ԲՈԼՈՐ ՆՅՈՒԹԵՐԸ
ՀՔԾ-ն առերես չի հարցաքննել դատարանի նախագահին ու Վարագյանին, թեեւ նրանք տվել են իրարամերժ բացատրություններ ու մերժել քրգործի հարուցումը՝ առանց քննության. Փաստաբանը բողոք կներկայացնի դատախազին 03/17/2021 18:22 | ԼՐԱՀՈՍ
«Գագիկ Սողոմոնյան» ֆեյքի գործով Երևանի ընդհանուր իրավասության դատարանի նախագահ Արթուր Մկրտչյանի կողմից արդարադատությանն առերևույթ խոչընդոտելու փաստի առթիվ քրեական գործի հարուցումը մերժելու որոշումն ակնհայտ ապօրինի է։ Նյութերի նախապատրաստման արդյունքում չէր կարող նման որոշում կայացվեր։ Այս մասին «Փաստինֆո»-ի հետ զրույցում ասաց փաստաբան Բենիկ Գալստյանը։
Հիշեցնենք, որ փետրվարի 20-ին Վահագն Վարագյանը ֆեյսբուքյան իր էջում հայտնել էր, որ տեսել է Երևանի սրճարաններից մեկում Երևանի ընդհանուր իրավասության դատարանի նախագահ Արթուր Մկրտչյանին, որը հեռախոսով զրույցի ընթացքում բղավել է՝ «ինչ կապ ունի, թե անչափահաս երեխաներ ունեն և օրենքով նրանց ազատազրկել չի կարելի, ԱԱԾ տնօրենին են հայհոյել, պետք է նստեն, ոնց ուզում ես՝ արա, դրանք պետք է նստեն»։ Ավելի ուշ հայտնի դարձավ, որ դատարանը կալանավորելու թույլտվություն է տվել ֆեյքի գործով անհիմն ձերբակալված Արամ Լեւոնի Սարգսյանին, որն ունի երեք անչափահաս երեխա։ Դատախազությունը Վահագն Վարագյանի գրառման վերաբերյալ հրապարակումները և փաստաբանի ներկայացրած հաղորդումն ուղարկել էր ՀՔԾ՝ ՀՀ քրեական դատավարության օրենսգրքի 180-181-րդ հոդվածներով սահմանված կարգով նյութեր նախապատրաստելու, դրա շրջանակներում հայտարարություններում նշված հանգամանքները ստուգելու և ընթացքը լուծելու նպատակով: Շուրջ 21 օր նյութեր նախապատրաստելուց հետո ՀՔԾ-ն որոշում է կայացրել քրեական գործի հարուցումը մերժելու մասին ։ Նշենք, որ ՀՀ քրեական դատավարության օրենսգրքի համաձայն՝ նյութերի նախապատրաստման համար որպես ժամկետ է սահմանված 10 օրը, որը կարող է երկարացվել՝ փորձաքննությունների նշանակման դեպքում։
Փաստաբան Բենիկ Գալստյանի փոխանցմամբ՝ նյութերի նախապատրաստման ժամկետը երկարացվել էր՝ պայմանավորված նշանակված տեսագրությունների փորձաքննությամբ, սակայն քրեական գործի հարուցումը մերժելու մասին որոշումից կարելի է հասկանալ, որ քննիչը բավարարվել է Վահագն Վարագյանից, Երևանի ընդհանուր իրավասության դատարանի նախագահ Արթուր Մկրտչյանից և Վահագն Մելիքյանից բացատրություն վերցնելով և տեսագրությունն ուսումնասիրելով։ Փաստաբանը հատկանշական համարեց, որ ըստ սրճարանի ղեկավարության՝ տեսագրող սարքերը խնդիրներ են ունեցել և ամբողջական ծավալով չի պահպանվել տեսագրությունը, ինչի համար էլ նշանակվել է փորձաքննություն և փորձաքննությունից հետո քննիչն ուսումնասիրել է տեսագրությունները և, ըստ քննիչի, Արթուր Մկրտչյանին նմանվող անձ իր տեսադաշտում չի հայտնվել։
Գալստյանի խոսքերով՝ հաշվի առնելով դառը փորձը՝ քննիչից խնդրել է ամբողջ ծավալով նյութերը, որն ինքը ևս անձամբ ուսումնասիրի։ Ինչ վերաբերում է դատավորների բացատրություններին, ապա երկուսն էլ չեն բացառել, որ հեռախոսազրույց են ունեցել՝ փետրվարի 20-ի 21:35-ից մինչև 21.02.2021 թվականի ժամը 02:30-ը, այսինքն՝ այն ժամանակահատվածում, երբ դատավոր Մելիքյանը գտնվել է խորհրդակցական սենյակում։ Փաստաբանի խոսքով՝ դատավորները հայտնել են, որ Արամ Սարգսյանի խափանման միջոցի հարցը չեն քննարկել, մասնավորապես, դատարանի