ԲՈԼՈՐ ՆՅՈՒԹԵՐԸ
Քրեական գործով չկա որևէ դրվագ՝ Նիկոլ Փաշինյանի դիվանագիտական անձնագրի հափշտակության մասին. փաստաբան 01/27/2021 21:12 | ԼՐԱՀՈՍ
Նիկոլ Փաշինյանին որպես տուժող ճանաչելու մասին որոշման մեջ սպառիչ սահմանված էին այն բոլոր իրերը, առարկաները, որոնք հափշտակված են եղել Նիկոլ Փաշինյանից և դիվանագիտական անձնագիրն այդ ցանկում չի եղել։ Այս մասին «Փաստինֆո»-ի հետ զրույցում ասաց փաստաբան Ալեքսանդր Կոչուբաևը։ Նշենք, որ երեկ՝ հունվարի 26-ին, ՀՀ ԱԳՆ-ն պաշտոնապես հայտարարել է, թե 2020 թվականի նոյեմբերի 9-ի եռակողմ հայտարարության ստորագրման օրը հափշտակվել է ՀՀ վարչապետ Նիկոլ Փաշինյանի դիվանագիտական անձնագիրը։
«Նոյեմբերի 10-ին ի խումբ անձանց ՀՀ կառավարության շենք ներխուժելու ժամանակ հափշտակվել է 14 դիվանագիտական անձնագիր, այդ թվում նաև ՀՀ վարչապետի դիվանագիտական անձնագիրը»,- «Փաստինֆո»-ին ասել է ԱԳՆ խոսնակ Աննա Նաղդալյանը։ Մինչդեռ դիվանագիտական անձնագրի հափշտակության մասին առաջինը բարձրաձայնած ՀՀ-ից արտաքսված, Ղազախստանի քաղաքացի, միջազգայնագետ, «Օրբելի» կենտրոնի նախկին փորձագետ Անդրանիկ Հովհաննիսյանը հայտարարել է, որ անձնագիրը հափշտակվել է նոյեմբերի 7-ին՝ նախքան հայտարարության ստորագրումը։
Հիշեցնենք, որ մի խումբ քաղաքացիների ՀՀ կառավարության շենք, կառավարական առանձնատուն մուտք գործելուց հետո՝ Ն.Փաշինյանը հայտարարել է, թե հափշտակվել է օծանելիք, համակարգիչ, ժամացույց եւ այլ իրեր, սակայն դիվանագիտական անձնագրերի հափշտակության մասին որեւէ խոսք չի եղել։ Դեպքի առթիվ հարուցված քրեական գործով նախաքննությունը կատարվում է ԱԱԾ-ում, որից անջատված մասը մի քանի մեղադրյալների մասով ուղարկվել է դատարան։
Փաստաբան Ալեքսանդր Կոչուբաևը, որը որպես պաշտպան ներգրավված է և՛ ԱԱԾ-ում նախաքննության փուլում գտնվող մայր գործով, և՛ արդեն դատարան ուղարկված անջատված մասով, ծանոթ է գործի նյութերին եւ «Փաստինֆո»-ի հետ զրույցում նշեց, որ Ն.Փաշինյանը տուժող չի ճանաչվել անձնագրերի հափշտակության համար ու ընդհանրապես նման դրվագ գոյություն չունի գործում։ Ավելին, պարզվում է, ի սկզբանե Նիկոլ Փաշինյանը տուժող ճանաչված չի եղել։
Նրա փոխանցմամբ՝ ՀՀ գլխավոր դատախազը հանդիպել էր Նիկոլ Փաշինյանի հետ, որի ժամանակ վերջինս հետաքրքրվել էր քրեական գործի տվյալների մասին։
