Փաստ ինֆո

Հայաստանը կարծես Արցախից ձեռքերը լվացած լինի, իր խնդիրն է համարում միայն սոցիալական հարցերով զբաղվելը, ասում է՝ եկեք աշխատավարձը տանք, թոշակը տանք, նպաստներ տանք և վերջ։ Սրանով մենք էլ որևէ խնդիր չունենք լուծելու՝ ո՛չ բանակցային, ո՛չ անվտանգության, ո՛չ ռազմական։ Այս մասին «Փաստինֆո»-ի եթերում ասել է «Մարդկային զարգացման միջազգային կենտրոնի» ղեկավար Թևան Պողոսյանը։

Նրա խոսքով՝ ինչպես Հայաստանում պետական ինստիտուտներն են կաթվածահար, այնպես էլ վերաբերմունքն է Արցախի նկատմամբ։ «Ամեն օր մի խումբ ԶԼՄ-ներ նպաստում են նրան, որ ավելի ու ավելի հնչի այն միտքը, թե Արցախը բեռ էր, ազատվեցինք, պրծավ գնաց, սրանով վիճակը լավացավ»,- ասել է բանախոսը եւ ավելացրել. «Իրականության մեջ որևէ փաստարկ, որը մենք բանակցությունների ժամանակ օգտագործել ենք չի փոխվել այսօրվա դրությամբ։

Հակառակը, երբ առաջ խոսում էին ուժի չկիրառման մասին հիմա դա խախտվել է, և մենք պետք է այդ սկզբունքի մասին ամեն օր աղաղակենք, եթե նախկինում մենք տարածքային ամբողջականության վրա շեշտը չէինք դնում, այլ դնում էինք միայն ազգերի ինքնորոշման վրա, այսօր հակառակը մենք դրա մասին էլ պետք է խոսենք, որովհետև օկուպացված տարածքներ ունենք և Արցախի հանրապետության տարածքային ամբողջականությունը խախտվել է»։

Մանրամասները՝ տեսանյութում։

Աղբյուր` Փաստինֆո