նախագահը նշել է, թե դատավոր Մելիքյանն ընդգրկված է եղել դատավորների հերթապահության ցուցակում և դատարանի բնականոն գործունեությունն ապահովելու, հերթապահության հետ կապված կազմակերպչական բնույթի հարցերը կարգավորելու նպատակով տարբեր ժամերի հեռախոսազրույցներ է ունեցել դատարանի Ավան նստավայրի հերթապահ դատավորների, այդ թվում՝ դատավոր Վահագն Մելիքյանի հետ, սակայն վերջինիս հետ որևէ քննարկում չի ունեցել Սարգսյանի կալանավորման մասով, իսկ դատավոր Մելիքյանն իր բացատրությամբ նշել է, որ զրուցել են աշխատանքի ճիշտ կազմակերպման հարցերի հետ կապված։
«Կազմակերպչական հարցերով մարդիկ զրուցել են։ Վահագն Մելիքյանը երևի դատավորի աշխատանքային փորձ ունի։ Անհասկանալի է»,- նշեց նա՝ հավելելով, որ հեռախոսազրույցը հաստատել են, որովհետեւ, իր ունեցած տեղեկություններով, խոսել են բաց կապով, այսինքն՝ բազայում իրենց հեռախոսային կապը կերևա նույնիսկ յոթ տարի անց։ Ավելին՝ դատարանի նախագահը նաև չի բացառել, որ ինքը եղել է «Տրիումֆ» սրճարանում։
«Քննիչը տարել է ապացույցների անբավարարություն իրավական ինստիտուտի տակ, որ չի կարող բավարար ապացույց ձեռք բերել, որ անձին ենթարկեն քրեական հետապնդման, բայց նյութերի նախապատրաստության ընթացքում դա աբսուրդ է։ Ապացույցների անբավարարությամբ վարույթն իրականացնող մարմինը կարող է քրեական հետապնդում չիրականացնել մի դեպքում, երբ իր մոտ սպառվել են բոլոր քրեադատավարական գործիքակազմերը, որոնցով ինքը կարող է ձեռք բերի ապացույցների ամբողջություն՝ անձին մեղադրելու համար »,- նշեց Բենիկ Գալստյանը՝ ընդգծելով, որ նյութերի նախապատրաստման ընթացքում անգամ մեծ ցանկության դեպքում քննիչը չէր կարող հասնել դրան, առնվազն պետք է առերես հարցաքննություն իրականացվել, որը կարող էր իրականացվել հարուցված քրեական գործի շրջանակներում։ Բացի դա՝ անհրաժեշտ էր վերծանել հեռախոսային զրույցը։
«Ենթադրենք՝ տեխնիկական հարց է, օրինակ, դատավոր Վահագն Մելիքյանը մտել է խորհրդակցական սենյակ, տեսել է, որ լուսամփոփը չի աշխատում, մութ է և զանգել է Երևանի դատարանի նախագահին Արթուր Մկրտչյանին և խնդրել, որ ապահովեն իրեն միջոցներով՝ բնականոն աշխատելու համար, թեև դա ևս աբսուրդ է, որովհետև այդ հարցով դատարանի նախագահին դժվար թե զանգեր, կա աշխատակազմ, այդ զանգը կարող էր տևել 30 վայրկյան, մեկ րոպե, բայց եթե քննիչը վերծանումները հաներ և տեսներ, որ այդ մարդիկ խոսել են 40 րոպե այն պայմաններում, որ ուշ գիշեր է եղել և որ դատարանը գտնվել է խորհդակցական սենյակում, ինքնին դա չէ՞ր նշանակի, որ ինչ-որ բան այն չէ»,- նշեց փաստաբանը։ Նա նաև մատնանշեց խորհրդակցական սենյակում գտնվելու գաղտնիության սկզբունքը, որը սահմանված է օրենսդրությամբ և մի շարք իրավական ակտերով, ինչի իմաստը նրանում է, որ խորհրդակցական սենյակ մտնելուց հետո դատավորը «կտրվում» է ամբողջ աշխարհից , կայացնում որոշումը։
«Նորմա՞լ է, որ ես՝ որպես դատավոր մտնեմ խորհրդակցական սենյակ և զանգեմ խոսեմ հեռախոսով մարդկանց հետ՝ տեխնիկական կամ ոչ տեխնիկական հարցերով։ Նորմալ չէ։ Քննիչն ուներ բավարար հիմք և առիթ՝ քրեական գործ հարուցելու և նախաքննություն կատարելու համար։ Այդ պայմաններում նյութերը նախապատրաստվել են խիստ թերի և բնականաբար պետք է վերացնել որոշումը, հարուցել քրեական գործ»,- նշեց նա։
