդուրժողականություն»,- նշեց նա՝ հավելելով, որ ստեղծված իրավիճակը հաղթահարելու միակ լեգիտիմ միջոցն ընտրություններն են։
Նորիկյանը նշեց, որ «դիպուկահարների» և այլ սահմանափակումների մթնոլորտը լավը չէ, միևնույն ժամանակ հորդորեց քաղաքական ուժերին այս ժամանակահատվածում դրսևորել խոհեմություն և վեր դասել պետական-ազգային շահը՝ կուսակցական-քաղաքական շահերից, գիտակցել, որ մեր երկիրն իսկապես գտնվում է կրիտիկական ծանր իրավիճակում, ընտրությունները կազմակերպել առանց էմոցիոնալ ֆոնի, ապահովել քաղաքացիների գիտակցված ընտրություն կատարելու հնարավորությունը, որ մարդիկ կրկին էմոցիոնալ ֆոնի վրա չգնան ընտրությունների։
«Թե չէ մնացինք սև-սպիտակի շրջանակում։ Համաձայն եմ՝ ընտրություններից հետո էլ ճգնաժամը չի հաղթահարվի, ավելին՝ կխորացնենք ճգնաժամը, եթե պայքարը շարունակվի նախկինների և ներկաների համատեքստում։ Դա չարիք է լինելու և լավ բանի չի բերելու»,- նշեց նա՝ հավելելով, որ պետք է յուրաքանչյուրը նպաստի չարության մթնոլորտը վերացնելու, հանդուրժողականության մթնոլորտի ստեղծմանը։
Հեղինակ՝ Իզաբել Սահակյան
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/19/2024 08:26 Ինչպես են այս տարի նշելու Քաղաքացու օրը․ «Հրապարակ»
- 04/19/2024 08:18 Ինչո՞ւ ուղղաթիռով․ «Հրապարակ»
- 04/19/2024 08:15 Հայաստանում դպրոցներ են փակվում. Փաշինյանը խաբել է մաս 202. «Ժողովուրդ»
- 04/19/2024 08:13 ՊԵԿ նախկին փոխնախագահը հրավիրվել է դատախազություն․ «Հրապարակ»
- 04/19/2024 08:10 Մասնակցե՞լ, թե՞ չմասնակցել «պառադին»․ «Հրապարակ»
- 04/19/2024 08:02 Ի՞նչ է փոխվել․ ինչո՞ւ Փաշինյանը հետողորմյա արեց․«Հրապարակ»
- 04/19/2024 07:55 Հիվանդանոցներում պետպատվերով բուժումները կասեցվել են. քաոս. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
Մեկնաբանություն
- 04/19/2024 13:36 Խոշտանգման հետևանքները՝ Շենգավիթի քննչական բաժնում․ փաստաբանն ահազանգում է
- 04/18/2024 16:43 Ֆրանկ Փելոնն ԱՄՆ-ին կոչ է արել ռազմական օգնություն ցուցաբերել Հայաստանին
- 04/18/2024 15:26 Ալիևը ասել է քայլերի հաջորդականությունը՝ սկզբում կպահանջեն ոչ անկլավային տարածքները, հետո անկլավայինը, հետո ճանապարհներ կուզեն դեպի անկլավներ. սա ՀՀ օկուպացիայի ու խեղդելու ծրագիր է.Հայրապետյան
- 04/18/2024 11:52 Վաղը Սամվել Վարդանյանին հրավիրում են հարցաքննության․խոշտանգման գործով սայլը տեղից շարժվում է․ փաստաբան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/19/2024 22:52 Ծնողները դստեր ննջասենյակում հայտնաբերել են մանկապիղծի թաքնված տեսախցիկը
- 04/18/2024 23:54 Սուրճի ևս մեկ օգտակար հատկություն է հայտնաբերվել
- 04/18/2024 23:38 Կինը բժշկի այցի շնորհիվ բացահայտել է ամուսնու դավաճանությունը
- 04/18/2024 17:08 Քանյե Ուեսթը կասկածվում է տղամարդու վրա հարձակվելու մեջ
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