«Դիմեցի Գլխավոր դատախազին՝ պահանջելով նույնաբովանդակ հանդիպում նաև պաշտպանական կողմի հետ և պատճառաբանությունը հենց այն էր, որ Նիկոլ Փաշինյանը տուժող է այդ գործով և մեզ հետ նաև պետք է հանդիպում լիներ։ Այդ փուլում պարզվեց, որ տեղի էր ունեցել տարրական իրավական անգրագիտություն և Նիկոլ Փաշինյանը նույնիսկ տուժող չէր ճանաչվել այդ գործով։ Իմ դիմումից հետո՝ դեկտեմբերի 28-ին Նիկոլ Փաշինյանը ճանաչվել է տուժող, մինչդեռ՝ իրադարձությունները տեղի են ունեցել նոյեմբերի 10-ին»,- նշեց Կոչուբաևը՝ ընդգծելով, որ Նիկոլ Փաշինյանին տուժող ճանաչելու մասին որոշման մեջ սահմանված են եղել այն բոլոր իրերը, որոնք հափշտակված են եղել Փաշինյանից և նրա դիվանագիտական անձնագիրը այդ ցանկում չի եղել, իսկ դրանից հետո Նիկոլ Փաշինյանը նոր ցուցմունք չի տվել՝ նոր կորցրած իրի մասին՝ մինչև այդ վիճելի հրապարակումը։
Փաստաբանի խոսքով՝ ամեն ինչ փորձում են բարդել անմեղ ցուցարարների վրա և իրականում որևէ անձնագրի հափշտակության դրվագ, անգամ քննարկումներ քրեական գործի շրջանակներում չի եղել։ Փաստաբանը հիշեցրեց, որ Նիկոլ Փաշինյանն է հանդես եկել նաև հրապարակմամբ՝ ներկայացնելով այն առարկաների շրջանակը, որն իր տանից հափշտակված են եղել և միանշանակ է, որ դիվանագիտական անձնագրի մասին խոսք չի եղել։
«Սա փնթի փորձ է՝ ամեն ինչ ցուցարարների վրա բարդելու։ Համենայն դեպս՝ կառավարության վերաբերյալ ամբողջ դրվագն առանձնացված է, գտնվում է դատարանի վարույթում և քրեական գործով որևէ նման դրվագ չի շոշափվում։ Կա դրոշի հափշտակման փորձ, կա գույքի վնասման դրվագ, բայց դիվանագիտական անձնագրի մասին, որևէ ցուցմունք առկա չէ»,- նշեց Կոչուբաևը։
Ինչ վերաբերում է Աշոտ Փաշինյանին հարցաքննելու վերաբերյալ միջնորդությանը, ապա պաշտպանը նշեց, որ միջնորդության լուծումն անորոշ ժամկետով հետաձգելու միջոցով մերժելու մասին որոշման դեմ բողոք է ներկայացվել։
«Կրկին Փաշինյանը և իր շրջապատը փայլեցին ցինիզմով, բացահայտ արհամարհանքով։ Պաշտպանական կողմը հստակ տեղեկություն է ձեռք բերել, որ զանգվածային անկարգությունները կազմակերպվել և դրանում անմիջական ներգրավվածություն է ունեցել Աշոտ Փաշինյանի մտերիմներից մեկը, նրա շրջապատից մեկը կամ այնպիսի անձ, որը Փաշինյանի հետ փաբերում սրճում է։ Այդպիսի անձի վերաբերյալ տեղեկություն էինք փոխանցել նախաքննական մարմնին, սակայն նրա հարցաքննությունը մերժվեց և, որ քննության այդ ցավոտ տեղերին այլևս չխփենք, իմ պաշտպանյալների մասով գործն անջատեցին և ուղարկեցին դատարան, սակայն ԱԱԾ-ն հաշվի չէր առել մեկ բան, որ ես դեռևս ունեմ պաշտպանյալներ, որոնք մայր գործով էլ շարունակում են մեղադրյալի կարգավիճակ ունենալ և ես, այնուամենայնիվ, շարունակում եմ քրեական գործում կարգավիճակ ունենալ և այդ ուղղությամբ աշխատել»,- նշեց փաստաբանը՝ հավելելով, որ նախ պետք է պարզել, թե ով է կազմակերպել ենթադրյալ զանգվածային անկարգություններ, իսկ եթե ԱԱԾ-ն չի ցանկանում պարզել, թե ով է կազմակերպիչը, ապա քրեական գործի այլ ուղղությունների մասին խոսելն անիմաստ է։