Բացի դա, փաստաբանը մարտի 4-ի միջնորդություն է ներկայացրել ՀՔԾ պետի տեղակալին՝ մի շարք գործողություններ իրականացնելու վերաբերյալ, մասնավորապես, խնդրել է պարզել այդ մարդկանց հեռախոսահամարները, ուսումնասիրել բջջային հեռախոսահամարները և հեռախոսները՝ պարզելու ոչ միայն Արթուր Մկրտչյանի և Վահագն Մելիքյանի կապը, այլև՝ նրանց կապն ԱԱԾ աշխատակիցների հետ։ Փաստաբանը վարույթն իրականացնող մարմնից խնդրել է նաև պարզել «Տրիումֆ» սրճարանում նշված ժամանակահատվածում գտնվող անձանց տվյալները և վերջիններիս ևս հարցաքննել, ինչպես նաեւ հարցաքննել Վահագն Վարագյանի հետ այդ պահին սրճարանում գտնվող երկու անձանց, որոնք լսել են Արթուր Մկրտչյանի խոսակցությունը, սակայն այդ մասով ևս ոչինչ չի կատարվել։ Փաստաբանի փոխանցմամբ՝ օրեր առաջ քննիչից գրություն է ստացվել առ այն, որ իր միջնորդությունը չի քննարկվել որպես միջնորդություն, որովհետև նյութերի նախապատրաստման ընթացքում նման հասկացություն չկա, ինչը փաստաբանի համար զարմանալի էր, քանի որ գոյություն ունի անալոգիայի կիրառում և նախկինում ինքը նյութերի նախապատրաստման փուլում միջնորդություններ ներկայացրել է, որոնք բավարարվել են։ Այս դեպքում միջնորդությունը կցվել է նյութերին։
«Իմ միջնորդությունն ինչ- որ բարձր իրավաբանություն չէր։ Վստահ եմ, որ քննիչը, լինելով պրոֆեսիոնալ քննիչ, շատ լավ պատկերացնում էր իր ապացուցման շրջանակը և գործողությունների հերթականությունը, հաջորդականությունը, ինչը չի արվել»,- նշեց Գալստյանը։
Ինչ վերաբերում է որոշումը բողոքարկելուն, Գալստյանը նշեց, որ լիահույս է, որ հսկողություն իրականացնող դատախազը որոշման օրինականությունը ստուգելու համար նախատեսված յոթնօրյա ժամկետում կվերացնի քրեական գործ հարուցելը մերժելու մասին որոշումը՝ անկախ փաստաբանի կողմից՝ բողոք ներկայացնելու հանգամանքից։ Փաստաբանը հայտնեց, որ քրեական գործ հարուցելը մերժելու որոշման դեմ բողոք կներկայացնի դատախազին, իսկ բողոքի մերժման դեպքում կբողոքարկի դատական կարգով։
Հեղինակ՝ Իզաբել Սահակյան
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/25/2024 08:19 Տարածվել ա, կարդացվել ա՝ բավարար ա, էլի․ «Հրապարակ»
- 04/25/2024 08:16 Ընդդիմադիրները հիասթափված են․ «Հրապարակ»
- 04/25/2024 08:13 Ինչ ցանել ես, այն էլ կհնձես. Ծիծեռնակաբերդում տեղի ունեցած միջադեպից հետո թերեւս, արժե թարմացնել ՔՊ-ականների հիշողությունը. «Ժողովուրդ»
- 04/25/2024 08:10 «Քարֆուրի» տերերը հեռանում են Հայաստանից․ «Հրապարակ»
- 04/25/2024 08:03 Գերիների հարցով կակտիվանան․ «Հրապարակ»
- 04/25/2024 07:53 Դեսպան չնշանակվեց, կուսակցությունն էլ, փաստացի, գոյություն չունի. «Ժողովուրդ»
- 04/25/2024 07:50 Բնակարան, մեքենա․ ի՞նչ հայտարարագիր է ներկայացրել Տավուշի նոր դատախազը. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/25/2024 19:49 Կիրանցում ականազերծման աշխատանքների ընթացքում վիրավորում է ստացել զինծառայող. ՊՆ-ն հաստատում է
- 04/25/2024 19:24 Կիրանցում ականի պայթյունից քաղաքացի է վիրավորվել. Հրատապ
- 04/25/2024 10:19 Ուղևորը վարորդի աչքերին քիմիական նյութ է փչել. վերջինս այրվածքներով տեղափոխվել է հիվանդանոց. shamshyan.com
- 04/24/2024 18:54 Հրդեհ Կամո գյուղում
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
- 04/21/2024 22:49 Կինը հոր օգնությամբ վրեժ է լուծել դավաճան զուգընկերոջից
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