Փաստ ինֆո

Նախագիծը բավականին մակերեսային է գրված, փորձ է արվում ինչ-որ բան կարգավորել, բայց իրականում ոչինչ չի կարգավորվելու, այլ հակառակը՝ կարող է մեծ վնաս հասցնել լրատվամիջոցների աշխատանքին: «Փաստինֆո»-ի հետ զրույցում նման տեսակետ է հայտնել ԼՀԿ պատգամավոր Անի Սամսոնյանը՝ անդրադառնալով իշխանության «Զանգվածային լրատվության մասին» օրենքում փոփոխություններ կատարելու նախագծին, որով արգելվելու է հղում կատարել անանուն աղբյուրներին:

Պատգամավորն ընդգծեց, որ ցանկացած լրատվամիջոց իրավունք ունի հղում անել իր աղբյուրներին, բայց չբացահայտել այդ աղբյուրը
«Փորձ է արվում միջամտել մի բանի, որին իրավունք չունեն միջամտել: Մի իշխանություն, որը հիմնել է ապատեղեկատվության մշակույթը, չի կարող պայքարել դրա դեմ: Հենց այս իշխանությունն է շատ ակտիվ օգտագործում անուն աղբյուրների գործիքները, որոնք էլ տարածում են ապատեղեկտվություն ընդդիմադիր գործիչների նկատմամբ»,-նկատում է Սամսոնյանը:

Պատգամավորը մեզ հետ զրույցում ընգծեց նաև, որ այս նախագծով փորձ է արվում սահամանափակել իշխանության դեմ իրականացվող պրոպագանդան:

Աղբյուր` Փաստինֆո