Նշենք, որ փաստաբանն ավելի վաղ դիմել էր վարույթն իրականացնող մարմին՝ պարզելու, թե ինչպես է ստացվել, որ Փաշինյանի մամուլի խոսնակ Մանե Գևորգյանը հրապարակել է նախաքննական գաղտնիք համարվող տեսանյութերը։ Մասնավորապես, վարույթ իրականացնող մարմինն՝ ԱԱԾ-ն, առգրավել էր կառավարական առանձնատան տարածքում առկա բոլոր տեսախցիկները, սակայն դեպքից մի քանի օր անց Մանե Գևորգյանը ֆեյսբուքյան իր էջում հրապարակել է քրեական գործով առգրավված տեսանյութերը և փաստաբանը խնդրել էր պարզել արտահոսքի աղբյուրը։
«Փոխարենն ԱԱԾ-ն պատասխաներ, թե ինչ պայմաններում է արտահոսք տեղի ունեցել ԱԱԾ-ից, ընդամենը պարզաբանել է, որ արտահոսք տեղի է ունեցել, բայց որևէ անձի իրավունքներ չի խախտվել։ Դա ցույց է տալիս մակարդակը, որն այսօր առկա է և ԱԱԾ-ում, և՛ առհասարակ կառավարությունում»,- նշեց փաստաբանը՝ հավելելով, որ այդ հարցադրումներն ուղղելու հնարավորություններ ունեն՝ առանձնացված քրեական գործով դատաքննության ընթացքում, քանի որ վերջինս դատակոչված է, բայց խնդիրն այն է, որ ԱԱԾ-ից հանցավոր ճանապարհով տեսանյութ է դուրս եկել և Մանե Գևորգյանի կողմից հրապարակվել։ Ըստ փաստաբանի՝ և՛ ԱԱԾ-ում քննվող մայր գործը, և՛ արդեն դատարանում գտնվող գործն ընդամենը ցուցադրում են անցանկալի անձանց նկատմամբ հաշվեհարդար տեսնելու հերթական մոլուցքը, քանի որ անջատված մասը բացահայտ խայտառակ իրավիճակում է առանձնացվել մայր գործից և ուղարկվել դատարան։
Փաստաբանն ընդգծեց, որ հետևողական են լինելու, որ բոլոր հարցերը բարձրացվեն և դրանց տրվի իրավական լուծումներ, պայքարելու են, որ Փաշինյանի որդու շրջապատը կանգնի դատարանի առջև, ԱԱԾ-ից արտահոսք տված պաշտոնյաները ենթարկվեն պատասխանատվության, որ Մանե Գևորգյանը՝ որպես արտահոսք տված անձ, ենթարկվի պատասխանատվության, իսկ Արթուր Դավթյանը կրի պատասխանատվության իր բաժինը, թե ինչու է նա տուժողների հետ հանդիպում և քննարկում կոնկրետ քրեական գործեր։
Հեղինակ՝ Իզաբել Սահակյան
Հարակից հրապարակումներ`
Տեսանյութեր
02/29/2024 15:35 Ադրբեջանցի զինված դիվերսանտը ներխուժել է ՀՀ տարածք ու ձերբակալվելՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 03/28/2024 08:25 ՔՊ-ականներն այլևս առաջվանը չեն․ «Հրապարակ»
- 03/28/2024 08:22 Փաշինյանը զարմացել է, որ ժողովուրդն այսքան տարի իրենց հանդուրժում է․«Հրապարակ»
- 03/28/2024 08:17 Ցելոֆանե տոպրակները չհանվեցին, այլ թանկացան. Նիկոլ Փաշինյանը խաբել է. մաս 190. «Ժողովուրդ»
- 03/28/2024 08:14 Իշխանությունների՝ ամեն ինչ օպտիմալացնելու սևեռումը հասել է Դիլիջան․«Հրապարակ»
- 03/28/2024 08:11 Որքան է Հ1-ը վճարել Հրաչուհի Ութմազյանին ու Համլետ Առաքելյանին՝ «Օսկար» մրցանակաբաշխությունը մեկնաբանելու համար․ «Հրապարակ»
