Փաստ ինֆո

««Դըմփ-դըմփ-հու»-ն չի իրականացվել Մյասնիկյանի հրապարակի շրջանակում, այլ իրականացվել է քայլելու ընթացքում։ Դա համախմբման, դժվարությունների դիմակայելուն էր ուղղված, հետևաբար ես այդտեղ տարօրինակ բան չեմ տեսնում»,- այսպես արձագանքեց «Իմ քայլը» խմբակցության անդամ Հովիկ Աղազարյանը՝ անդրադառնալով իշխանության կազմակերպած՝ մարտի մեկի երթի ընթացքում հնչող կոչերին ու ծափերին։

Հարցին՝ վարչական ռեսուրս կիրառվե՞լ է՝ հանրահավաքին մասնակցություն ապահովելու համար, Աղազարյանը չժխտեց.

«Այո, կիրառվել է վարչական ռեսուրս, ԳՇ-ի գեներալները, որոնք ստորագրել էին այդ հայտարարությունը, հրահանգեցին իրենց ընտանիքներին, բարեկամներին, հարազատներին, որ գան մասնակցեն Նիկոլ Փաշինյանի հրավիրած հանրահավաքին»։

Հիշեցնենք, որ Մարտի մեկի հանրահավաքին վարչական ռեսուրս կիրառելու մասին բազմաթիվ ապացույցներ եղան, սակայն իշխանության որոշ պատգամավորներ շարունակում են պնդել հակառակը։

«Վարչական ռեսուրս կիրառվեց, որ միջին օղակի այն բոլոր չինովնիկները, որոնք երազում են, որ տապալվի այս իշխանությունը եւ գա հին ժամանակները, այդ վարչական ռեսուրսի մասի՞ն է խոսքը: Թե՞ այն համայնքապետերը, որոնց կեսը բացահայտ, կեսը թաքուն պայքարում են իշխանությունների դեմ, էդ վարչական ռեսո՞ւրսը: Ինձ մի օրինակ բերեցին վարչական ռեսուրսի, երբ Թումանյանի համայնքապետն ասել է, թե ավտոբուսներով կտեղափոխեն: Ես էլ ասացի, որ տեղյակ չեմ, բայց եթե այդպիսի բան է արել, ապա դա դատապարտում եմ, որովհետեւ դա ինձ վնաս է: Որովհետեւ ես ուզում եմ հանրահավաքի վայրում նայել ժողովրդի աչքերին ու երբ ես նայում էի ժողովրդի աչքերին, ես տեսնում էի, որ իրենցից մեկն եմ: Որ եթե վաղը չէ մյուս օրը, երբ Վազգեն Մանուկյանը իշխանությունը բռնի տապալի ու ինձ փողոց շպրտի, ես դառնալու եմ իրենց նման: Ես ուզում եմ, որ ժողովուրդն այդպիսին լինի, սարքած ժողովուրդն ո՞ւմ է պետք»,-պատասխանեց պատգամավորը։

Աղբյուր` Փաստինֆո