- 03/28/2024 08:06 Գեներալները չկան, Փաշինյանը որոշել է հանձնել Տավուշի բնակավայրերը․«Հրապարակ»
- 03/28/2024 07:41 Քաոս Կոռուպցիայի կանխարգելման հանձնաժողովում․ աշխատակիցները հերթով ազատվում են, իսկ իշխանությունը չի գտնում իր «սրտի» ԿԿՀ նախագահին. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
- 02/13/2024 21:42 Ադրբեջանը խուսափելու է իրական բանակցային գործընթացից. որոշակի հանձնառություններ է ստանձնել՝ Իրանի դեմ կատարելու, որոնք իրականացնելու ցանկություն այս պահին չունի. Ձյունիկ Աղաջանյան
Մեկնաբանություն
- 03/28/2024 18:41 Հայ ժողովրդին վախեցնում է ադրբեջանի պատերազմով, իսկ ինքը վախենում է Արցախի նախագահից․ և ոչ միայն․․․
- 03/26/2024 13:03 Ադրբեջանի հերթական պահանջը. Արթուր Խաչատրյան
- 03/25/2024 18:12 ԱԺԲ-ն ներկայացրել է, թե ինչ պահանջներ են ներկայացվել Նոր Նորքի ոստիկանության բաժնի մոտ
- 03/25/2024 16:19 Մեկնարկում է «Արցախի երիտասարդության որոշիչ ձայնը» ծրագիրը. Մետաքսե Հակոբյան
Արխիվ
Արտակարգ պատահարներ
- 03/28/2024 12:23 Երևանում «Toyota»-ի վարորդը, լինելով ամենաբարձր աստիճանի խմած, դարձել է շղթայական ավտոմեքենաների ջարդի հեղինակ. 12-ամյա երեխան ու նրա մայրը տեղափոխվել են հիվանդանոց
- 03/27/2024 21:59 Արգածոտնի մարզի գյուղերից մեկում․ 13-ամյա թոռը պապի մարմինը հայտնաբերել է պատշգամբի ճաղավանդակից կախված
- 03/27/2024 17:14 Քուչակ գյուղի մոտակայքում բախվել են ավտոմեքենաներ. կան տուժածներ և մեկ զոհ
- 03/27/2024 13:23 Ծաղկահովիտ-Ալագյազ ավտոճանապարհին «VAZ» մակնիշի ավտոմեքենան արգելափակվել է ձյան շերտում. կան տուժածներ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 03/28/2024 18:28 Կինը բռնել է ամուսնուն դավաճանելիս՝ առողջ ապրելակերպի հանդեպ ունեցած սիրո շնորհիվ
- 03/27/2024 23:52 Նույն քաղաքի երեք ուսուցչուհիների ձերբակալել են աշակերտների հետ սեռական հարաբերություններ ունենալու համար
- 03/27/2024 16:30 «Տիտանիկ»-ի հերոսուհու կյանքը փրկած դուռը աճուրդում վաճառվել է 718 հազար դոլարով
- 03/26/2024 23:42 Ուսուցչուհին երկու ամիս շարունակ դպրոցում սեռական հարաբերություն է ունեցել 15-ամյա դեռահասի հետ
Հետաքրքիր է իմանալ
- 03/25/2024 18:55 Գիշերը Լուսնի խավարում է եղել. ինչ ազդեցություն ունի այն մարդու վրա
- 03/25/2024 16:49 Խաբարովսկի երկնքում անհայտ օբյեկտ են նկատել. (տեսանյութ)
- 03/25/2024 13:21 Արեգակնային բռնկումից հետո Երկիրը ծածկվել է հզոր մագնիսական փոթորիկով. սրանից ավելի ուժեղը գրանցվել է շուրջ 20 տարի առաջ
- 03/22/2024 17:29 Իլոն Մասկը ազդարարել է նոր ուղեղային իմպլանտի մասին, որը կույրերին թույլ կտա տեսնել